SIGA UPMIN

28/09/2026

𝗛𝗘𝗔𝗟𝗧𝗛 𝗦𝗘𝗖𝗧𝗢𝗥

Sa mga kanayunan, hindi pantay ang akses ng masa sa serbisyong pangkalusugan. Maraming komunidad ang malayo sa maayos na pasilidad, kapos sa kagamitan at gamot, at kulang sa mga health worker na maaaring tumugon sa kanilang pangangailangan. Sa kabila nito, patuloy ang paglilingkod ng mga manggagamot ng bayan upang paglingkuran at alagaan ang sambayanan kapalit ng pasasalamat na hindi natutumbasan ng pera.

Ngunit sa gitna ng panawagan para sa mas aksesible at batayang serbisyong pangkalusugan, sinusupil at pinatatahimik ang mga kumikilos para sa kanilang mga karapatan. Sa harap ng ganitong kalagayan, tumatayong street medics ang mga health worker upang hindi lamang magbigay ng agarang lunas, kundi makiisa na din sa mga pagkilos para sa karapatan sa kalusugan at kalayaan. Mula sa loob ng komunidad hanggang sa lansangan, hindi hiwalay ang kanilang paglilingkod sa pakikibaka ng masa.

Kaya’t sa mundong nararapat, isang tunay na makamasa at makatarungang sistemang pangkalusugan ang kailangan kung saan walang pasyenteng maiiwan dahil lamang sa kahirapan, at walang health worker na kailangang magsakripisyo nang walang sapat na suporta, proteksiyon, at makatarungang kalagayan sa paggawa.
Sapagkat ang kalusugan ay karapatan, hindi pribilehiyo — at karapatang dapat tinatamasa ng lahat, hindi ipinagkakait sa iilan.

𝗦𝗘𝗥𝗕𝗜𝗦𝗬𝗢𝗡𝗚 𝗠𝗘𝗗𝗜𝗞𝗔𝗟, 𝗗𝗔𝗣𝗔𝗧 𝗔𝗕𝗢𝗧 𝗞𝗔𝗬𝗔! 𝗙𝗨𝗡𝗗 𝗣𝗨𝗕𝗟𝗜𝗖 𝗛𝗘𝗔𝗟𝗧𝗛 𝗡𝗢𝗪! 𝗞𝗔𝗟𝗨𝗦𝗨𝗚𝗔𝗡, 𝗜𝗣𝗔𝗚𝗟𝗔𝗕𝗔𝗡!

𝐒𝐮𝐩𝐩𝐨𝐫𝐭 𝐭𝐡𝐞 𝐃𝐇𝐊 𝐈𝐬𝐤𝐨𝐤𝐚 𝐛𝐲 𝐟𝐨𝐥𝐥𝐨𝐰𝐢𝐧𝐠 𝐭𝐡𝐞𝐬𝐞 𝐞𝐚𝐬𝐲 𝐬𝐭𝐞𝐩𝐬
𝟏. 👍 𝐋𝐢𝐤𝐞 𝐚𝐧𝐝 𝐟𝐨𝐥𝐥𝐨𝐰 𝐨𝐮𝐫 𝐅𝐚𝐜𝐞𝐛𝐨𝐨𝐤 𝐩𝐚𝐠𝐞
𝟐. 😍 𝐋𝐢𝐤𝐞/𝐥𝐨𝐯𝐞/𝐫𝐞𝐚𝐜𝐭 𝐭𝐨 𝐲𝐨𝐮𝐫 𝐟𝐚𝐯𝐨𝐫𝐢𝐭𝐞 𝐈𝐬𝐤𝐨𝐤𝐚’𝐬 𝐢𝐧𝐝𝐢𝐯𝐢𝐝𝐮𝐚𝐥 𝐚𝐧𝐝 𝐜𝐨𝐮𝐩𝐥𝐞 𝐬𝐡𝐨𝐭𝐬
𝟑. 👉 𝐒𝐡𝐚𝐫𝐞 𝐭𝐡𝐢𝐬 𝐩𝐨𝐬𝐭

