SNP- Tupaba Youth Organization

24/07/2026

JUST IN: Now Happening, Duaw Sangyaw Catechist ✝️

IHS ARCHDIOCESE OF CEBU

📍Sta. Cruz Tupaba Chapel

11/07/2026

📢 Panawagan alang sa atong mga kaigsuonan sa Sitio Tupaba

Maayong adlaw, ninyong tanan.

Sa karon nga higayon, kami mapainubsanon nga nangayo sa inyong tabang alang sa usa ka igsoon nga namahulay na. Wala siyay mga paryente dinhi sa Cebu, ug ang iyang lawas karon gipahimutang sa atong kapilya.

Busa, kami nagpakiluoy sa inyong mga maluloy-on nga kasingkasing nga maghatag ug bisan unsang kantidad nga inyong ikatabang aron makatabang sa pagtabon sa mga gastohonon sa iyang lubong. Walay gamay o dako nga donasyon—ang matag halad dako na kaayong tabang ug usa ka dakong timaan sa gugma ug pagkamaluluy-on.

Atong ipakita nga ang komunidad sa Sitio Tupaba nagkahiusa sa pag-atiman ug pagtabang sa usa ka isigkatawo, ilabi na niadtong wala nay pamilya nga masandigan.

Daghang salamat sa inyong pagkamahinatagon. Hinaut nga ang Ginoo maoy mubayad sa inyong tanang kaayo ug magapanalangin kaninyong tanan.

‼️Sa mga mupaabot sa ilang hinabang palihog ug duol ni Virgie Carin or isa sa mga youth sa atong komunidad. Usab, daghang salamat.

“Ang matag buhat sa gugma ug kaluoy dili gyud mausik sa atubangan sa Ginoo." 🤍🙏

09/07/2026