Collection’s

12/05/2026

🤐🥹

Hindi talaga para sa mahihinang lalaki ang babaeng may PCOS.

Dahil ang PCOS o Polycystic O***y Syndrome ay hindi simpleng “mood swings” lang na pwedeng tawanan o maliitin. Isa itong hormonal imbalance na may kasamang irregular period, weight struggles, emotional exhaustion, anxiety, stress, at minsan tahimik na pagod na hindi agad nakikita ng ibang tao. Kaya bago mo husgahan ang isang babae dahil “nagbago ang ugali,” “madaling mapagod,” o “madaling ma-overwhelm,” alalahanin mo muna na may laban siyang araw-araw na hindi mo nakikita.

May mga babae na gusto namang maging maayos, gusto namang maging kalmado, gusto namang alagaan ang sarili nila, pero hindi lahat ng laban sa katawan at emosyon ay madali nilang kontrolin. At doon nasusukat ang tunay na pagkalalaki hindi sa lakas ng boses, hindi sa pagiging dominante, kundi sa kakayahang umintindi, magpasensya, at manatili kahit mahirap ang sitwasyon.

Ang babaeng may PCOS ay hindi “too much.”
Hindi sila pabigat.
Hindi sila komplikado para mahalin.
Hindi din sila pabaya sa mga pagsamba.
(para sa may takot sa Allah)

Ang totoo , may mga tao lang talagang hindi handang sumabay sa bigat ng laban nila.

Kaya kung lalaki ka at alam mong wala kang sapat na rahmah o awa , pasensya, emotional maturity, at pag-unawa, huwag ka nang manggulo sa buhay ng babaeng tahimik nang nakikipaglaban sa sarili niyang katawan. Dahil minsan, ang pinakamasakit na dagdag sa babae ay hindi ang sakit niya kundi ang lalaking ginagawa siyang kasalanan dahil lamang nahihirapan siya.

Sa Islam, hindi tayo tinuruan na iwan ang tao kapag mahina sila. Tinuruan tayo ng rahmah, husn al-mu‘asharah, at maayos na pakikitungo lalo na kapag may pinagdadaanan ang isang tao.

Sinabi ng Allah:

﴿ وَعَاشِرُوهُنَّ بِالْمَعْرُوفِ ﴾

“At pakitunguhan ninyo sila nang maayos.” Surah An-Nisā’ 4:19

At sinabi rin ni Propeta Mohammed ﷺ:

« خَيْرُكُمْ خَيْرُكُمْ لِأَهْلِهِ »

“Ang pinakamabuti sa inyo ay yaong pinakamabuti sa kanyang pamilya.” Tirmidhi

At dito pumapasok ang isang mahalagang pamantayan natin sa Usūl al-Fiqh:

“الحكم يدور مع علته وجودًا وعدمًا”

“Ang hatol o pagtrato ay umiikot ayon sa dahilan nito; kapag nandoon ang dahilan, nandoon ang konsiderasyon.”

Ibig sabihin, kung nauunawaan mong may tunay na dahilan tulad ng karamdaman, hormonal imbalance, o emotional struggle, mas lalong kailangan ang awa, tamang pag-unawa, at mahinahong pakikitungo hindi pangungutya, paninisi, o paglayo.

Bilang isang lalaki o mga kalalakihan, mahalagang ipaunawa na ang babaeng may PCOS ay hindi naghahanap ng perpektong lalaki. Ang kailangan lang nila ay lalaking marunong umintindi, marunong makinig, at hindi biglang nawawala kapag nagsimula nang maging mahirap ang laban.

Dahil ang tunay na pagmamahal ay hindi lang nasusukat sa saya ng simula kagaya ng palagi nating nasasaksihan
kundi sa pananatili kahit may hirap, pagod, at pagsubok.





