Kabite KONEK

Kabite KONEK Contact information, map and directions, contact form, opening hours, services, ratings, photos, videos and announcements from Kabite KONEK, Community Center, 450 J. M, Loyola Street, Barangay 4, Poblacion, City of, Carmona.

NAGKAROON NG TENSIYON SA SENADO MATAPOS ANG PAGTATALO NG MGA OPISYALNagkaroon ng komosyon sa Senado matapos umanong magk...
04/06/2026

NAGKAROON NG TENSIYON SA SENADO MATAPOS ANG PAGTATALO NG MGA OPISYAL

Nagkaroon ng komosyon sa Senado matapos umanong magkapisikalang bahagya sina Sen. Robin Padilla at DILG Secretary Jonvic Remulla kaugnay ng pagpasok ng ilang resource persons sa session hall noong Hunyo 4.

Batay sa mga ulat, sinubukan umanong pigilan ni Remulla ang mga resource persons na kasama ni Sen. Pia Cayetano na pumasok sa bulwagan, na nauwi sa mainitang komprontasyon.

Ang insidente ay naganap isang araw matapos mabuo ang quorum sa Senado, habang isinusulong ng ilang senador mula sa Majority Bloc ang pagdaraos ng pagdinig ng Blue Ribbon Committee kaugnay ng isyu ng flood control projects.

Samantala, ayon kay Senate President Pro Tempore Win Gatchalian, inanunsyo ni Blue Ribbon Committee Chairman Sen. Erwin Tulfo ang pagpapaliban ng naturang pagdinig hanggang Hunyo 8.

📷 Source: News5

POSIBLENG MAGKAROON NG SPECIAL ELECTION SA DASMARIÑAS SA AGOSTOMaaaring magsagawa ng special election sa lone district n...
04/06/2026

POSIBLENG MAGKAROON NG SPECIAL ELECTION SA DASMARIÑAS SA AGOSTO

Maaaring magsagawa ng special election sa lone district ng Dasmariñas, Cavite sa Agosto 22 o Agosto 29, 2026 kasunod ng pagkabakante ng puwesto ng dating kinatawan na si Kiko Barzaga matapos ang kanyang pagpapatalsik sa Kamara.

Ayon kay Comelec Chairperson George Erwin Garcia, nakasaad sa batas na dapat maisagawa ang halalan sa loob ng 60 hanggang 90 araw mula nang mabakante ang naturang posisyon.

Sinabi rin ni Garcia na nagsimula na ang Comelec sa mga kinakailangang paghahanda dahil limitado na lamang ang oras para sa preparasyon bago ang posibleng petsa ng eleksyon.

Dagdag pa niya, hindi na kinakailangan ng poll body na makatanggap ng pormal na abiso mula sa Kamara upang ituloy ang special election, alinsunod sa umiiral na desisyon ng Korte Suprema.

🚦 **ALAMIN ANG MGA MULTA SA MGA KARANIWANG TRAFFIC VIOLATIONS NGAYONG 2026!** 🚗🏍️Pinaaalalahanan ng Land Transportation ...
04/06/2026

🚦 **ALAMIN ANG MGA MULTA SA MGA KARANIWANG TRAFFIC VIOLATIONS NGAYONG 2026!** 🚗🏍️

Pinaaalalahanan ng Land Transportation Office (LTO) ang lahat ng motorista na sumunod sa mga batas-trapiko upang makaiwas sa aksidente at mabigat na multa.

Kabilang sa mga karaniwang paglabag ang hindi pagsusuot ng seatbelt, paggamit ng cellphone habang nagmamaneho, overspeeding, illegal parking, pagmamaneho nang walang helmet, at iba pa.

Maging responsableng motorista at ugaliing sumunod sa mga regulasyon sa kalsada para sa kaligtasan ng lahat.

📌 Tingnan ang listahan ng mga traffic violations at kaukulang multa sa larawan.





🚦

Inaasahan ang muling pagbuhos ng saya at kasiyahan sa nalalapit na Regada Water Festival na gaganapin sa Hunyo 24, 2026 ...
04/06/2026

Inaasahan ang muling pagbuhos ng saya at kasiyahan sa nalalapit na Regada Water Festival na gaganapin sa Hunyo 24, 2026 sa Cavite City.

