https://www.facebook.com/442653025757930/

UP Manila Salinlahi, University of the Philippines Manila, College of Arts and Sciences, Padre Faura Street, Manila (2026)

Q: What is the address?

University Of The Philippines Manila, College Of Arts And Sciences, Padre Faura Street

15/08/2026

Banana? No!
Papaya? No!
Faura? Yes! 🐀

Freshies, Shiftees, and Transferees, catch us in the CAS Little Theatre this August 18 as we welcome you all as Iskos and Iskas to your new home. 👀

Unveiling the official poster for this year’s Boo-ya event, DespiCASble Me: The Rise of Freshies, grab some gelato and enjoy the upcoming show! 🍨

06/08/2026

𝐀𝐧𝐠 𝐁𝐀𝐏𝐀𝐠𝐭𝐚𝐭𝐚𝐩𝐨𝐬. 🎓🎬

Mula sa sining, para sa bayan! ✊ Isang napakalaking pagbati sa ating mga 𝗔𝗿𝘁𝗶𝘀𝘁𝗮 𝗻𝗴 𝗕𝗮𝘆𝗮𝗻! ✨

Sa bawat dula, tula, awit, at pigura na iginuhit pinatunayan ninyong ang sining ay hindi lamang palamuti, kundi 𝑠𝑎𝑛𝑑𝑎𝑡𝑎 𝑎𝑡 𝑠𝑎𝑙𝑎𝑚𝑖𝑛 𝑛𝑔 𝑎𝑡𝑖𝑛𝑔 𝑙𝑖𝑝𝑢𝑛𝑎𝑛. 🎭🎶

Hindi lang basta nag-aral ng kultura; pinag-isipan, pinagpuyatan, at isinabuhay.

Nagsimula ang inyong lakbay sa 🏫 𝗣𝗮𝗱𝗿𝗲 𝗙𝗮𝘂𝗿𝗮 𝗽𝗮𝘁𝘂𝗻𝗴𝗼 𝘀𝗮 📍𝗣𝗜𝗖𝗖. Hanggang sa tagumpay na ito, patuloy kayong magiging mukha at boses ng mapagpalayang kultura.

𝑰𝒔𝒂𝒏𝒈 𝒎𝒂𝒔𝒊𝒈𝒂𝒃𝒐𝒏𝒈 𝒑𝒂𝒈𝒕𝒂𝒕𝒂𝒑𝒐𝒔, 𝑩𝒂𝒕𝒄𝒉 𝟐𝟎𝟐𝟔! 👏

Hindi lang ito tagumpay ng inyong mga isip, kundi patunay ng tibay ng inyong mga puso sa bawat unos na inyong nilampasan. Higit pa sa inyong mga nakamit, labis namin kayong ipinagmamalaki. 💐🎨

Sabik kaming saksihan ang mga bagong kabanata at dakilang kwento na inyong isusulat. Abutin ninyo ang mga bituin—mataas ang aming pagpupugay sa inyo. 🌟

𝗦𝗶𝗻𝗶𝗻𝗴, 𝗣𝗮𝘁𝗻𝘂𝗯𝗮𝘆, 𝗮𝘁 𝗕𝗮𝘆𝗮𝗻.

𝐏𝐚𝐝𝐚𝐲𝐨𝐧, 𝐁𝐀𝐏𝐀 𝐁𝐚𝐭𝐜𝐡 𝟐𝟎𝟐𝟔! 🌻♥️

Pub by: Jillian Garcia
Caption by: Sofia Mondonedo

26/07/2026

3𝐑𝐃 𝐂𝐀𝐒 𝐔𝐍𝐃𝐄𝐑𝐆𝐑𝐀𝐃𝐔𝐀𝐓𝐄 𝐑𝐄𝐒𝐄𝐀𝐑𝐂𝐇 𝐂𝐎𝐋𝐋𝐎𝐐𝐔𝐈𝐔𝐌

Isang masining na pagbati para sa BAPA 2026 sa kanilang pagbabahagi sa ginanap na "3rd CAS Undergraduate Research Colloquium" na inorganisa ng Office of the Associate Dean for Research and Public Service noong Hulyo 24, 2026.