𝙆𝙝𝙖𝙡𝙚𝙚𝙡

12/05/2026

Alhamdulillah

12/05/2026

📌

"HINDI OBLIGADO (wajib) SA BABAE NA MAGLINGKOD SA MAGULANG O KAMAG-ANAK NG ASAWANG LALAKI"

📌 Unawain at basahin maigi bago magkumento.

👉🏻 Inaakala ng iilan sa atin na ang asawang babae ay tungkulin nito na maglingkod sa pamilya ng asawang lalaki tulad ng paglingkod sa kapatid, magulang o sinumang mga malapit na kamag-anak ng lalaki at kapag hindi niya ito ginawa ay itinuturing siyang (maybahay) hindi mainam makitungo!

🔲 Naging kaugalian pa ng iilan ay pinipilit ang maybahay na maglingkod sa mga kamag-anak ng lalaki at kapag hindi niya ito ginawa ay maaaring makarinig ng mahanghang na salita o humantong sa hiwalayan.

🔲 Ngunit ang katototanan, Ang tanging obligado lamang sa maybahay (asawang babae) ay paglingkuran ang asawang lalaki at hindi kabilang sa tungkulin nito na maglingkod sa pamilya ng asawang lalaki maliban lamang kung nais niyang mag magandang-loob, gumawa ng kabutihan at hangad ang kaluguran ni Allah!

🔲Ang tanging mainam na gawin ng maybahay sa magulang ng kanyang asawa ay pakitunguhan sila ng mainam, mahalin, igalang at paglingkuran sa mga simpling bagay na nakakabuti sa kanila at maaari rin siyang humingi ng payo upang umani ng ibayong pagmamahal mula sa asawang lalaki.

📍 Binanggit sa Fatwa ng mga Ulama ng Permanent Committee ng Saudi Arabia:

👉🏻"Walang batayan mula sa batas ng Islam na obligahin ang maybahay na tulungan ang magulang ng asawang lalaki maliban sa bagay na mainam na naayon sa kanyang kakayahan bilang kagandahang loob (magandang pakikitungo) sa asawang lalaki at mahalin ang magulang ng lalaki sa bagay na nararapat"

[PAALAALA:]

👉🏻 Bilang asawang lalaki, huwag mong obligahin ang iyong asawa na paglingkuran ang iyong pamilya tulad ng paglalaba, pagluluto o minsan pati pag-iigib o pangungaha ng kahoy .

👉🏻Dahil ITO AY HINDI MAKATARUNGAN, maliban lamang kung kusang loob na ginawa ng iyong asawa (may bahay) na hangad ang kaluguran at gantimpala mula sa Allah

📍 Hinggil naman sa paghahanda sa bisita ay ibang usapin yon

[Pinagkuhanan sa usapin: ]

قال علماء اللجنة الدائمة :
ليس في الشرع ما يدل على إلزام الزوجة أن تساعد أم الزوج ، إلا في حدود المعروف ، وقدر الطاقة ؛ إحساناً لعشرة زوجها ، وبرّاً بما يجب عليه بره" فتاوى اللجنة الدائمة " ( 19 / 264 ، 265 ) .

✍🏼Shaykh Zulameen Sarento Puti

12/05/2026

💔

Sa viral na video nito, maraming tao agad ang pumili ng kampi.
May nagsabing:
“Kasalanan ng babae dahil siya ang unang nanampal.”
May nagsabi naman:
“Kahit ano pa ang ginawa ng babae, walang karapatan ang lalaki manakit.”

Pero kung susuriin nang maayos, makikita mo na hindi ito simpleng usapin ng “sino ang tama.”
Isa itong malinaw na larawan ng relasyon na matagal nang puno ng unresolved anger, poor communication, emotional exhaustion, at pagkawala ng kontrol sa galit.

Pareho silang non-Muslim, ngunit kahit sa simpleng fitrah o likas ng tao, alam nating mali ang pananakit.

