Yeshua Community Center

16/08/2026

🙏 SUNDAY WORSHIP & FELLOWSHIP

Another Sunday, another beautiful reminder that there’s always a reason to come back to God’s presence 🙌

Thank you to everyone who worshipped with us last Sunday! We pray nga na-refresh, na-encourage, ug napalig-on mo pinaagi sa Pulong sa Ginoo.

Unya na pud! Kuyoga imong pamilya, mga higala, o bisan kinsa nga nanginahanglan og pahinumdom sa gugma sa Ginoo.

Ug ayaw pud pagdali og uli after worship! Magpabilin ta gamay para sa fellowship—makig-chika, makig-connect, ug mag-enjoy sa atong community. Pwede pud magduwa og pickleball! 🏓

Kita-kits unya, 3PM! Mag-uban ta sa pagsimba, pagdayeg, ug fellowship! 💜

15/08/2026

15/08/2026

🏓 Usa na pud ka milestone para sa Pickleball sa Kapatagan! 🙌

Nahuman na gyud ang unang Pickleball Tournament sa Sangguniang Kabataan isip kabahin sa ilang Linggo ng Kabataan! 🎉🏓

Nalipay kaayo mi nga nahimong kabahin niini nga kalihokan. Dako kaayo among kalipay nga nakasuporta mi sa usa ka event nga naghiusa sa mga kabatan-onan pinaagi sa sports.

Pero labaw pa sa kalampusan sa tournament, mas dako among kalipay tungod kay nahimo kining higayon aron maipaambit ang Maayong Balita. 🙏

Pinaagi sa personal nga testimony ni Ptr. Frixy, nadungog nato kung unsa ka dako ang mahimo sa Ginoo sa kinabuhi sa usa ka tawo. Bisan pa man nga nagdako siya sa Christian nga pamilya ug komunidad, nakaagi gihapon siya sa panahon nga nalulong sa lain-laing bisyo—pag-inom, pagpanigarilyo, ug bisan paggamit og droga. Apan sa iyang pagbalik ug mas lawom nga pagsurrender sa Ginoo, nakita niya ang gahum sa Diyos nga makausab sa usa ka kinabuhi.

Ang iyang kinabuhi usa ka pahinumdom nga walay tawo nga layo ra kaayo para maabot sa grasya sa Diyos. Kung ang Ginoo motandog ug tugotan nato Siya nga molihok sa atong kinabuhi, mahimo gyud Niya kining bag-ohon.

Mao nga labaw pa sa mga duwa, puntos, ug kadaugan, mapasalamaton mi nga pinaagi niining kalihokana, adunay higayon nga mapadayag ang gugma ug gahum sa Ginoo. 🙌

Daghang salamat usab sa atong mga invited referees nga sila Coach Roderick ug Coach Renzo sa ilang panahon, kahibalo, ug tabang aron mahimong hapsay ug malampuson ang atong tournament. 👏🏓

Ug sa tanang players, organizers, SK, ug sa tanan nga nitabang aron mahimong posible kini nga tournament—daghang salamat!

Dili lang sports ang among gusto nga matukod, kundili usa ka komunidad nga adunay gugma, panag-uban, ug labaw sa tanan, usa ka komunidad nga makaila kang Kristo.

Sa Diyos ang tanang himaya! 🙏

11/08/2026

⚠️ OPEN PLAY IS CANCELLED — starting today, August 11, until further notice. Naa mi ongoing repair works sa among courts.

Pasaylo-a mi sa kahasol — magpahibalo dayon mi diri sa Facebook once human na ang pag-ayo.

Sunday Service continues as usual, 3 PM. See you there! 🙏

02/08/2026

Ang tinuod nga pagtuo (Real Faith) dili lang makita sa atong ginasulti, kundili sa pinaagi sa atong pagkinabuhi.

✨ Nagapadayon uban sa pagpailub.
🙏 Nagasalig pinaagi sa pag-ampo.
💜 Ug adunay kasingkasing nga magdala sa uban pabalik sa Ginoo.
(James 5:7–20)

Salamat sa inyong pag-uban sa atong Sunday Worship! Padayon ta sa pagtubo diha kang Jesus.