𝐓𝐡𝐞 𝐩𝐡𝐨𝐭𝐨𝐬 𝐰𝐢𝐭𝐡 𝐭𝐡𝐞 𝐦𝐨𝐬𝐭 𝐜𝐨𝐦𝐛𝐢𝐧𝐞𝐝 𝐫𝐞𝐚𝐜𝐭𝐢𝐨𝐧𝐬 𝐢𝐧 𝐚𝐥𝐥 𝐨𝐟 𝐨𝐮𝐫 𝐬𝐨𝐜𝐢𝐚𝐥 𝐦𝐞𝐝𝐢𝐚 𝐚𝐜𝐜𝐨𝐮𝐧𝐭𝐬 𝐰𝐢𝐥𝐥 𝐡𝐚𝐯𝐞 𝐚 𝐜𝐡𝐚𝐧𝐜𝐞 𝐭𝐨 𝐰𝐢𝐧 𝐭𝐡𝐢𝐬 𝐲𝐞𝐚𝐫’𝐬 '𝐏𝐞𝐨𝐩𝐥𝐞’𝐬 𝐂𝐡𝐨𝐢𝐜𝐞 𝐀𝐰𝐚𝐫𝐝.' 𝐕𝐨𝐭𝐢𝐧𝐠 𝐢𝐬 𝐨𝐧𝐥𝐲 𝐮𝐧𝐭𝐢𝐥 𝐎𝐜𝐭𝐨𝐛𝐞𝐫 𝟐, 𝟐𝟎𝟐𝟔 𝐚𝐭 𝟏𝟐:𝟎𝟎𝐏𝐌. 𝐃𝐨𝐧’𝐭 𝐦𝐢𝐬𝐬 𝐨𝐮𝐭!

📷 𝐀𝐥𝐞𝐱𝐢𝐬 𝐑𝐚𝐟𝐚𝐞𝐥 𝐃𝐞𝐥𝐨𝐥𝐚
💡 𝐂𝐚𝐩𝐭𝐢𝐨𝐧 𝐚𝐧𝐝 𝐜𝐨𝐧𝐜𝐞𝐩𝐭 𝐛𝐲 𝐃𝐇𝐊

27/09/2026

25/09/2026

𝐈𝐒𝐊𝐎𝐊𝐀 𝟐𝟎𝟐𝟔 👑

𝐃𝐚𝐫𝐞 𝐭𝐨 𝐃𝐞𝐟𝐲, 𝐃𝐚𝐫𝐞 𝐭𝐨 𝐒𝐭𝐫𝐮𝐠𝐠𝐥𝐞!

Isang lipunang tunay na malaya at makatarungan – ito ang siyang inaaasam na makamit ng masang Pilipino, ngunit ito nga ba ang katotohanang nararanasan ng bawat Pilipino? Isang estadong patuloy na nilulubog ang masa sa mga neoliberal na polisiya, pamamasismo’t korapsyon ang naghahari sa ating kasalukuyang realidad.

Isinasagawa ang 𝙄𝙎𝙆𝙊𝙆𝘼 bilang 𝙞𝙨𝙖𝙣𝙜 𝙥𝙧𝙤𝙩𝙚𝙨𝙩𝙖 kung saan nais nating bitbitin ang mga kampanya at panawagan ng bawat sektor ng bansa, mula sa sektor ng 𝘒𝘢𝘣𝘢𝘵𝘢𝘢𝘯 𝘢𝘵 𝘌𝘥𝘶𝘬𝘢𝘴𝘺𝘰𝘯, 𝘔𝘢𝘨𝘴𝘢𝘴𝘢𝘬𝘢, 𝘔𝘢𝘯𝘨𝘨𝘢𝘨𝘢𝘸𝘢, 𝘔𝘢𝘯𝘨𝘪𝘯𝘨𝘪𝘴𝘥𝘢, 𝘔𝘢𝘯𝘨𝘨𝘢𝘨𝘢𝘸𝘢𝘯𝘨 𝘗𝘢𝘯𝘨𝘬𝘢𝘭𝘶𝘴𝘶𝘨𝘢𝘯, 𝘔𝘢𝘳𝘢𝘭𝘪𝘵𝘢, 𝘒𝘢𝘣𝘢𝘣𝘢𝘪𝘩𝘢𝘯, 𝘓𝘎𝘉𝘛𝘘𝘐𝘈+, 𝘗𝘢𝘮𝘣𝘢𝘯𝘴𝘢𝘯𝘨 𝘔𝘪𝘯𝘰𝘳𝘺𝘢, 𝘔𝘪𝘨𝘳𝘢𝘯𝘵𝘦𝘯𝘨 𝘔𝘢𝘯𝘨𝘨𝘢𝘨𝘢𝘸𝘢, 𝘢𝘵 𝘔𝘢𝘮𝘢𝘮𝘢𝘩𝘢𝘺𝘢𝘨. Ang ISKOKA ang magsisilbing plataporma ng bawat Iskolar ng Bayan upang ilantad at panagutin ang mga naghaharing uri, mga panginoong maylupa, burukrata-kapitalista, at ang estadong kontrolado ng mga imperyalistang bansa na siyang nagpapatuloy sa bulok na sistemang hinaharap ng masa.