Ayon sa video, mukhang matagal nang may tensyon sa relasyon nila. Dumating ang lalaki na tila malamig at hindi sumasagot sa messages o calls ng asawa. Ang babae naman, dala marahil ng pagod, galit, selos, o emotional frustration, kinausap ang asawa nang mataas ang emosyon. Hanggang sa nauwi sa sigawan, masasakit na salita, at unang pananampal mula sa babae.

At doon nagsimula ang mas malaking pagkasira.

Dahil imbes na pigilan ang sarili, ginamitan din ng lalaki ng pisikal na lakas ang asawa niya. At dahil mas malaki at mas malakas ang pangangatawan niya bilang lalaki, naging mas mabigat ang epekto ng suntok at pananakit sa babae hanggang sa bumagsak ito sa sakit.

Dito mahalagang maintindihan:
ang pagiging unang nanampal ng babae ay hindi awtomatikong ginagawang tama ang sobra at marahas na ganti ng lalaki.

At hindi rin tama na gawing biro o normal ang pananampal ng babae sa lalaki dahil “lalaki naman siya.”

Ang totoo:
pareho silang nawalan ng kontrol.
Parehong may maling nagawa.
Pero hindi lahat ng “ganti” ay justified kapag lumampas na sa hangganan at nauwi sa matinding pananakit.

Sa Islam, may mahalagang prinsipyo tayo na obligado nating sundin bago paman mangyari ang hindi na dapat pang mangyari:

﴿ وَلَا تَعْتَدُوا ۚ إِنَّ اللَّهَ لَا يُحِبُّ الْمُعْتَدِينَ ﴾

“At huwag kayong lumampas sa hangganan. Tunay na hindi minamahal ng Allah ang mga lumalampas sa hangganan.”
📘Surah Al-Baqarah 2:190

At sinabi rin ni Propeta Mohammed ﷺ:

“Ang tunay na malakas ay hindi iyong nananalo sa pakikipagbuno, kundi iyong nakakontrol ng sarili kapag galit.”
📘 Sahih al-Bukhari at Muslim- matagal na nating alam ito pero laging nababaon sa limot at hindi ginagamit bilang isa sa mga pangunahing solusyon.

Ito ang nawawala sa maraming relasyon ngayon:
emotional discipline.

Kapag ang relasyon ay puro sigaw, mura, pananakit, paghamak, at pagganti
darating ang punto na hindi na pagmamahalan ang umiiral kundi survival mode na lang.

May isang qā‘idah tayo na ginamit ko sa caption ng image na tugmang-tugma sa mga madalas na mangyari sa lipuhan

“الضرر لا يزال بالضرر”📘

“Ang pinsala ay hindi inaalis sa pamamagitan ng panibagong pinsala.”

Ibig sabihin, hindi mo aayusin ang sakit sa pamamagitan ng mas matinding pananakit. Kapag parehong galit ang gumagalaw, parehong may masasaktan at parehong may masisira.

At isa pang realidad na dapat harapin:
kapag mas malakas ang katawan mo, mas mabigat ang responsibilidad mong magpigil.

Hindi kahinaan ang paglayo muna kapag galit.
Hindi kabawasan sa pagkalalaki ang umiwas sa pisikal na komprontasyon.
Minsan, ang pinakamalakas na tao ay iyong marunong huminto bago siya makapanakit nang hindi na niya mababawi.

Kaya imbes na gawing entertainment ang ganitong viral videos, mas mabuting gawin itong paalala:
kapag hindi na marunong mag-usap nang maayos ang mag-asawa, kapag paulit-ulit ang nangyayari kahit pa dumaan na ito sa batas para maayos, kapag puro galit na lang ang paraan ng paglalabas ng emosyon, at kapag nawawala na ang respeto sa isa’t isa unti-unting namamatay ang relasyon bago pa man ito tuluyang masira.

Pagtagumpayin nawa tayo ng diyos na maunawaan at maisabuhay ang mga paalalang ito.




𝙆𝙝𝙖𝙡𝙚𝙚𝙡

12/05/2026

📌

12/05/2026

📍