Tinalakay ng kanilang mga tesis ang iba’t ibang aspekto ng kultura, sining, at lipunang Pilipino. Mula sa pagdalumat sa mga lokal na tradisyon hanggang sa kritikal na pagsusuri sa mga makabagong anyo ng sining, ipinamalas ng mga pag-aaral na ito ang kahalagahan ng sining at kultura bilang lente sa pag-unawa at pagbabago sa ating bansa.

🏆𝐎𝐫𝐚𝐥 𝐏𝐫𝐞𝐬𝐞𝐧𝐭𝐚𝐭𝐢𝐨𝐧 (𝐀𝐫𝐭𝐬 𝐚𝐧𝐝 𝐇𝐮𝐦𝐚𝐧𝐢𝐭𝐢𝐞𝐬 𝐂𝐚𝐭𝐞𝐠𝐨𝐫𝐲)🏆

🥈𝑺𝒆𝒄𝒐𝒏𝒅 𝑷𝒍𝒂𝒄𝒆 - 𝑳𝒂𝒅𝒚 𝑺𝒉𝒂𝒏𝒆𝒍𝒍𝒆 𝑬𝒃𝒐𝒓𝒂

"IBA(an)g Likhabi: Isang Pag-aaral sa Ebolusyong Estetika ng Habing Ibaan na Hinubog ng Politikal na Ekonomiya ng Kultura"

🎖️𝑵𝒐𝒎𝒊𝒏𝒆𝒆 - 𝑺𝒉𝒂𝒉𝒂𝒏𝒊𝒆 𝑴𝒂𝒆 𝑴𝒆𝒏𝒅𝒆𝒛

"Narrating Identity: A Museological Study on Curatorial Practice and Symbolic Representation of Filipino Values in Museo ng Pag-asa"

🎖️𝑵𝒐𝒎𝒊𝒏𝒆𝒆 - 𝑱𝒐𝒉𝒏 𝑴𝒂𝒍𝒓𝒊𝒆𝒍 𝑹𝒐𝒅𝒓𝒊𝒈𝒖𝒆𝒛

"Pamana ng Himlayan: Inisyal na Pag-aaral sa Kabuluhan ng Manila Chinese Cemetery Tungo sa Pagkilala Nito Bilang Mahalagang Yamang Pangkalinangan (Important Cultural Property"

🏆𝐁𝐞𝐬𝐭 𝐢𝐧 𝐏𝐨𝐬𝐭𝐞𝐫 𝐏𝐫𝐞𝐬𝐞𝐧𝐭𝐚𝐭𝐢𝐨𝐧 (𝐀𝐫𝐭𝐬 𝐚𝐧𝐝 𝐇𝐮𝐦𝐚𝐧𝐢𝐭𝐢𝐞𝐬 𝐂𝐚𝐭𝐞𝐠𝐨𝐫𝐲)🏆

🥇𝑭𝒊𝒓𝒔𝒕 𝑷𝒍𝒂𝒄𝒆 - 𝑫𝒐𝒏𝒏 𝑨𝒏𝒈𝒆𝒍𝒐 𝑹𝒆𝒃𝒖𝒆𝒏𝒐

"Sa Ngalan ng Betis: Isang Pagsusuri sa Paggamit ng Pamanang Tatak at Kultural na Pagkakakilanlan ng mga Piling Pagawaan ng Pamandukit sa Betis, Guagua, Pampanga"

🥈𝑺𝒆𝒄𝒐𝒏𝒅 𝑷𝒍𝒂𝒄𝒆 - 𝑺𝒉𝒆𝒓𝒍𝒚 𝑴𝒂𝒆 𝑻𝒓𝒂𝒊𝒇𝒂𝒍𝒈𝒂𝒓

"Mula Baybay hanggang sa Ilalim ng Lupa: Ang Museo ng Alcaicería de San Fernando bilang Buhay na Arkibo ng Ugnayan ng Pilipino-Tsino sa Kasaysayang Kolonyal ng San Nicolas, Maynila"

