05/08/2026
PAHIMANGNO SA TANAN KATAWHAN
Pag-amping Batok sa Dengue
Ang dengue usa ka sakit nga madala pinaagi sa paak sa lamok nga Aedes. Tungod sa nagkataas nga kaso sa dengue, ang tanan gihangyo nga magmatngon ug magtinabangay aron malikayan ang pagkatap niini.
Mga Angay Buhaton:
* Limpyoha ug tabuni ang tanang sudlanan sa tubig.
* Ilabay ang mga butang nga mahimong tapokan sa tubig sama sa lata, botelya, ligid, ug uban pa.
* Kanunay limpyohi ang kanal, alulod, ug palibot sa panimalay.
* Gamit ug mosquito repellent ug magsul-ob og taas nga manggas ug pantalon ilabi na sa buntag ug hapon.
* Ibutang ang kulambo o screen sa bintana ug pultahan aron malikayan ang pagsulod sa lamok.
Mga Sintomas sa Dengue:
* Taas nga hilanat
* Sakit sa ulo ug likod sa mata
* Sakit sa kaunoran ug lutahan
* Pagpula o rashes sa panit
* Dali nga pagdugo sa ilong o lagos
* Kusog nga sakit sa tiyan, balik-balik nga pagsuka, o kaluya (mga timailhan sa grabe nga dengue)
Kon adunay mga sintomas:
โ Ayaw pag-self-medicate, ilabi na ang pag-inom og aspirin o ibuprofen.
โ Inom ug daghang tubig aron malikayan ang dehydration.
โ Adtoa dayon ang labing duol nga health center o ospital alang sa tukmang pagtambal.
Hinumdumi:
โ5S Kontra Dengueโ
* Search and destroy โ Pangitaa ug wagtanga ang mga dapit nga gipuy-an sa lamok.
* Self-protection โ Panalipdi ang kaugalingon batok sa paak sa lamok.
* Seek early consultation โ Magpakonsulta dayon kon adunay sintomas.
* Support spraying โ Suportahi ang fogging o spraying kung gikinahanglan sa otoridad.
* Sustain hydration โ Padayon sa pag-inom og igo nga tubig.
Magtinabangay kita sa pagpugong sa dengue. Ang kalimpyo sa atong panimalay ug komunidad mao ang unang depensa batok sa lamok.
