BHW Federation - Iloilo Province

15/05/2026

15/05/2026

𝗠𝗮𝗴-𝗕𝗣 𝗖𝗵𝗲𝗰𝗸 𝗥𝗲𝗴𝘂𝗹𝗮𝗿𝗹𝘆!

Ipinagdiriwang ngayong Mayo ang Hypertension Awareness Month upang bigyang-diin ang panganib ng mataas na presyon ng dugo. Ang hypertension ay madalas na walang nararamdamang sintomas, kaya mahalaga ang regular na pag-monitor ng blood pressure. Ugaliin ang TED o Tamang pagkain, Ehersisyo, at Disiplina at huwag kalimutang inumin ang maintenance na gamot upang makaiwas sa malalang komplikasyon.

Huwag hayaang maging huli ang lahat dahil ang pag-iingat sa puso ay pag-iingat sa buhay.

Maaaring magtungo sa inyong lokal na Health Center upang magpa-check ng presyon at makakuha ng payong medikal. Bisitahin din ang opisyal na website at mga social media page ng DOH para sa iba pang impormasyon.

15/05/2026

𝗕𝗶𝘆𝗮𝗛𝗲𝗿𝗼 𝗧𝗮𝘆𝗼: 𝗛𝗲𝗹𝗺𝗲𝘁 𝗢𝗻, 𝗕𝘂𝗰𝗸𝗹𝗲 𝗨𝗽!

Tuwing Mayo ay ginugunita ang Road Safety Month upang paigtingin ang kamalayan ng publiko sa kahalagahan ng kaligtasan sa kalsada. Sa pamamagitan ng kampanyang “BiyaHero Tayo,” hinihikayat ang lahat na gawing ligtas ang bawat biyahe sa pamamagitan ng tamang pagsusuot ng helmet at seatbelt.

Siguraduhing DTI-approved at tamang sukat ang helmet, habang ang lahat ng pasahero ay dapat naka-seatbelt nang maayos, kabilang ang mga nasa likurang upuan. Ang simpleng pag-iingat ay malaking hakbang upang makaiwas sa malubhang pinsala at aksidente sa kalsada.

Maging responsableng motorista at pasahero. Sa bawat biyahe, piliin ang kaligtasan dahil bawat buhay ay mahalaga.

15/05/2026

𝗟𝗶𝗴𝘁𝗮𝘀 𝗻𝗮 𝗣𝗮𝗴𝗯𝘂𝗯𝘂𝗻𝘁𝗶𝘀 𝗽𝗮𝗿𝗮 𝗛𝗲𝗮𝗹𝘁𝗵𝘆 𝘀𝗶 𝗠𝗼𝗺𝗺𝘆 𝗮𝘁 𝗕𝗮𝗯𝘆!

Ang ikalawang linggo ng Mayo ay ginugunita bilang Safe Motherhood Week upang paalalahanan ang bawat ina at pamilya na mahalaga ang tamang pangangalaga bago, habang, at pagkatapos manganak. Ang regular na prenatal check-up, panganganak sa health facility, at postnatal care ay mahalaga upang mapanatiling ligtas at malusog si mommy at baby.

Magpatingin nang hindi bababa sa walong beses habang buntis at huwag kalimutang magpa-checkup matapos manganak upang maagapan ang anumang komplikasyon.

Alagaan si Mommy ngayon para sa mas ligtas at mas malusog na bukas ni baby.

Para sa karagdagang impormasyon at serbisyo, bumisita sa pinakamalapit na health center sa inyong lugar.

12/05/2026

‼️’WAG PAGLARUAN ANG ABO GALING SA BULKAN; ALAMIN ANG ALTERNATIBONG PROTEKSYON SA BAGA KUNG WALANG N95 MASK‼️

Detalye sa comment section

12/05/2026