🎖️𝑭𝒊𝒏𝒂𝒍𝒊𝒔𝒕 - 𝑨𝒍𝒕𝒉𝒆𝒂 𝑨𝒏𝒈𝒆𝒍𝒊𝒏𝒆 𝑽𝒐𝒄𝒂𝒍𝒂𝒏

"A Phenomenological Study of Bagnet Aesthetics and Consumption in Urbiztondo, San Juan, La Union"

Buong puso kayong ipinagmamalaki ng UP Manila Salinlahi. Nawa'y magsilbing inspirasyon ang inyong mga pag-aaral para sa mas malalim pang pag-unawa sa sining at kultura ng ating bansa.

𝐀𝐥𝐚𝐛 𝐍𝐠 𝐒𝐢𝐧𝐢𝐧𝐠, 𝐀𝐫𝐭𝐢𝐬𝐭𝐚 𝐍𝐠 𝐁𝐚𝐲𝐚𝐧.

19/07/2026

𝑻𝒉𝒆𝒔𝒊𝒔-𝒊𝒕!

Bago ang kanilang opisyal na , balikan natin ang mga natatanging tesis ng mga mag-aaral ng BA Philippine Arts 2026 na naging tampok sa apat na araw na presentasyon noong Mayo 15–20, 2026.

Isinulong ng kanilang mga pananaliksik ang pagtalakay sa iba't ibang dimensiyon ng Cultural Heritage and Arts Management sa pamamagitan ng masusing pagsusuri sa pangangalaga, pamamahala, at pagpapalaganap ng pamanang pangkultura at mga gawaing pangsining. Sa pamamagitan ng pagsusuri at kritikal na pagdulog, ipinamalas ng bawat pag-aaral ang ambag ng disiplina ng Philippine Arts sa pagpapalawak ng kaalaman at sa paglinang ng mas malalim na pag-unawa sa ating mayamang kalinangan.

Taos-pusong pasasalamat sa kanilang mga tagapayo at mga panelist sa kanilang walang sawang paggabay, mapanuring pagbasa, at mahahalagang puna at mungkahi na naging katuwang sa higit pang pagpapaunlad ng mga pananaliksik at sa matagumpay na pagsasagawa ng kanilang presentasyon ng mga pag-aaral na ito.

𝐀𝐥𝐚𝐛 𝐧𝐠 𝐒𝐢𝐧𝐢𝐧𝐠, 𝐀𝐫𝐭𝐢𝐬𝐭𝐚 𝐧𝐠 𝐁𝐚𝐲𝐚𝐧.

17/06/2026

𝐁𝐀𝐏𝐀 𝐀𝐜𝐚𝐝𝐞𝐦𝐢𝐜 𝐀𝐰𝐚𝐫𝐝𝐞𝐞𝐬 | 𝐈𝐤𝐚𝐥𝐚𝐰𝐚𝐧𝐠 𝐒𝐞𝐦𝐞𝐬𝐭𝐫𝐞, 𝐓𝐚𝐨𝐧𝐠 𝐏𝐚𝐧𝐮𝐫𝐮𝐚𝐧 𝟐𝟎𝟐𝟓–𝟐𝟎𝟐𝟔

𝘼𝙣𝙤 𝙠𝙖𝙮𝙖𝙣𝙜 𝙩𝙝𝙤𝙪𝙜𝙝𝙩 𝙥𝙧𝙤𝙘𝙚𝙨𝙨 𝙣𝙜 𝙢𝙜𝙖 𝙖𝙘𝙖𝙙𝙚𝙢𝙞𝙘 𝙖𝙘𝙝𝙞𝙚𝙫𝙚𝙧𝙨? ☀️✨

Mapapa-Neverending Midnight Sun ka sa ningning ng husay, sipag, at dedikasyong ipinamalas ng ating mga academic achievers ngayong semestre. Hindi lamang sila nagpawis sa init ng panahon, kundi higit sa lahat ay nagpursigi, nagsakripisyo, at naglaan ng walang sawang oras upang makamit ang karangalang ito.

