Barangay Maihao

28/07/2026

Sa among minahal nga kauban sa barangay Maihao Manoy d**g George Delos Reyes

Dili masukod ang among pagpasalamat sa imong maayong kasingkasing ug matinud-anong pag-alagad sa atong komunidad. Daghan ang nakasinati sa imong pagkamatinabangon, pagkamapainubsanon, ug pag-atiman sa uban nga walay gipaabot nga balos.

Bisan wala ka na uban kanamo karon, ang imong maayong buhat ug maayong panig-ingnan magpabiling buhi sa mga kasingkasing sa imong nahibilin. Ang imong serbisyo ug dedikasyon usa ka inspirasyon nga dili dali malimtan.

Nag-ampo kami nga hatagan ka sa Ginoo og walay katapusang kalinaw, ug lig-onon Niya ang imong pamilya ug mga hinigugma niining lisod nga higayon.

Salamat sa tinud.anay na serbisyo. Manoy D**g George Delos Reyes Dili ka namo malimtan. 🕊️🤍

14/07/2026

📢 BARANGAY MAIHAO SCHOLAR ALERT | Tan-awa kung kwalipikado ka! 🎓🇵🇭

Maayong balita! Sa ilawom sa Bagong Pilipinas Barangay Scholars Program, ang matag barangay mahimong mopili og 5 ka scholars, ug ang matag usa makadawat og ₱20,000 nga finisher fund aron makatabang sa pagtapos sa ilang pag-eskwela.

✅ Kinsa ang mahimong kwalipikado?

✔️ Graduating o 4th year college student sa SY 2026–2027
✔️ Gikan sa pamilyang nagkinahanglan og tabang
✔️ Posibleng dili makapadayon sa pag-eskwela tungod sa kahimtang
✔️ Gikan sa pamilya nga wala pay nakahuman og kolehiyo (prayoridad)
✔️ Residente sa Barangay Maihao

Ubang importante nga pahimangno:
✔️ Apil gihapon ang 5th o 6th year basta graduating sa SY 2026–2027.
✔️ Kung walay graduating sa barangay, mahimong konsiderahon ang incoming 3rd year college students o TESDA scholars.
✔️ Pwede gihapon ang nag-eskwela sa laing lungsod o munisipyo basta residente sa Barangay Maihao.
✔️ Ang barangay mahimong magdugang og ubang requirements basta patas ug klaro ang pagpatuman.

💰 Benepisyo sa Scholarship

• ₱20,000 educational assistance
• Hangtod 5 ka scholars matag barangay
• Mahimong gamiton para sa tuition, school fees, school supplies, plete, pagkaon, ug uban pang gasto sa pag-eskwela.

📌 Kung sa imong tan-aw kwalipikado ka, palihug ipasa ang mosunod sa Barangay Hall:

* Certificate of Enrollment
* Study Load
* Valid ID o School ID

✉️ Palihug ibutang sa brown envelope ug isulat ang ngalan sa estudyante sa luyo.

🗓️ Deadline: Hulyo 15, 2026, alas-1:00 sa hapon

Ang tanan nga aplikante susihon aron mapili ang 5 ka labing kwalipikado sumala sa criteria.

24/03/2026

Pasalamat gikan sa Barangay Maihao

Sa ngalan sa Barangay Maihao, kami nagpasalamat sa mainiton ug dako nga suporta ni Mayor Condor nga ang among hangyo nga tabang ngadto sa pamilya sa mga biktima sa trahedya nga nahitabo tungod sa pagkaon sa ginabawal nga isda nga butete na aksyonan dayun.

Dako kaayo among pagpasalamat sa iyang paghatag og pinansyal nga tabang ug sa pagsagot sa mga gastohon sa punerarya og sa pagahatag og assistance sa mga na ulila nga mga bata. Ang inyong malasakit ug dali nga pagresponde naghatag og kahupayan sa mga pamilya nga naapektuhan niining lisod nga panahon.

Dili gyud masukod ang among pasalamat sa inyong pagpakabana ug pag-alagad sa katawhan.

Daghang salamat, Mayor Condor. 🙏

10/03/2026

KAHAMUGAWAY FESTIVAL 2026
Grand Parade 🎉

21/01/2026

10/12/2025

Day 1 Kahugyaw sa Maihao 2025 (Part 2)
Teachers', Religious Sector & Senior Citizens' Night

Honoring the teachers who teach us, the leaders who guide us, and the seniors who inspire us. Daghang salamat sa inyong pagpangga og pagserbisyo sa atong barangay!

10/12/2025

Day 1 Kahugyaw sa Maihao 2025 (Part 1)
Teachers', Religious Sector & Senior Citizens' Night

Honoring the teachers who teach us, the leaders who guide us, and the seniors who inspire us. Daghang salamat sa inyong pagpangga og pagserbisyo sa atong barangay.

09/12/2025

Di palupig ato ng BRGY OFFICIALS AND BRGY. WORKERS sa mga tinagoang kiay para sa DANCE PRESENTATION 💃

09/12/2025

STCSNHS STAFF dance presentation 💃

09/12/2025

Maihao E/S selected pupils 💃