TABANG-Tawang Barangay Talomo Proper

04/11/2024

04/11/2024

Tugbok WSS, Balik na sa Normal nga Operasyon!

November 04,2024
RADYO RONDA BALITA


Usa ka advisory ang gipagawas sa Davao City Water District (DCWD) kabahin sa pagbalik sa normal nga operasyon sa Tugbok Water Supply System (WSS) sugod alas 2:00 sa kadlawon, Nobiyembre 4, 2024.

Gipasalig sa advisory ang mga residente nga nagtrabaho ang DCWD aron masiguro ang dali nga pagkaayo sa tibuok operasyon ug nga ang normal nga serbisyo sa tubig madali rang ma-restore. Ang mga konsumedor sa pipila ka lugar mahimong makasinati og temporaryo nga mga problema.

Padayon nga maminaw sa RPN DXKT Davao alang sa mga bag-ong balita ug mga update report. | via Madam Inday Rogin.

Source DCWD

04/11/2024

Nobyembre 4, 2024, Adlaw sa Pagbangotan sa Nasud alang sa mga Biktima sa Bagyong Kristine

Davao City - Gipahibalo ni Presidente Ferdinand R. Marcos Jr. nga ang Nobyembre 4, 2024, mahimong Adlaw sa Pagbangotan sa Nasud alang sa mga biktima sa Bagyong Kristine.

Ang Bagyong Kristine, nga gitawag usab nga Trami sa internasyonal, miigo sa nasud gikan sa Oktubre 21 hangtod 25, 2024. Nagdala kini og kusog nga ulan ug hangin nga miresulta sa pagbaha ug pagdahili sa yuta sa tibuok nasud. Daghan kaayong mga pamilya ang naapektuhan sa kalamidad.

Sumala sa taho sa National Disaster Risk Reduction and Management Council (NDRRMC), 1,788,630 ka pamilya o 7,033,922 ka indibidwal ang naapektuhan sa Bagyong Kristine. Miabot sa 139 ang namatay.

"Ang tibuok nasud gina-awhag nga mag-ampo alang sa kalag sa mga namatay," matud ni Presidente Marcos sa iyang proklamasyon.

Sa Nobyembre 4, 2024, ang bandila sa Pilipinas ibutang sa tunga-tunga sa poste gikan sa pagsubang sa adlaw hangtod sa pagsalop sa adlaw sa tanang mga bilding sa gobyerno sa tibuok Pilipinas ug sa gawas sa nasud.

Padayon nga maminaw sa RPN DXKT Davao alang sa mga bag-ong balita ug mga update report. | via Madam Inday Rogin.

Source: Malacañan