Tulad ng araw na hindi basta-basta lumulubog, patuloy ding sumiklab ang kanilang dedikasyon sa pag-aaral at pagmamahal sa sining. Pagbati sa ating mga natatanging mag-aaral ng BA PhilArts!

𝐀𝐥𝐚𝐛 𝐧𝐠 𝐒𝐢𝐧𝐢𝐧𝐠, 𝐀𝐫𝐭𝐢𝐬𝐭𝐚 𝐧𝐠 𝐁𝐚𝐲𝐚𝐧.

𝐏𝐮𝐛 & 𝐂𝐚𝐩𝐭𝐢𝐨𝐧 𝐛𝐲: Jillian Bea Garcia

13/06/2026

𝙎𝙞𝙣𝙜𝙩𝙞𝙣𝙜𝙠𝙖𝙙 𝙣𝙜 𝙢𝙜𝙖 𝙠𝙪𝙡𝙖𝙮 𝙨𝙖 𝙗𝙖𝙝𝙖𝙜𝙝𝙖𝙧𝙞 – 𝙞𝙮𝙖𝙣 𝙖𝙣𝙜 𝙣𝙖𝙜𝙞𝙣𝙜 𝙗𝙪𝙝𝙖𝙮 𝙣𝙞 𝘼𝙧𝙣𝙚𝙡 𝙣𝙖 𝙬𝙖𝙡𝙖𝙣𝙜 𝙥𝙖𝙜𝙙𝙖𝙙𝙖𝙢𝙤𝙩 𝙣𝙞𝙮𝙖𝙣𝙜 𝙞𝙗𝙞𝙣𝙖𝙝𝙖𝙜𝙞 𝙨𝙖 𝙡𝙖𝙝𝙖𝙩 𝙣𝙜 𝙣𝙖𝙠𝙖𝙨𝙖𝙢𝙖 𝙨𝙖 𝙡𝙤𝙤𝙗 𝙖𝙩 𝙡𝙖𝙗𝙖𝙨 𝙣𝙜 𝙥𝙖𝙢𝙖𝙣𝙩𝙖𝙨𝙖𝙣. 𝘼𝙩 𝙨𝙖 𝙠𝙖𝙣𝙮𝙖𝙣𝙜 𝙥𝙖𝙜𝙡𝙞𝙨𝙖𝙣, 𝙝𝙞𝙣𝙙𝙞𝙣𝙜-𝙝𝙞𝙣𝙙𝙞 𝙢𝙖𝙥𝙪𝙥𝙪𝙨𝙮𝙖𝙬 𝙖𝙣𝙜 𝙢𝙜𝙖 𝙖𝙡𝙖𝙖𝙡𝙖𝙣𝙜 𝙠𝙖𝙣𝙮𝙖𝙣𝙜 𝙞𝙣𝙞𝙬𝙖𝙣, 𝙠𝙖𝙞𝙡𝙖𝙣𝙢𝙖𝙣. 🌈

Lubos na nakikiramay ang UP Manila Salinlahi sa pagpanaw ng aming minamahal na si Arnel James Peralta.

Siya ay nagsilbing miyembro ng UP Manila Salinlahi sa loob ng apat na taon at sa loob ng kanyang pananatili, binigyang buhay niya ang bawat aktibidad na kanyang sinasalihan at malikhaing ipinapamalas ang kanyang talento. Mula sa pagsulat ng mga iskrip at magbibigay-konsepto sa mga produksyon—buong puso niya itong pinaghusayan at pinaglaan ng dedikasyon.

