Dakila - Jesus J. Soriano NHS

25/03/2026

𝐏𝐮𝐧𝐝𝐚𝐬𝐲𝐨𝐧 𝐧𝐠 𝐋𝐚𝐤𝐚𝐬 𝐚𝐭 𝐏𝐚𝐠𝐤𝐚𝐤𝐚𝐢𝐬𝐚: 𝐉𝐉𝐒𝐍𝐇𝐒 𝐆𝐲𝐦, 𝐏𝐨𝐫𝐦𝐚𝐥 𝐧𝐚𝐧𝐠 𝐈𝐧𝐢𝐥𝐮𝐧𝐬𝐚𝐝!”

Pormal nang binuksan ang bagong gymnasium ng Jesus J. Soriano National High School noong ika-17 ng Marso, 2026 sa ginanap na makabuluhang seremonya na dinaluhan ng mga g**o, mag-aaral, opisyal ng paaralan, at mga panauhing pandangal. Ang nasabing pasilidad ay inaasahang magsisilbing sentro ng mga gawaing pampalakasan, pangkultura, at iba pang mahahalagang programa ng paaralan.

Nagsimula ang programa sa isang panalangin at pagbabasbas sa bagong gusali bilang pasasalamat at paghingi ng patnubay para sa maayos at ligtas na paggamit ng pasilidad. Sinundan ito ng pagputol ng laso na hudyat ng opisyal na pagbubukas ng gymnasium.
Ipinahayag din ng pamunuan ng paaralan ang pasasalamat sa mga taong naging katuwang sa pagsasakatuparan ng proyektong ito. Ang pagtatayo ng gymnasium ay bunga ng sama-samang pagsisikap ng mga opisyal ng paaralan, mga g**o, at ng komunidad.

“Ang bagong gymnasium ay magsisilbing lugar kung saan mahuhubog ang kakayahan, disiplina, at pakikipagtulungan ng mga kabataan sa iba’t ibang larangan,” Emy B. Goc-ong, punong-g**o ng Jesus J. Soriano National High School.

Lubos na ikinatuwa ng mga mag-aaral ang pagbubukas ng bagong gymnasium. Ayon kay FG Inceñales, SSLG President ng Jesus J. Soriano National High School, malaking tulong ang bagong gymnasium upang higit na malinang ng mga mag-aaral ang kanilang talento at magkaroon ng mas komportableng lugar para sa kanilang mga aktibidad.

Malaki ang magiging ambag ng bagong pasilidad sa pagpapaunlad ng talento ng mga mag-aaral sa larangan ng palakasan at sining. Sa pamamagitan nito, magkakaroon na sila ng mas maayos at ligtas na lugar para sa kanilang pagsasanay at mga programa ng paaralan.

Bukod sa mga gawaing pampalakasan, magsisilbi rin ang gymnasium bilang lugar para sa mga pagtitipon, programa, at iba pang mahahalagang gawain ng paaralan. Inaasahan na magiging sentro ito ng pagkakaisa at pakikipag-ugnayan ng buong komunidad ng paaralan.
Ang bagong gymnasium ng Jesus J. Soriano National High School ay simbolo ng patuloy na pag-unlad at dedikasyon ng paaralan sa pagbibigay ng dekalidad na edukasyon at mga pasilidad na makatutulong sa paghubog ng kabataan.

Sa kabuuan, ang pagbubukas ng gymnasium ay isang mahalagang hakbang tungo sa mas masigla at aktibong komunidad ng paaralan. Inaasahan na ito ay magsisilbing inspirasyon sa mga mag-aaral upang ipagpatuloy ang kanilang paglinang ng talento at kakayahan para sa kanilang kinabukasan

