25/08/2026
Mga Ka-Membro buot namong ipahibalo ang "Pahayag sa Publiko." IMPORTANT UPDATE KINI ATONG KOOPERATIBA UG BUOT NAMONG KAMO MASAYOD!
PAHAYAG SA PUBLIKO
Agdao Multi Purpose Cooperative (AMPC) - Interim BOD and Management
Agosto 25, 2026
Tungod sa bag-ong desisyon sa CDA niadtong Hulyo 20, 2026, ug sa mga desisyon sa korte sa Davao ug sa Court of Appeals bahin sa gubot sa Agdao Coop (AMPC), tali sa kanhing BODs ug sa gitangtang nga General Manager nga si Michael John Gestopa, ug sa giila sa CDA nga lehitimong Interim BODs and Management, gusto namo ipahibalo sa publiko, labi na sa among bililhon nga mga membro ug depositors, ang tinuod ug kamatuoran nga kahimtang sa Agdao Coop. Gibase kini sa ebidensya, dili sa chismis o bakak. Gibuhat namo kini para sa transparency, accountability, ug hustisya.
1. GIDISIDYUNAN NA SA CDA - GUILTY SILA
Sa kaso No. ADJ-002-2024-R11, bahin sa Notice of Charge niadtong Mayo 30, 2024, ang Terminated GM nga si Michael John Gestopa ug ang iyang mga BODs nakit-ang guilty ug responsable sa iligal nga pagbayad og P48 Milyon (niadtong Mayo ug Nobyembre 2021) ngadto sa Diamond Memorial Care Plans, Inc. (DMPCI) nga walay lisensya o permiso gikan sa Insurance Commission.
Decision:
"Busa, human gikonsiderar ang tanan, ang mga respondents nga kanhi Board of Directors nga sila: ALBIN O. RESPUESTO, MELVIN S. JAKOSALEM, ANTOIETO V. REMOLAR, RICARDO K. OZOA, GLEN R. PASQUITO, ANTONIO DELA CRUZ, ROMEO M. FABIAN, UG MARY THERESA FAUSTORILLA, ug si Terminated GM MICHAEL JOHN GESTOPA kay GIKIT-AN NGA GUILTY sa paglapas sa Article 45 sa RA 9520 ug sa By-Laws sa kooperatiba nga mao ang Grave Offenses nga Gross Neglect of Duty ug Grave Misconduct."
Apan, gimatikdan sa CDA nga niadtong Special Representative Assembly niadtong Agosto 18, 2024, ang AMPC Assembly mismo, sa kaugalingon nilang gahum (motu proprio), GITANGTANG na silang tanan ug gibakante ang ilang mga posisyon. Mao nga dili na kinahanglan pa hisgutan kung tangtangon ba sila o dili.
Ang hangyo nila Gestopa, Dela Cruz, ug Fabian nga i-dismiss ang kaso tungod sa sayop nga venue, res judicata, ug uban pa kay GIBALIBARAN SA CDA KAY WALAY KAPUSLANAN (DENIED for utter lack of Merit).
RA 9520 Art. 45: Ang mga direktor ug opisyal nga magbuhat og iligal nga binuhatan, magpabaya, o mangwarta nga supak sa ilang katungdanan kay manubag sa tanang kadaot sa kooperatiba.
AMPC By-Laws Article III, Section 14 (b): Ang Representative Assembly adunay gahum sa pag-elect, pag-appoint, o pagtangtang sa bisan kinsang miyembro sa Board, Officer o Committee.
2. DILI NA SILA DAPAT MAGPABILIN SA OPISINA
Bisan pa man nga klaro na kaayo nga guilty sila sa Grave Misconduct ug Gross Negligence, nagdumili gihapon sila sa paghawa sa ilang pwesto, labi na si Terminated GM Michael John M. Gestopa nga nagkupot gihapon sa iyang posisyon pinaagi sa mga kaso sa korte nga gipang-dismiss naman. Naka-delay kini sa recovery program sa AMPC.
3. NAG-ANTOS ANG MGA MEMBRO
Ang gitangtang nga GM ug BODs wala nay katungod nga magpabilin sa Head Office sa Agdao Coop. Ang sentido komon nag-ingon nga kinahanglan na silang mohawa. Pero nagpabilin gihapon sila bisan wala na silay integridad.
Tungod niini, ang mga empleyado ubos ni Gestopa WALA na tarong nagserbisyo sa mga membro, sama sa:
• Pag-release sa mortuary aide sa mga benepisyaryo sa namatay nga membro
• Pag-release sa loan sa oras sa mga miyembro nga nanginahanglan og pinansyal
• Pag-release sa deposito sa mga depositors.. samtang nagadawat gihapon sila og parehas nga sweldo sa dihang fully operational pa ang AMPC. Dugang pa, wala na sila'y updated nga Certificate of Compliance (COC) gikan sa CDA.
4. MGA KASONG KRIMINAL
Ang tanang criminal cases nga gifile sa gitangtang nga management batok sa interim employees pagkahuman sa Aug 18, 2024 SRA kay GIPANG-DISMISS TANAN.
Sa pikas bahin, ang criminal case nga Grave Coercion batok sa mga empleyado sa Toril Branch ubos ni Gestopa kay NIDAOG. Ang walo (😎 ka akusado kay GUILTY jud beyond reasonable doubt sumala sa MCTC, 11th Judicial Region, Branch 6, Davao City niadtong Hunyo 26, 2026.
Kini magsilbing pasidaan sa tanan nga magpugong o magbawal sa interim officers ug Board nga mohimo sa ilang katungdanan sa pag-takeover ug pagpadagan sa Agdao Coop.
Sa laktod nga pagkasulti: Gi-decide na sa CDA nga ang kanhi BODs ug GM Michael John Gestopa kay GUILTY, wala na silay legal ug moral nga katungod, busa GITANGTANG ug GIREMOVE na sila sa ilang posisyon ug pagka-membro sa AMPC.
Nanawagan kami sa tanang membro, depositors, officers ug staff sa AMPC nga tahuron ug sundon ang Balaod.
Sa tanang personnel, ayaw kamo pagpaloko ug ayaw kamo pagsunod sa mando sa mga GUILTY, LIABLE, REMOVED ug TERMINATED nga BODs ug GM Gestopa, para dili kamo ma parehas sa inyong mga kauban sa AMPC Toril branch nga na-convict na.
Dugay na kaayo ning gubot ug daghan na kaayong kadaot ug pag-antos ang nahatag sa AMPC. Panahon na para maghiusa, magbangon, ug himoong great usab ang AMPC.
MABUHAY ANG AMPC!
INTERIM BOD AND MANAGEMENT
JOSELITO T. LIBRES
Chairperson, Interim BOD
ATTY. ALEXANDER T. MALAQUE
General Manager, Interim management
