27/03/2025
SITIO CARE MUTUAL AID FUNDS (SCMAF)
Ang SCMAF namugna isip initiative sa Sitio Care Officers, susama sa paagi sa probinsiya, magtukod kita og atoang paagi sa PAGTAMBAYAYONG.
Ang pinakatumong aning SCMAF kay ang pagtampohay o pag-amotay kung naay miyembro na motaliwan. Pag-klaro lang ani na kapunungan na dili kini pagpanungo, kundi ang realidad sa kinabuhi mahitungod sa kamatayon. Kini na pagtambayayong kay usa ka praktikal na paagi kung gani moabot jud ang takna sa pagtaliwan.
Para dali masabtan; ADUNA AMOTAY ANG MGA "MIYEMBRO" KUNG NAAY "MIYEMBRO" NA MOTALIWAN.
Mga Termino ug kondisyon:
1. Aduna kini Php. 100 membership fee. Isip usa ka miyembro obligasyon na ang pagtampuhay kung naay miyembro na motaliwan.
2. Isip usa ka miyembro, pwede ka mag-apil og 3 ka dependents.
3. Ang usa ka miyembro dili na pwedeng iapil isip dependent sa usa pa ka miyembro. Vice versa.
4. Para kini sa tanan, bisan pila imong edad o bisan unsa imong tinuohan o relihiyon.
5. Makadawat og PHP._______ ang miyembro na motaliwan.
6. Ang kontrata pwede kini mausab. Sa kada-unom (6) ka buwan na assessment sa kapunungan, mag base kini sa gidaghanon sa miyembro. Kung gani naay kausaban, magbuhat na pud ta og bag-ong kasabutan o kontrata pero dili na mobayad og membership fee. Dili kini nagpasabot na sa kada-unom (6) ka buwan naay kausaban sa kontrata. Ang basehan lang ani kay ang gidaghanon na sa miyembro.
7. Mamahimong hunongon ang kontrata kung di kabayad sa duha ka higayon.
8. Isip usa miyembro, akoang gibasa ang termino og kondisyones niini na kontrata; ug
A. Nasayud ko na ang MEMBERSHIP FEE na Php. 100 na akong gibayad, mahimo na kining pondo sa organization. Nasayud ko na mao pud kini ang gamiton sa miscellaneous fees (ex. Pagpabuhat sa kontrata, Acknowledgement receipt, etc.). Nakasabot ko na dili na ko ni mabawi kung mohawa na ko isip usa ka miyembro.
B. Nasayud ko na isip usa ka miyembro, obligasyon na nako ang mobayad og PHP. 100 kung naay miyembro na motaliwan o mopanaw. Nasayud pud ko na apil ang mga dependents sa ubang miyembro sa akong obligasyon.
C. Nasayud ko na sa panahon na ako motaliwan o bisan kinsa sa akong tulo (3) ka dependents na akong gilista dinhi sa kontrata ra ang makadawat og tampuhay sa pagtambayayong.
D. Ang pangalan na akong gibutang isip beneficiary, mao ang hatagan sa CASH AID og kung ako ang motaliwan.
E. Nasayud ko na kung naa koy mahimong kalapasan sa dili pagbayad sa tampuhay og duha (2) ka higayon, ang kapunungan naay katungod sa pag hunong sa akoang kontrata o pagtangtang nako apil akong mga dependents isip mga MIYEMBRO.
F. Nasayud ko na adunay ASSESSMENT kada unom (6) ka buwan na naka-depende sa gidaghanon sa miyembro. Nasayud ko na ang kontrata mausab lamang base sa abilidad o resulta sa assessment. Kung walay kausaban, wala ra pud kausaban sa kontrata.
G. Nasayud ko na ang Sitio Care Mutual Aid Funds (SCMAF) kay namugna isip kasabutan og initiative sa Sitio Care Officers ug walay nagpaluyo ani na private sectors o gobyerno.
H. Kung mabug-atan man gani sa 100 pesos na tampuhay, pwede ra mag hatag ka og 10 pesos kadaw buwan.