✍️:Niña

21/12/2025

"𝑷𝒖𝒏𝒅𝒂𝒔𝒚𝒐𝒏 𝒏𝒈 𝙏𝒂𝒕𝒂𝒈 𝒂𝒕 𝙋𝒂𝒈𝒎𝒂𝒎𝒂𝒉𝒂𝒍𝒂𝒏 𝙏𝒖𝒏𝒈𝒐 𝒔𝒂 𝙈𝒂𝒖𝒏𝒍𝒂𝒏𝒅 𝒏𝒂 𝘽𝒂𝒚𝒂𝒏"

Desyembre 16 taong kasalukuyan, iginunita ang "𝙁𝙤𝙪𝙣𝙙𝙖𝙩𝙞𝙤𝙣 𝘿𝙖𝙮" sa JESUS J. SORIANO NATIONAL HIGH SCHOOL, ang selebrasyong ito ay sumisimbolo sa katatagan ng paaralan kung saan umabot ito ng 32 na taon. Hindi lang ito simpleng selebrasyon kundi pagdiriwang ng pagkakaisa, pagmamahalan at talento ng bawat mag-aaral, g**o at suporta ng mga magulang sa paaralan.

Ang selebrasyong ito ay pinangunahan ng mga SSLG Officer kung saan maraming nakakapanabik ng mga aktibidad ang naganap. Sa unang bahagi palang ng programa ay ipinakita na ang pagkakaisa, ibinahagi ng mga SPED learners ang kanilang galing sa pagsayaw at kasunod na nito ang bawat kuriculum na ang kanilang mga indayog ay nakakapagbigay ngiti sa kanilang mga g**o at magulang na nanonood. Pagsapit ng tanghali ay ipinagdiriwang ang oras para sa pamilya ang lahat ay nagkaisa at samang sama naghain ng ibat-ibang mga pagkain para pagsaluhan.

Sa tulong ng Panginoon natapos ang aktibidad na na may diwa ng pagmamahalan. Hindi rin makakalimutan ang gabay at tulong ng mga magulang na silang tunay na nagbigay kulay sa selebrasyon at higit sa lahat ang mga mag-aaral na patuloy na nagiging dahilan ng pag unlad ng paaralan.

✍️:𝗖𝗵𝗿𝗶𝘀𝘁𝗮 𝗟𝘆𝗻 𝗟𝘂𝗰𝗮𝘀

08/11/2025

𝐌𝐚𝐤𝐮𝐥𝐚𝐲 𝐧𝐚 𝐒𝐞𝐥𝐞𝐛𝐫𝐚𝐬𝐲𝐨𝐧: 𝐏𝐚𝐠𝐤𝐚𝐤𝐚𝐢𝐬𝐚 𝐬𝐚 𝐏𝐚𝐠𝐤𝐚𝐤𝐚𝐢𝐛𝐚

Bilang paggunita sa 𝐔𝐧𝐢𝐭𝐞𝐝 𝐍𝐚𝐭𝐢𝐨𝐧𝐬 𝐃𝐚𝐲, ang paaralang 𝗝𝗲𝘀𝘂𝘀 𝗝. 𝗦𝗼𝗿𝗶𝗮𝗻𝗼 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 ay nagkaroon ng masaya at makulay na selebrasyon upang ipakita na sa likod ng iba't ibang kultura at paniniwala ng bawat bansa, maaari tayong magkaisa.

𝑵𝒐𝒃𝒚𝒆𝒎𝒃𝒓𝒆 5, taong kasalukuyan, ay ipinakita ng baitang 7 ang kanilang makukulay na kasuotan na sumisimbolo sa mayamang kultura at kasaysayan ng 𝘼𝙨𝙮𝙖. Sa parehong araw, ipinagmalaki rin ng baitang 8 ang pagkakakilanlan ng 𝙀𝙪𝙧𝙤𝙥𝙖 sa pamamagitan ng pagsuot ng kanilang mga nagagandahang kasuotan.