Isang maalab na pagmamahal at pamamaalam, Arnel. 🕊

13/06/2026

𝐏𝐡𝐢𝐥𝐀𝐫𝐭𝐬 𝐖𝐞𝐞𝐤 𝟐𝟎𝟐𝟔 | 𝐎𝐛𝐫𝐚 𝐌𝐚𝐞𝐬𝐭𝐫𝐚 𝐒𝐞𝐫𝐢𝐞𝐬: 𝐆𝐫𝐚𝐩𝐡𝐢𝐜 𝐃𝐞𝐬𝐢𝐠𝐧 𝐖𝐨𝐫𝐤𝐬𝐡𝐨𝐩

Bilang bahagi ng 𝐏𝐡𝐢𝐥𝐀𝐫𝐭𝐬 𝐖𝐞𝐞𝐤 𝟐𝟎𝟐𝟔 at ng 𝐎𝐛𝐫𝐚 𝐌𝐚𝐞𝐬𝐭𝐫𝐚 𝐒𝐞𝐫𝐢𝐞𝐬, matagumpay na naisagawa ang 𝐆𝐫𝐚𝐩𝐡𝐢𝐜 𝐃𝐞𝐬𝐢𝐠𝐧 𝐖𝐨𝐫𝐤𝐬𝐡𝐨𝐩, na nagbigay sa mga kalahok ng pagkakataong mapalalim ang kanilang kaalaman at pag-unawa sa larangan ng disenyo.

Taos-puso naming pinasasalamatan si 𝗝𝗼𝘀𝗲𝗽𝗵 𝗤𝘂𝗲𝗿𝗶𝗷𝗲𝗿𝗼, isang graphic designer at photographer, sa kanyang oras, pagsisikap, at dedikasyon sa pagbabahagi ng kanyang kaalaman at karanasan sa graphic design. Sa pamamagitan ng kanyang workshop, nabigyang-inspirasyon ang mga kalahok na paunlarin ang kanilang pagkamalikhain at higit pang paghusayin ang kanilang kakayahan sa biswal na komunikasyon at disenyo.

Higit pa sa mga teknik at kasanayang natutuhan, binigyang-diin sa talakayan ang kahalagahan ng malikhaing pag-iisip, disiplina sa proseso ng paglikha, at ang mahalagang papel ng disenyo sa epektibong paghahatid ng mensahe at pagbuo ng makabuluhang koneksyon sa mga tao.

Maraming salamat sa lahat ng nakilahok at nakiisa sa unang edisyon ng Obra Maestra Series: Graphic Design Workshop.

Hanggang sa muli!

12/06/2026

Para sa ikalawang edisyon ng 𝐋𝐚𝐤𝐛𝐚𝐲 𝐒𝐢𝐧𝐢𝐧𝐠, isang makabuluhan at matagumpay na araw ng talakayan, pagbabahagi ng karanasan, at palihan ang naisakatuparan sa 𝗕𝗮𝘁𝗮𝗮𝗻 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 𝗳𝗼𝗿 𝘁𝗵𝗲 𝗔𝗿𝘁𝘀.

Sa pangunguna ng mga faculty ng BA Philippine Arts Program na sina G. Ryan Machado at Bb. Yra Doroteo, naging daan ang programa upang higit na mapalalim ang pag-unawa ng mga mag-aaral sa sining, edukasyon, at iba't ibang oportunidad sa larangan ng sining at kultura.

Isa sa mga tampok ng gawain ang directing workshop na pinangunahan ni 𝗝𝗮𝗹𝗲𝗻 𝗕𝘂𝗲𝗻𝗮𝘀𝗲𝗱𝗮, Filipino filmmaker, multimedia creative, at award-winning storyteller. Ibinahagi niya ang kanyang mahahalagang karanasan, proseso, at mga aral sa pagdidirehe ng pelikula, na nagsilbing inspirasyon sa mga kabataang nagnanais tuklasin ang proseso ng pelikula at malikhaing pagsulat.

Taos-puso rin ang aming pasasalamat kina 𝗙𝗿𝗶𝗮𝗻𝗲𝗹𝗹𝗮 𝗦𝗼𝗽𝗵𝗶𝗮 at 𝗧𝗶𝗮 𝗧𝗶𝗯𝗲𝗿𝗼 sa kanilang pagbabahagi ng karanasan bilang mga freshman ng BA PhilArts sa UP Manila. Sa pamamagitan ng kanilang mga kwento, nabigyang-liwanag ang buhay-kolehiyo at ang mga oportunidad na naghihintay sa mga susunod na iskolar ng bayan.

