02/05/2026
Kami po ay nananawagan sa ating pambansang at lokal na pamahalaan na suportahan ang aming panawagan na mapasa na ang Magna Carta para sa Mga Manggagawa sa Basura.
Ito po ay para tiyakin na ang mga manggagawa sa basura na mga frontliner sa pagpapanatili ng kalinisan at kalusugan ng ating mga komunidad
at makakamit ang nararapat na proteksyon, makatarungang sahod, mga benepisyo, at pagkilala sa kanilang mahalagang tungkulin.Ang mga manggagawa sa basura ay hindi lamang naglilinis ng ating mga lansangan, kami ay nasa unahan ng laban kontra sa mga problema sa basura, polusyon, at pagkasira ng kalikasan. Sa kabila ng mahalagang tungkulin na ginagampanan namin, karamihan sa amin ay nahaharap sa mga hamon tulad ng:
- Hindi sapat na proteksiyon at kagamitan para maprotektahan ang aming kalusugan habang nagtatrabaho
- Mababang sahod na hindi sapat para tustusan ang pangangailangan ng aming mga pamilya
- Kakulangan ng mga benepisyo tulad ng seguridad sa kalusugan, , at benepisyo.
- Kakulangan ng pagkilala sa aming trabaho bilang isang mahalaga at mahirap na gawain.
/pickers
Araw ng Manggagawa: Panawagan para sa Proteksyon ng Waste Workers at Makatarungang Sistemang Zero Waste!
Ngayong Araw ng Manggagawa, kinikilala natin ang mahalagang kontribusyon ng waste workers—ngunit kasabay nito, kailangang harapin ang isang masakit na katotohanan: sila pa rin ang unang nalalagay sa panganib.
Ang sunog sa Navotas Sanitary Landfill ay isa na namang malinaw na paalala na ang patuloy na paggamit ng mga landfill bilang pangunahing sistema ng pamamahala ng basura ay nagdudulot ng seryosong panganib sa kaligtasan ng mga manggagawa at komunidad, tulad ng mga nauna nang insidente sa mga landfill sa Cebu at Rizal.
Ayon kay Joanna Amican ng Philippine National Waste Workers Alliance,“Kami sa PNWWA ay labis na nababahala sa sunod-sunod na trahedya, mula sa pagguho ng mga landfill hanggang sa patuloy na paglalagay sa panganib ng waste workers. Sa ilalim ng RA 9003, residual waste lamang ang dapat sa landfill, ngunit dahil sa kakulangan sa segregation at maayos na MRFs, nauuwi ito sa sunog, usok, at mapanganib na kemikal na nakakasira sa kalusugan. Paulit-ulit ang kapabayaan, at ang mga nasa laylayan ang unang naaapektuhan. Panahon na para managot ang dapat managot.”
Nanawagan naman si PNWWA President Aloja Santos na agarang ipasa ang Lokal na Magna Carta para sa Waste Workers (MCWW), “Isinusulong namin ang agarang pagpasa ng MCWW upang tiyakin ang karapatan, kaligtasan, at dignidad ng waste workers, at isulong ang tunay na Zero Waste solutions. Panahon na para managot ang kapabayaan at unahin ang kalusugan ng tao at kalikasan.”
Nangunguna ang Calapan City sa paghahain ng MCWW, habang lumalakas ang panawagan sa Malabon, Navotas, at iba pang lungsod.
Malinaw ang panawagan: panagutin ang may pananagutan, ipasa ang Pambansa at Lokal na Magna Carta para sa Waste Workers, palakasin ang RA 9003, at isulong ang Zero Waste.
Ngayong Araw ng Paggawa, higit pa sa pagkilala—panahon na para sa tunay na aksyon!