Hindi naman nagpahuli ang baitang 9, 10, at SHS dahil kinabukasan, 𝑵𝒐𝒃𝒚𝒆𝒎𝒃𝒓𝒆 6, ay ibinalandra nila ang makukulay na kasuotan ng 𝙉𝙤𝙧𝙩𝙝 & 𝙎𝙤𝙪𝙩𝙝 𝘼𝙢𝙚𝙧𝙞𝙘𝙖, 𝘼𝙛𝙧𝙞𝙘𝙖, 𝘼𝙪𝙨𝙩𝙧𝙖𝙡𝙞𝙖, 𝙖𝙩 𝙊𝙘𝙚𝙖𝙣𝙞𝙖 na sumisimbolo sa kanilang natatanging kultura at likas na yaman.

𝑵𝒐𝒃𝒚𝒆𝒎𝒃𝒓𝒆 7, sa huling araw ng selebrasyon ng UN, ay ipinakita ng mga g**o ang kanilang pakikiisa sa selebrasyon sa pamamagitan ng pagsuot ng mga kasuotang sumasalamin sa mga bansang kanilang kinakatawan.

Ang pinakatampok sa selebrasyon ay ang "𝘼𝙙𝙤𝙥𝙩 𝙩𝙝𝙚 𝘾𝙤𝙪𝙣𝙩𝙧𝙮" kung saan ang bawat pangkat ay ipagmamalaki ang bansang naitalaga sa kanila, mula sa mga kultura, pagkain, musika, at mga sikat na palatandaan.

Sa kabuuan, ang pagdiriwang ng United Nations Day sa Jesus J. Soriano National High School ay isang matagumpay na pagpapakita ng pagkakaisa at pagpapahalaga sa pagkakaiba-iba ng mga kultura sa mundo.

✍️:𝑬𝒍𝒊𝒓𝒆𝒔𝒂 𝑫𝒐𝒄𝒕𝒐𝒓𝒂
📷:𝑮𝒍𝒂𝒊𝒄𝒚 𝒀𝒓𝒂𝒚

05/10/2025

"𝙋𝙖𝙜𝙥𝙖𝙥𝙖𝙣𝙙𝙖𝙮 𝙣𝙜 𝙋𝙖𝙣𝙪𝙡𝙖𝙩, 𝙋𝙖𝙜𝙗𝙪𝙗𝙪𝙤 𝙣𝙜 𝙈𝙖𝙩𝙞𝙗𝙖𝙮 𝙣𝙖 𝙆𝙖𝙖𝙡𝙖𝙢𝙖𝙣"

𝗛𝗶𝗻𝗱𝗶 𝗯𝗮'𝘁 𝗮𝗻𝗴 𝗽𝗮𝗴𝘀𝘂𝘀𝘂𝗹𝗮𝘁 𝗮𝘆 𝗶𝘀𝗮𝗻𝗴 𝗽𝗮𝗿𝗮𝗮𝗻 𝘂𝗽𝗮𝗻𝗴 𝗯𝗶𝗴𝘆𝗮𝗻𝗴-𝗯𝘂𝗵𝗮𝘆 𝗮𝗻𝗴 𝗮𝘁𝗶𝗻𝗴 𝗶𝗺𝗮𝗵𝗶𝗻𝗮𝘀𝘆𝗼𝗻? Sa larangan ng pagsusulat kung saan ang bawat letra ay may kakayahang bumuo ng kwento, mag bigay ng impormasyon at inspirasyon. Ito ang sentro ng matagumpay na pagsasanay na inorganisa ni 𝗚𝗻𝗴. 𝗔𝗶𝗹𝗲𝗻𝗲 𝗔. 𝗕𝘂𝘁𝘂𝗹𝗮𝗻 para hasain ang mga manunulat ng 𝐃𝐀𝐊𝐈𝐋𝐀. Ang aktibidad ay pinangunahan ng dalawang tagapagsalita mula sa 𝘼𝙩𝙚𝙣𝙚𝙤 𝙙𝙚 𝘿𝙖𝙫𝙖𝙤 𝙐𝙣𝙞𝙫𝙚𝙧𝙨𝙞𝙩𝙮, sina Ginoong 𝗝𝗼𝗵𝗻𝗲𝗱𝗲𝗹 𝗩. 𝗟𝗮𝗰𝗶𝗮𝗽𝗮𝗴 at Binibining 𝗝𝗲𝗿𝗮𝗹𝗱𝗶𝗻𝗲 𝗣. 𝗖𝗵𝗮𝘃𝗲𝘇.

