https://www.facebook.com/102002904834004/

Bacoor City Connect

Home
Philippines
Dasmariñas
Bacoor City Connect

05/06/2026

PINAALALAHANAN ng mga eksperto sa kalusugan ang publiko na maging maingat sa pag-inom ng energy drinks dahil ang labis na pagkonsumo nito ay maaaring magdulot ng seryosong epekto sa katawan.

Ayon sa mga health professionals, ang energy drinks ay karaniwang naglalaman ng mataas na antas ng caffeine at asukal na maaaring magdulot ng mabilis na pagtibok ng puso, mataas na presyon ng dugo, pagkahilo, hirap sa pagtulog, at matinding pagkabalisa kapag nasobrahan ang pag-inom.

Babala rin ng mga eksperto na mas tumataas ang panganib kapag pinagsama ang energy drink sa alak o kapag umiinom nito nang sunod-sunod sa loob ng isang araw. Sa ilang pagkakataon, maaari itong humantong sa komplikasyon sa puso at iba pang seryosong kondisyon sa kalusugan.

Pinapayuhan ang publiko na ugaliing basahin ang mga label ng inumin at iwasan ang labis na pagkonsumo ng caffeine. Mahalaga rin ang sapat na pahinga, balanseng pagkain, at regular na pag-inom ng tubig upang mapanatili ang enerhiya ng katawan sa mas ligtas na paraan.

Paalala ng mga eksperto: Bagama’t maaaring makatulong ang energy drink sa pansamantalang pagdagdag ng enerhiya, ang sobrang pag-inom nito ay maaaring magdulot ng panganib sa kalusugan.

03/06/2026

MGA LTO PENALTIES NGAYONG 2026 🚗📋

Paalala sa lahat ng motorista: Ang pagsunod sa batas-trapiko ay hindi lamang para makaiwas sa multa kundi para rin sa kaligtasan ng bawat isa sa kalsada.

Narito ang ilan sa mga karaniwang traffic violations at kaukulang penalties ngayong 2026. Mula sa hindi pagsusuot ng seatbelt, paggamit ng cellphone habang nagmamaneho, illegal parking, hanggang sa pagmamaneho sa ilalim ng impluwensya ng alak o droga—may katapat na multa ang bawat paglabag.

Maging responsableng motorista. Sundin ang mga batas-trapiko, ihanda ang mga kinakailangang dokumento, at ugaliing unahin ang kaligtasan sa bawat biyahe.

✔️ Drive safely
✔️ Obey traffic rules
✔️ Avoid penalties

01/06/2026

Mala-boxing ang naging suntukan ng dalawang lalaki sa Bacoor City matapos umanong magtalo dahil pareho nilang nililigawan ang isang tindera ng pandesal sa isang bakery.

Ayon sa tinderang si "Carla," 38 taong gulang, sinubukan umano niyang awatin ang dalawa at sinabing hindi na niya kakausapin ang mga ito. Dagdag pa niya, marami pa umano siyang ibang manliligaw.

Source: BalitangK

31/05/2026

Arestado ang isang lalaking kilala sa alyas na “Jun” matapos umanong paulit-ulit na abusuhin at takutin ang isang 14-anyos na dalagita sa Bacoor City, Cavite.

Ayon sa ulat, pinagbantaan umano ng suspek ang biktima na ikakalat ang kanilang sensitibong video kapag tumanggi itong muling makipagkita at makipagtalik sa kanya.

Humingi ng tulong ang biktima sa pulisya, dahilan upang ikasa ang isang entrapment operation sa isang hotel sa Brgy. Habay 2. Matagumpay na naaresto ang suspek matapos magbigay ng signal ang dalagita sa mga awtoridad.

Narekober sa suspek ang isang .38 caliber revolver, cellphone na may laman umanong mga sensitibong video, motorsiklo, at dalawang helmet.

Nahaharap ngayon ang suspek sa kaukulang mga kaso.

29/05/2026

Nag-anunsyo ang Meralco ng nakatakdang maintenance activities na magdudulot ng pansamantalang pagkawala ng kuryente sa ilang lugar sa Bacoor City mula gabi ng Hunyo 5 hanggang madaling-araw ng Hunyo 6, 2026.

Hunyo 5, 2026 | 11:00 PM – 11:59 PM
Apektado ang bahagi ng Almond Drive mula Lumbang Street hanggang sa mga kalapit na kalsada kabilang ang Acacia, Narra, Balite, Dau, Banaba, Danarra, Ipil, Aguhao, Guijo, Kamagong, Magnolia, Mangga, at Molave Streets sa Soldier Hills 4 Phase IV Subdivision, Brgy. Molino VI.

Hunyo 6, 2026 | 12:30 AM – 1:30 AM
Makakaranas naman ng pansamantalang pagkawala ng suplay ng kuryente ang ilang bahagi ng Apitong Street, Durian Street, Narra Road, at mga karatig na lugar sa Soldier Hills 4 Phase IV Subdivision, Brgy. Molino VI.