Muli, taos-pusong pasasalamat sa 𝗕𝗮𝘁𝗮𝗮𝗻 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 𝗳𝗼𝗿 𝘁𝗵𝗲 𝗔𝗿𝘁𝘀 sa mainit na pagtanggap at pakikiisa sa makabuluhang gawaing ito. Nawa'y magsilbi itong inspirasyon upang higit pang yakapin ng mga kabataan ang sining, kultura, at edukasyon bilang mga instrumento ng pagkatuto at pagbabago.

20/05/2026

🔓 𝑼𝑵𝑳𝑶𝑪𝑲𝑬𝑫: 𝑨 𝑳𝒐𝒄𝒌𝒆𝒓 𝒐𝒇 𝑩𝒆𝒄𝒐𝒎𝒊𝒏𝒈

Behind every locker is a story waiting to be opened.

The halls of Rizal Hall serve as space of growth for us. It depicts our story of life — filled with memories of learning, friendships, struggles, and dreams that we will carry long after we leave.

In this digital exhibit, may you witness the growth behind every brushstroke, every design, every detail — and the endless potential that continues to unlock itself with every act of creation through our lockers. ✨🎨

Come, let’s 𝒖𝒏𝒍𝒐𝒄𝒌 our becoming! 👤

https://bit.ly/PA166UNLOCKED
https://bit.ly/PA166UNLOCKED
https://bit.ly/PA166UNLOCKED

—
This exhibit is done in partial fulfillment of this semester’s requirements for PA 166: Digital Arts Workshop under Asst. Prof. Jessalyn Basco, MA.

For more updates and announcements, make sure to follow our page.

Illustration by Gabby Rasay
Caption by Sherly Traifalgar and Jan Rodriguez

13/05/2026

Noong Mayo 6, 2026, muling namukadkad ang mga kuwento ng ating kultural, kalikasan, at pagkakakilanlan sa puso ng Ermita. 🌺✨Naging buhay na hardin ang UP Manila sa pagdiriwang ng 𝐏𝐚𝐠𝐛𝐚𝐛𝐚𝐲𝐛𝐚𝐲 𝐬𝐚 𝐒𝐚𝐫𝐢𝐛𝐮𝐡𝐚𝐲 𝟐𝟎𝟐𝟔 , isang makulay na paglalakbay ng sining, pananampalataya, at pamanang biyokultural, na pinagyaman ng samu’t saring bulaklak, tradisyon, at mga kabataang may pusong naglilingkod sa bayan.
Ang mga arko ng bulaklak ay tila pag-alala sa ating mga ugat. Ang bawat hakbang at mga ngiti ay pagpupugay sa mayamang saribuhay na patuloy nating inaaruga at ipinapamana. 🌿💐

Maraming salamat sa lahat ng lumahok, nakiisa, at naging bahagi ng pagdiriwang na ito. Sa mga naghandog ng oras, talento, at pagmamahal upang maisabuhay ang diwa ng Santacruzan, kayo ang mga talulot na nagbigay kulay at buhay sa makasaysayang pagdiriwang na ito.
Nawa’y patuloy nating baybayin ang landas ng kultura at kalikasan nang may paggalang, pagkakaisa, at pag-ibig sa ating pamana. 🌸

𝐈𝐧 𝐩𝐚𝐫𝐭𝐧𝐞𝐫𝐬𝐡𝐢𝐩 𝐰𝐢𝐭𝐡
Motivo
Ang Tagamasid UPM
UP Manila Salinlahi
UPM CAS Freshmen, Shiftees, and Transferees Council

𝐁𝐨𝐮𝐠𝐡𝐭 𝐭𝐨 𝐲𝐨𝐮 𝐛𝐲
Museum of a History of Ideas
The Faura Project

UP Manila Salinlahi

15/08/2026

06/08/2026

26/07/2026

19/07/2026

17/06/2026

13/06/2026

13/06/2026

12/06/2026

20/05/2026

13/05/2026

Address

Website

Alerts

Contact The Organization

Shortcuts

Share

Category

Listing takedown request