Unang nagbahagi ng kaalaman ay si Ginoong Johnedel V. Laciapag, ipinakita niya ang kanyang kahusayan pagdating sa pagsulat ng balita at pampalakasan. Sa bawat paliwanag, inilatag niya ang pundasyon ng epektibong pagbabalita.
Sa kabilang banda, ay ipinakita ni Binibining Jeraldine P. Chavez ang kanyang eksperto sa pagsulat ng lathalain at agham at teknolohiya. Binahagi niya ang iba't ibang estratehiya upang makabuo ng mahusay at epektibong sulatin.
Ang nasabing tagapagsalita ay parehong nagbigay ng pagsasanay sa kanilang larangan upang mapukaw at mahasa ang pag-iisip ng mga manunulat.
Sa pagtatapos ng pagsasanay, kinilala ang mga kalahok na nagpakita ng kahusayan sa iba't ibang kategorya ng pagsulat:

𝑷𝒂𝒈𝒔𝒖𝒍𝒂𝒕 𝒏𝒈 𝑩𝒂𝒍𝒊𝒕𝒂:

🥇Niña Fe Rodes

🥈Jenell Llorente

🥉 Jana Buenavista

𝑷𝒂𝒈𝒔𝒖𝒍𝒂𝒕 𝒏𝒈 𝑰𝒔𝒑𝒐𝒓𝒕𝒔:

🥇 Tiffany Faith R Flores

🥈Aleah Faith A. Curib

🥉Jenell Llorente

𝑷𝒂𝒈𝒔𝒖𝒍𝒂𝒕 𝒏𝒈 𝑳𝒂𝒕𝒉𝒂𝒍𝒂𝒊𝒏:

🥇 Eliresa Doctora

🥈Niña Fe Rodes

𝑷𝒂𝒈𝒔𝒖𝒍𝒂𝒕 𝒏𝒈 𝑨𝒈𝒉𝒂𝒎 𝒂𝒕 𝑻𝒆𝒌𝒏𝒐𝒍𝒐𝒉𝒊𝒚𝒂 :

🥇Tiffany Faith R Flore

Sa huli, ang pagsasanay na ito ay nakapagbigay ng inspirasyon sa mga manunulat na gamitin ang kanilang talento. Higit sa lahat, ito rin ay nagbukas ng pagkakataon sa mga bagong manunulat na matuklasan ang kanilang natatagong galing. Sa bawat sipi na maisusulat ay isang paraan upang makapaghatid ng kaalaman, magsilbing tanglaw, at makapagbahagi ng mga karanasan.

𝙈𝙖𝙣𝙪𝙣𝙪𝙡𝙖𝙩:𝙀𝙡𝙞𝙧𝙚𝙨𝙖 𝘿𝙤𝙘𝙩𝙤𝙧𝙖

04/10/2025

22/09/2025

𝙏𝙖𝙜𝙪𝙢𝙥𝙖𝙮 𝙣𝙜 𝙅𝙅𝙎𝙉𝙃𝙎: 𝙋𝙪𝙨𝙤, 𝙇𝙖𝙠𝙖𝙨, 𝙖𝙩 𝘿𝙞𝙨𝙞𝙥𝙡𝙞𝙣𝙖 𝙨𝙖 𝙐𝙣𝙞𝙩 𝙈𝙚𝙚𝙩"