Hunyo 6, 2026 | 2:00 AM – 2:30 AM
Apektado rin ang Green Valley Subdivision sa Brgy. San Nicolas III.

Pinapayuhan ang mga residente at negosyo sa mga nabanggit na lugar na maghanda para sa pansamantalang power interruption habang isinasagawa ang maintenance at upgrading works ng Meralco.

21/05/2026

Malacañang issues Proclamation No. 1264 declaring May 27, 2026 a regular holiday in observance of the Eid'l Adha.

18/05/2026

Isinusulong ni Sen. Robin Padilla ang isang panukalang batas na naglalayong alisin ang Senior High School (SHS) sa kasalukuyang K to 12 education system sa bansa.

Sa ilalim ng Senate Bill No. 1297 o “Abolishing Senior High School Education Act,” nais amyendahan ang umiiral na sistema ng edukasyon upang maibalik sa anim na taong elementarya at apat na taong high school, kasama ang kindergarten bilang panimulang antas.

Ayon kay Padilla, dagdag gastusin umano sa mga magulang ang dalawang taon sa SHS gaya ng pamasahe, baon, at school supplies. Aniya, may ilang kabataang napipilitang huminto sa pag-aaral dahil sa hirap ng buhay.

Binigyang-diin din ng senador na mahalagang suriin kung epektibo pa ba ang kasalukuyang K to 12 system sa paghahanda ng mga estudyante para sa kolehiyo at trabaho, o kung kinakailangan na itong baguhin upang mas umangkop sa sitwasyon ng mga pamilyang Pilipino.

15/05/2026

MGA BARANGAY SA BACOOR CITY, POSIBLENG MAAPEKTUHAN NG BIGLAANG BROWNOUT

Kabilang ang ilang barangay sa Bacoor City sa mga posibleng maapektuhan ng rotational brownout ngayong Mayo 15, 2026 dahil sa Red Alert Status na inilabas ng NGCP para sa Luzon Grid.

Kabilang sa mga lugar na maaaring mawalan ng kuryente ay ang:

• Bacoor City Proper
• Molino II
• Molino III
• Molino IV
• Molino VI
• Real II

Pinapayuhan ang mga residente na maghanda sakaling ipatupad ang Manual Load Dropping (MLD) sa kanilang lugar.

08/05/2026

Biktima ng tinatawag na “QR Code scam” o “QR Code phishing” ang ilang store owner sa Cavite matapos umano silang malinlang ng mga nagpapanggap na customer na magca-cash in gamit ang QR Code.

Sa ulat, isang lalaki ang nagtungo sa isang tindahan sa Imus, Cavite upang magpa-cash in ng P220. Ngunit matapos i-scan ang QR Code, sinabi umano nito na hindi niya natanggap ang transaksyon kaya hiniling na muling mag-scan ng panibagong QR Code.

Makikita sa CCTV na matapos ang transaksyon ay mabilis na umalis ang lalaki kasama ang mga kasamahan nito.

Nang suriin ng may-ari ang kanilang e-wallet, nadiskubre nilang naka-link na pala ito sa isang online shopping app kung saan umano ginamit ng mga suspek ang perang nasa account ng tindahan.

Aabot sa anim na transaksyon ang isinagawa ng mga suspek na nagkakahalaga ng mahigit P23,000.

Nakapaghain na ng reklamo ang mga biktima laban sa mga suspek.

⚠️ Paalala ng mga awtoridad:
Mag-ingat sa pag-scan ng QR Codes mula sa hindi kilalang tao dahil maaari itong magbigay ng access sa inyong personal impormasyon at online accounts.

06/05/2026

WALANG PUTOL-KURYENTE HANGGANG HULYO — ERC

Inatasan ng Energy Regulatory Commission ang Meralco at iba pang power utilities na huwag muna magputol ng kuryente sa mga konsyumer na hindi makabayad ng bills. Epektibo ito mula ngayong billing hanggang Hulyo 2026, kasunod ng idineklarang energy emergency dahil sa taas-presyo ng kuryente.

Pinapayagan din ang hulugan na bayad para sa mga gumagamit ng hanggang 200 kWh—maaaring hatiin sa tatlong buwan ang bayarin.
Ayon kay Nino Juan, layunin nito na maibsan ang pasanin ng publiko sa gitna ng mataas na inflation.

Samantala, wala pang inanunsyong dagdag-singil ngayong Mayo, ngunit iginiit ng ERC na kailangang aprubahan muna ang anumang pagtaas sa singil.

Address

Dasmariñas
4100

Website

facebook.com

Alerts

Be the first to know and let us send you an email when Bacoor City Connect posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Non Profit Organization in Dasmariñas?