19/04/2025
PAGAPASEN TANO MAGANAP HALF MILLION i paydo para sa makan a mga wata sa Gaza. Uman i isa mamikal den iganat sa sinakatawan, umpungan, mga masguit, endo ped pan labi den so aden mga tamok nin endo so mga leaders tano na tabang kano den ka o makaapas tano na ipapananggit bon sa LBO a pedtalabok sa International Conference a mga Pananabangan sa Gaza sa Isnin ba niya April 21, 2025 i kaganat nilan mangay sa liyo na inged.
So pagapas pedtabang na mapakay kano mangay sa opisina na LBO sa Tamontaka 1, Cotabato City, atawa scan no GCash (0917-798-2014) a niya. Kapakayan bon idsabuta no so Director na LBO Bureau of Social Welfare and Development sa 0917-122-8252.
Masla pahala lusa Allah san sa makad-sadaqah sa Gaza salta na tamel a ginawa sa aden bon pinggula tano salakaw sa dua, rallies, endo boycott campaign.
100% kano malimod tano sadaqah na makatalos sa Gaza inshaa Allah.
Salta pedsukuran na LBO i aden isa pagali tano a taga Bagua 2 a mid-sadaqah sa P30,000.00 abpeg bon so mas madakel a isa pilak bo i nagaga nin na sabap sa madakel silan ihanat sa kano buka na Eid endo so Solidarity Rally na nakauma tanan saguna sa labi duwa gatos ngibo. Taman sa si MP Susana Anayatin a isa a Kristiyano na mid-donate bon sa duwa pulo ngibo kano gay no Rally.
Imagine o langon a Bangsamoro ka edsadaqah sa apiya piso bo na di embaba sa sapulo ka million i makapapat tano a tabang sa makan a mga wata sa Gaza a dala kakan nin