𝗠𝘂𝗹𝗶𝗻𝗴 𝗽𝗶𝗻𝗮𝘁𝘂𝗻𝗮𝘆𝗮𝗻 𝗻𝗴 𝗺𝗴𝗮 𝗮𝘁𝗹𝗲𝘁𝗮 𝗺𝘂𝗹𝗮 𝘀𝗮 𝗝𝗲𝘀𝘂𝘀 𝗝. 𝗦𝗼𝗿𝗶𝗮𝗻𝗼 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 (𝗝𝗝𝗦𝗡𝗛𝗦) ang kanilang galing at pusong palaban matapos mag-uwi ng iba't ibang medalya sa katatapos lamang na 𝗨𝗻𝗶𝘁 𝗠𝗲𝗲𝘁, 𝗨𝗻𝗶𝘁 𝗜 noong 𝗦𝗲𝘁𝘆𝗲𝗺𝗯𝗿𝗲 𝟭𝟵-𝟮𝟬, 𝟮𝟬𝟮𝟱 na ginanap sa 𝗠𝗮𝘁𝗮𝗮𝘀 𝗻𝗮 𝗣𝗮𝗮𝗿𝗮𝗹𝗮𝗻 𝗻𝗴 𝗟𝘂𝗻𝗴𝘀𝗼𝗱 𝗻𝗴 𝗗𝗮𝗯𝗮𝘄.

Ipinakikilala ang mga natatanging atleta na nagtagumpay at nag-uwi ng karangalan sa iba't ibang larangan ng palakasan at kumpetisyon.

𝙁𝙤𝙤𝙩𝙗𝙖𝙡𝙡:𝙂𝙞𝙣𝙩𝙤

Tagapagsanay: Cheryll H. Manug

Mga manlalaro: Hilbert Vincent S. Bagaboyboy, Geuel Euan S. Besonia Juan Miguel A. Concepcion, Karl Adrian S. Concepcion, Jasher Veli Z. Dunlao, Justine Jay Z. Dunlao, Jace Darin Ferriols, Chrischard Jimbo V. Flores, Jan Carlo C. Gasta, Frances Sean Gonzales, Emman Paul D. Guanzon, Henry III L. Monjardin, Jandel R. Penserga Emmanuel S. Salmasan, Ken lan M. Salmasan, Geedwayne D. Sanoy, Cheal Mar C. Udarbe, Moses John V. Villaflor, Prince Nicole M. Yap, at JoshuaQ. Feliciano

𝙎𝙚𝙥𝙖𝙠 𝙏𝙖𝙠𝙧𝙖𝙬 𝘽𝙤𝙮𝙨: 𝙂𝙞𝙣𝙩𝙤

Tagapagsanay: Anatalo Jr. N. Sullano

Mga Manlalaro: Vonne Welmar Bobias, Gian Jay Cabatuan, Keanz King Catulong, Clark Dispo, France Mharwen Francisco, Kurt Anthony Flores, Kiarine Jonelle, Gallego, Zhian Juanica Ivan Clark Lagungan, Syrile Mantalaba, John Mike Palacio, Jesthony Rosima

𝙎𝙚𝙥𝙖𝙠 𝙏𝙖𝙠𝙧𝙖𝙬 𝙂𝙞𝙧𝙡𝙨: 𝙂𝙞𝙣𝙩𝙤

Tagapagsanay: Alex Niño L. Roble

Mga Manlalaro: Isabel Gomez, Hyreah Abraign Marcos, Nicole Matalan dang. Kizia Pantonial, Jazmine Balante.