Duyog ta unya, alas 3:00 sa hapon! Dala ug amigo o kapamilya, ug magsimba ta nga magkauban.🙌

’sPower

30/07/2026

📣 BAG-ONG OPEN PLAY SCHEDULE

Mga higala! Sugod karong bulan sa August, ang atong FREE Open Play kay every Martes ug Huwebes, 5:00 PM – 8:00 PM na.

Naghimo mi og gamayng kausaban sa schedule aron mas mahimong intentional ang among oras ug mga kalihokan. Bisan nag-usab ang schedule, pareho ra gihapon ang among tinguha—nga mahimong lugar ang Yeshua Community Center diin makadula, makaila og bag-ong higala, ug makigkuyog sa usa ka maayong komunidad.

Libre gihapon ang Open Play, ug welcome ang tanan! 🏓

📅Martes & Huwebes
🕔5:00 PM – 8:00 PM

Kita-kits ta!

26/07/2026

Ang tinuod nga pagtuo dili makita kung sayon ang kinabuhi, kundili kung unsaon nato pagsalig sa Ginoo bisan lisod ang atong giagian.

Karong hapon, padayon ta sa atong Sunday Worship ug sa atong sermon series nga Real Faith. Magtuon kita unsaon pagbarug nga lig-on sa pagtuo bisan sa mga pagsulay nga atong giatubang 💜

Kung nangita ka og lugar diin motubo ang imong relasyon kang Jesus ug makig-uban sa usa ka pamilya sa pagtuo, welcome kaayo ka!

📍 Sunday Worship
🕒 3:00 PM
📍 Pickleball Fellowship
🕒 Human dayon satong panimbahon

Magkita ta karong hapon. Dad-a ang imong pamilya ug mga higala. Mag-uban kita sa pagdayeg, pagsimba, ug pagpamalandong sa Pulong sa Dios 🥹🙏

25/07/2026

Ang pagtuo kang Jesus mao ang sinugdanan sa atong paglakaw uban Kaniya. Apan gitawag usab kita Niya nga motubo isip Iyang mga disipulo—mga sumusunod nga nagakat-on sa Iyang Pulong, nagtuman sa Iyang kabubut-on, ug nagtabang usab sa uban nga makaila Kaniya.

Mao kana ang kasingkasing sa atong Discipleship Groups (DGroups). Dili lang kini usa ka weekly Bible study, apan usa ka higayon sa pagkat-on sa Pulong sa Diyos, pag-ampo alang sa usag usa, pagtinabangay sa atong pagtuo, ug pag-awhag sa usag usa nga mahimong mas sama kang Cristo matag adlaw.

Mapasalamaton kaayo mi nga sa milabay'ng mga semana, hinay-hinay nang nagtubo ang atong mga DGroups. Nalingaw mi nga makita ang mga kinabuhi nga nagkahiusa sa Pulong sa Diyos, nagkat-on, nangutana, ug nagtinuboay isip usa ka espirituhanong pamilya.

Kung gusto nimo nga mas mailhan pa si Jesus ug motubo sa imong pagtuo uban sa uban, giimbitar ka namo nga moapil sa usa ka DGroup. Message lang sa among page. Maglakaw ta uban kang Cristo, ug motubo ta uban sa usag usa. 🤍

23/07/2026

Sa kalibotan nga puno sa kasaba ug kabalaka, ang pag-ampo maoy pahinumdom nga ang atong kusog ug paglaom makita lamang diha sa Ginoo. Sa Iyang presensya, makakaplag ta og kalinaw, giya, ug kusog alang sa matag adlaw. 🤍

Salamat sa tanan nga nakauban namo sa Prayer Meeting gahapon sa gabii. Kung wala ka nakaapil, abli ang among pultahan para kanimo sa sunod namong prayer gathering. Uban ta sa pagpangita sa Ginoo pinaagi sa pag-ampo.

Matag Miyerkules alas 5:00 sa hapon.
(Atbang sa Apo Flower Garden Resort)