Ngayong 𝐢𝐤𝐚-𝟐 𝐧𝐠 𝐎𝐤𝐭𝐮𝐛𝐫𝐞 𝐬𝐚 𝐔𝐏 𝐌𝐢𝐧𝐝𝐚𝐧𝐚𝐨 𝐀𝐭𝐫𝐢𝐮𝐦, dala-dala ng 𝐈𝐒𝐊𝐎𝐊𝐀 𝟐𝟎𝟐𝟔 ang nagliliyab na kolektibong diwa ng bawat Iskolar upang lumabas sa pamantasan at sumama sa malawak na hanay ng masa upang ipaglaban ang tunay na malaya at makatarungang lipunan.

𝐈𝐬𝐤𝐨𝐥𝐚𝐫 𝐧𝐠 𝐁𝐚𝐲𝐚𝐧, 𝐌𝐚𝐧𝐠𝐚𝐡𝐚𝐬 𝐧𝐚 𝐔𝐦𝐚𝐤𝐥𝐚𝐬! 𝐊𝐨𝐧𝐭𝐫𝐚 𝐍𝐞𝐨𝐥𝐢𝐛𝐞𝐫𝐚𝐥 𝐧𝐚 𝐄𝐝𝐮𝐤𝐚𝐬𝐲𝐨𝐧, 𝐏𝐚𝐬𝐢𝐬𝐦𝐨, 𝐚𝐭 𝐊𝐨𝐫𝐚𝐩𝐬𝐲𝐨𝐧! ✊
__________

𝟏𝟎.𝟎𝟐.𝟐𝟔. | 𝐔𝐏 𝐌𝐢𝐧𝐝𝐚𝐧𝐚𝐨 𝐀𝐭𝐫𝐢𝐮𝐦

25/09/2026

𝐓𝐎𝐑𝐂𝐇 𝐍𝐈𝐆𝐇𝐓 𝟐𝟎𝟐𝟔 🔥

𝐈𝐬𝐤𝐨𝐥𝐚𝐫 𝐧𝐠 𝐁𝐚𝐲𝐚𝐧, 𝐌𝐚𝐧𝐠𝐚𝐡𝐚𝐬 𝐧𝐚 𝐔𝐦𝐚𝐤𝐥𝐚𝐬! 𝐊𝐨𝐧𝐭𝐫𝐚 𝐍𝐞𝐨𝐥𝐢𝐛𝐞𝐫𝐚𝐥 𝐧𝐚 𝐄𝐝𝐮𝐤𝐚𝐬𝐲𝐨𝐧, 𝐏𝐚𝐬𝐢𝐬𝐦𝐨, 𝐚𝐭 𝐊𝐨𝐫𝐚𝐩𝐬𝐲𝐨𝐧!

Sa pagsalubong ng mga bagong Iskolar ng Bayan ngayong akademikong taon, dapat nating tuklasin at pagnilayan ang tungkuling kaakibat ng pagiging iskolar. Higit sa lahat, para sa malawak na hanay ng mamamayang patuloy na dumaranas ng pagsasamantala at pang-aapi ng estado.

Sa darating na 𝐓𝐨𝐫𝐜𝐡 𝐍𝐢𝐠𝐡𝐭 𝟐𝟎𝟐𝟔, muling aalabin ang kolektibong diwa ng bawat Iskolar ng Bayan kasabay ng pagsindi ng kanilang mga sulo bilang tanda at panawagan ng sama-samang pagkilos kasama ang mga manggagawa, magsasaka, kabataan, at iba pang sektor ng lipunan sa laban sa panunupil ng imperyalistang rehimeng US-Marcos at Duterte.

Sa lumalalang krisis at kadilimang dala ng estadong neoliberal, korap, at pasista, ang koletibong apoy ng bawat iskolar at masang api ang siyang magbibigay daan para sa pagbubuka ng liwayway ng isang tunay na malayang lipunan.

Ngayong 𝐢𝐤𝐚-𝟏 𝐧𝐠 𝐎𝐤𝐭𝐮𝐛𝐫𝐞, sama-sama nating paliyabin ang laban kontra sa pang-aapi at pagsasamantala. Ang lakas ng Iskolar ng Bayan ay nakaugat sa sambayanan! ✊
______

𝟏𝟎.𝟎𝟏.𝟐𝟔 | 𝐔𝐏 𝐌𝐢𝐧𝐝𝐚𝐧𝐚𝐨 𝐀𝐭𝐫𝐢𝐮𝐦

15/09/2026

𝐒𝐨𝐦𝐞 𝐭𝐞𝐚𝐦𝐬 𝐡𝐨𝐩𝐞 𝐭𝐨 𝐰𝐢𝐧. 𝐎𝐮𝐫𝐬 𝐞𝐱𝐩𝐞𝐜𝐭𝐬 𝐢𝐭.

Show us what you've got on the court!

🗓️ 09.15.26 | 5-7PM | Training Gym

Don't forget to bring your own racket, shuttlecocks, water, and the Varsity Tryouts Application Form!