𝘽𝙖𝙨𝙠𝙚𝙩𝙗𝙖𝙡𝙡: 𝙂𝙞𝙣𝙩𝙤

Tagapagsanay: Romel Butch Colipano Manlalaro: Edjay O. Balo at Winston U. Cañete

𝙋𝙖𝙧𝙖𝙜𝙖𝙢𝙚𝙨-𝘼𝙩𝙝𝙡𝙚𝙩𝙞𝙘𝙨: 𝙂𝙞𝙣𝙩𝙤

Tagapagsanay: Mary Ann M. Palima Manlalaro: Chi Chumy Audrey Singuran at Lorenz Hortelano

𝘼𝙩𝙝𝙡𝙚𝙩𝙞𝙘𝙨: 𝙂𝙞𝙣𝙩𝙤

Tagapagsanay: Jessa Claire V. Flores. Mga manlalaro:

Stella Marie M. Tubang 100m Runner Johayre Jr. Morales Alampay-800m Runner

𝙈𝙤𝙙𝙚𝙧𝙣 𝙎𝙩𝙖𝙣𝙙𝙖𝙧𝙙 𝘿𝙖𝙣𝙘𝙚 𝙎𝙥𝙤𝙧𝙩𝙨: Pilak Tagapagsanay: Clarice G. Azucena

Mga Manlalaro: Justine A. Butulan at Bonild Yosif Jr. V. Flores

𝙏𝙖𝙚𝙠𝙬𝙤𝙣𝙙𝙤

Tagapag sanay: Manny Diego D. Mamadod

Mga Manlalaro: Ragel Angelo Truya Ginto at Pilak Eleah Kristal Lopez Ginto FG Collgeb V. Inceñales, Pilak Chrizzanta Cello-Tanso

𝙏𝙖𝙗𝙡𝙚 𝙏𝙚𝙣𝙣𝙞𝙨 𝘿𝙤𝙪𝙗𝙡𝙚𝙨 𝘽𝙤𝙮𝙨: 𝙋𝙞𝙡𝙖𝙠

Tagapagsanay: Frychie May Batoon Luthche Mga Manlalaro: Matt Fuerzas at Felix Pedujan

𝙏𝙖𝙗𝙡𝙚 𝙏𝙚𝙣𝙣𝙞𝙨 𝘿𝙤𝙪𝙗𝙡𝙚𝙨 𝙂𝙞𝙧l𝙨: 𝙏𝙖𝙣𝙨𝙤

Tagapagsanay: Ma. Cynthia S. Magboo

Mga Manlalaro: Ayisha Q. Leparto at Trixie Audrey S. Rosima

Pagpupugay din sa punong-g**o ng paaralan na si 𝗚𝗻𝗴. 𝗘𝗺𝘆 𝗕. 𝗚𝗼𝗰-𝗼𝗻𝗴 at Sports Coordinator, si 𝗚. 𝗥𝗮𝗺𝗶𝗹 𝗠. 𝗠𝗶𝗿𝗮𝗹, sa kanilang walang sawang pag gabay at suporta sa mga atleta ng Jesus J. Soriano NHS. Ang kanilang dedikasyon, husay sa pamumuno, at inspirasyon ang naging susi sa matagumpay na pagganap ng mga manlalaro sa UNIT MEET 2025.

Ang tagumpay na ito ay hindi lamang bunga ng talento at lakas kunding saknpisyo, disiplina, at walang sawang suporta ng mga g**o, coaches, at buong pamunuan ng Jesus J. Soriano NHS.

𝙈𝙖𝙗𝙪𝙝𝙖𝙮 𝙖𝙣𝙜 𝙢𝙜𝙖 𝙠𝙖𝙢𝙥𝙚𝙤𝙣 𝙣𝙜 𝙅𝙚𝙨𝙪𝙨 𝙅. 𝙎𝙤𝙧𝙞𝙖𝙣𝙤 𝙉𝙖𝙩𝙞𝙤𝙣𝙖𝙡 𝙃𝙞𝙜𝙝 𝙎𝙘𝙝𝙤𝙤𝙡!



✍️:𝙀𝙡𝙞𝙧𝙚𝙨𝙖 𝙂. 𝘿𝙤𝙘𝙩𝙤𝙧𝙖
Crdts📷:𝐓𝐚𝐠𝐚𝐩𝐚𝐠𝐬𝐚𝐧𝐚𝐲