Ayon kay Cavite City Mayor Denver Chua, handa na ang lungsod para sa isa na namang makulay at masayang selebrasyon na dinarayo ng libu-libong residente at turista bawat taon.

“Ready ka na ba sa pinaka masayang water festival sa bansa? Ngayong June 24, 2026, muling bubuhos ang saya sa Regada Water Festival! Mas maraming activities, mas maraming sorpresa, at mas maraming dahilan para mag-enjoy kasama ang pamilya at mga kaibigan. Kita-kits sa Cavite City at sabay-sabay nating isigaw: ‘We Are Wetter Together!’” pahayag ni Mayor Chua.

Bahagi ng pagdiriwang ng Kapistahan ni San Juan Bautista, tampok sa Regada Water Festival ang tradisyunal na basaan sa mga lansangan, street parties, at iba pang mga aktibidad na nagbibigay buhay sa kultura at turismo ng lungsod.

Inaasahan naman ng lokal na pamahalaan ang pagdagsa ng mga bisita habang mahigpit na ipatutupad ang mga hakbang para sa kaligtasan at kaayusan ng selebrasyon.

Muling nagbigay ng paalala si Tanza Mayor SM Matro sa mga senior citizen kaugnay ng allowance na kanilang natatanggap mu...
04/06/2026

Muling nagbigay ng paalala si Tanza Mayor SM Matro sa mga senior citizen kaugnay ng allowance na kanilang natatanggap mula sa pamahalaan.

Ayon kay Mayor Matro, mahalagang maunawaan ng mga benepisyaryo na ang pondong inilalaan para sa kanilang allowance ay nagmumula rin sa buwis na ibinabayad ng mamamayan.

“Ang allowance po na binibigay sa inyo ay galing din po sa inyo. Pera po ng taxpayers 'yan,” pahayag ni Mayor Matro.

Binigyang-diin ng alkalde ang kahalagahan ng maayos na paggamit ng pondo ng gobyerno at ang patuloy na suporta ng lokal na pamahalaan sa kapakanan ng mga nakatatandang residente ng bayan.

Patuloy naman ang mga programa at serbisyong inilaan ng pamahalaang lokal para sa mga senior citizen bilang pagkilala sa kanilang mahalagang ambag sa komunidad.

Nagbigay ng reaksiyon ang kapatid nina Sen. Jinggoy Estrada, dating Sen. B**g Revilla Jr., at dating Transportation Secr...
03/06/2026

Nagbigay ng reaksiyon ang kapatid nina Sen. Jinggoy Estrada, dating Sen. B**g Revilla Jr., at dating Transportation Secretary Arthur Tugade hinggil sa kanilang kalagayan sa loob ng piitan. Iginiit nito na hindi dapat gawing espesyal ang sinuman at nararapat lamang na sumunod sa parehong mga patakaran ang lahat ng nakakulong habang hinaharap ang kani-kanilang mga kaso.

**gRevillaJR

NAGPAHAYAG NG PAG-AALALA SI BRYAN REVILLA PARA SA KALAGAYAN NG KANYANG AMA SA LOOB NG PIITANIpinahayag ni Agimat Party-l...
03/06/2026

NAGPAHAYAG NG PAG-AALALA SI BRYAN REVILLA PARA SA KALAGAYAN NG KANYANG AMA SA LOOB NG PIITAN

Ipinahayag ni Agimat Party-list Rep. Bryan Revilla ang kanyang pag-aalala para sa kanyang amang si dating Sen. B**g Revilla Jr., na kasalukuyang nahaharap umano sa mahirap na kalagayan habang nasa Quezon City Jail.

Ayon kay Bryan, hindi komportable ang sitwasyon sa loob ng piitan dahil sa matinding init at sa pakikisalamuha ng dating senador sa iba pang mga persons deprived of liberty (PDLs) sa kanilang selda.

Samantala, sinabi rin ng kongresista na wala siyang impormasyon kung nagkaroon na ng pagkakataong magkita sa loob ng kulungan sina B**g Revilla at Sen. Jinggoy Estrada, na kamakailan lamang ay dinala rin sa Quezon City Jail kaugnay ng kasong plunder.

