ZN News Network

24/10/2026

21/10/2026

14/10/2026

EXPLORATORY TALKS TALI FEED MAKERS SA PANGISDAAN UG CONG AMATONG GIPAHIGAYON!
Si Congressman Ian Amatong sa ikatulong distrito ning atong probinsiya ang mingpahigayon karon ug exploratory discussion kuyog sa mga eksperto sa natad sa pag himo ug mga pagkaon (feeds) alang mga isda alang aquaculture industry sa ikatulong distrito.

Kagahapong adlawa October 13, nakigtagbo ug nakig esturya kini kang Mr. Norberto Chingcuangco sa Feedmix Specialist Inc. II, sa possibilidad nga madala ang ilang expertise sa aquaculture and feed production sa ikatulong distrito aron makatabang sa fish culture industry sa distrito, ug makahatag dakong benipesyo sa mga mangingisda.

Matud pa sa magbabaload ang maong eksperto gikalatid nga mobisita sa mga lungsod sa distrito aron mas masuheto ang potential nga paglusad sa programa niini dinhi sa probinsiya.

Kung mahatagan ug katumanan hayan nga mas makatabang sa mga katawhan nga makabton ug dugang abot sa pamuyo, ug makatabang pagsulbad sa kapobrehon, usa sa mga importanteng buluhaton nga gitutukan karon sa magbabalaod sa ikatulong distrito aron nga masulbad ang kapobrehon sa mga katawhan.

Usa sa gihimong ehemplo mao ang mahimong ikatabang niini sa lungsod sa Godod, nga bisan usa ka in-land municipality, apan nagplano karon nga mobuhi ug mga tilapya nga isda busa kining collaboration hayan makatabang niini.

Kini usa lamang sa daghan pang plano nga ilusad niya diha sa natad sa livelihood development, tumong nga mahaw-as ang mga katawhan sa kalisod sa pamuyo.
Photo credit: Team Adrian Amatong

11/10/2026

CONG AMATONG NANAWAGAN MAGHIUSA PAGPILI UG MATARONG NGA LIDERATO SA NASUD, ALANG SA MAS DUGANG KALAMBOAN SA KATAWHAN!

“Kung Kuyog Mo, dapat motabang mo,” matud pa ni Amatong sa iyang FB post.

My Opinion:
Nakita man gud nato karon nga sobra ang pakatap sa mga disinformation aron maimpluwensiyahan ang panghunahuna sa katawhan, sa tinguha nga malimpyuhan ang baho ug langsa na nga kadungganan sa usa ka political family nga nag-ambisyon nga mobalik lingkud sa Malakanyang. Busa kining maong panawagan haom kaayo aron mapukaw ang nahikatulog nga mga katawhan, misguided kay misinformed.

Kay para nako kon matarong ug ligdong ang magdumala sa national level leadership, angay gyud Kuyogan nato alang ra sab sa benipesyo natong mga naa sa probinsiya. Kon magpili tag lider nga ang atong basehan paglingla na daan natong mga katawhan, apan nanimaho nang daan ang reputasyon, unsa may atong padulngan?

Ang kasamtangan nga Marcos regime outgoing na, naa tay bag-ong paglaom nga sa katapusan makapahimutang tag gobyerno ug liderato nga way mantsa, limpiyo, matarong, ug good governance, sama sa inyung nasinati karon sa probinsiya kuyog ni Gov Darel Uy ug Cong Ian Amatong, Cong Pinpin Uy ug Cong Ai Labadlabad.