27/06/2026
TRIBAL SPIRITUAL COUNCIL UG BAHANI, GIMUGNA SA TALIWANAN CLAN.
Quezon Bukidnon- Sa pagpanguna ni Datu Hody Taliwanan Purok President sa Purok 5 Butong Quezon Bukidnon nga naggikan sa tribung Manobo Pulangiyon hingpit nga gipahigayon niadtong June 14, 2026 ang pagmugna sa Spiritual Council sa Taliawan Clan uban ang pagmugna sa Bahani nga maoy mahimong kaabag sa pagpatuman sa kahusay ug kalinaw sa kumunidad sulod sa ancestral domain.
Ang gipahigayon nga meeting gilangkuban sa pamilya ni Apo Magno Taliwanan gikan sa magsoon hangtod sa mga apo uban ang mga pamilya ug mga lumlupyo sa kumunidad nga nagkahiusa sa pagtambong aron sa pagpaminaw ug pagsunod sa mga lagda mga ipatuman sa kumunidad.
Sa tinguha nga mahimong luwas ang kumunidad nadisisyonan nga magtukod ug bahani aron maoy modumala sa kahusay ug kalinaw sa kumunidad, Usa s a mahimong trabaho sa mga Bahani ang pagbantay sa palibot panahon nga dunay mga retual nga ipahigayon labi na ang sagradong pagpanuman sa fullmoon nga importanting panulundon sa tribu.