Matatandaang parehong nakulong noon sina Revilla at Estrada sa Camp Crame noong 2014 kaugnay ng pork barrel scam bago sila kalaunang napawalang-sala sa kani-kanilang mga kaso.
**gRevillaJR

AYAW NA UMANONG MAGSUOT NG PDL UNIFORM AT POSAS SI ESTRADANaghain ng kahilingan sa Sandiganbayan ang kampo ni Sen. Jingg...
03/06/2026

AYAW NA UMANONG MAGSUOT NG PDL UNIFORM AT POSAS SI ESTRADA

Naghain ng kahilingan sa Sandiganbayan ang kampo ni Sen. Jinggoy Estrada na huwag na siyang pagsuotin ng dilaw na Persons Deprived of Liberty (PDL) uniform ng BJMP at huwag na rin umanong posasan tuwing siya ay haharap sa korte.

Ayon sa kanyang mga abogado, nakapagpiyansa na ang senador at kusa naman siyang sumuko sa mga awtoridad, kaya hindi na umano kinakailangan ang naturang mga restriksyon.

Samantala, ibinahagi ng anak niyang si Janella Estrada na nahirapan umanong makatulog ang senador sa kanyang unang gabi sa loob ng New Quezon City Jail sa Payatas noong Hunyo 1.

📷 Via: MOJO Arles Delos Santos

LIBRENG SCHOOL BAGS AT SCHOOL SUPPLIES, IPAMAMAHAGI NG PAMAHALAANG BAYAN NG NOVELETABilang paghahanda sa nalalapit na pa...
03/06/2026

LIBRENG SCHOOL BAGS AT SCHOOL SUPPLIES, IPAMAMAHAGI NG PAMAHALAANG BAYAN NG NOVELETA

Bilang paghahanda sa nalalapit na pagbubukas ng klase, mamamahagi ang Pamahalaang Bayan ng Noveleta ng libreng school bags at school supplies para sa mga mag-aaral mula Day Care, Kindergarten, Grade 1, at Grade 2.

Ayon kay Mayor Davey Reyes-Chua, pinapayuhan ang mga magulang at estudyante na makipag-ugnayan sa kani-kanilang paaralan upang malaman ang detalye at iskedyul ng distribusyon ng mga school supplies.

Nagpahayag din ng pasasalamat ang alkalde sa mga masisipag na nagbabayad ng buwis, dahil sa kanilang kontribusyon ay naipagpapatuloy ng lokal na pamahalaan ang mga programang nakatuon sa edukasyon at kapakanan ng mga kabataang Noveleteño.

📸 Photo source: Davey Reyes-Chua

“SAYANG ANG PERA NG TAUMBAYAN” — SEN. GATCHALIANIto ang naging pahayag ni Senador Sherwin Gatchalian matapos muling hin...
03/06/2026

“SAYANG ANG PERA NG TAUMBAYAN” — SEN. GATCHALIAN

Ito ang naging pahayag ni Senador Sherwin Gatchalian matapos muling hindi makadalo sa sesyon ng Senado ang ilang miyembro ng mayorya ngayong Hunyo 2, 2026.

Ayon sa senador, umaabot umano sa ₱25 milyon ang ginagastos ng Senado bawat araw para sa operasyon, kabilang ang kuryente, utilities, at suweldo ng mga empleyado. Gayunman, aniya, walang naisasagawang sesyon at wala ring mga panukalang batas na naaaprubahan kapag kulang ang bilang ng mga dumadalong senador.

Dahil dito, iginiit ni Gatchalian na nasasayang lamang ang pondong nagmumula sa buwis ng mamamayan kapag hindi natutuloy ang mga sesyon ng Senado.

Address

450 J. M, Loyola Street, Barangay 4, Poblacion, City Of
Carmona
4116

Website

Alerts

Be the first to know and let us send you an email when Kabite KONEK posts news and promotions. Your email address will not be used for any other purpose, and you can unsubscribe at any time.

Shortcuts

Share

Category