21/11/2022
HCCC Class 2003, nagpa-register na para han 50th Grand Alumni Homecoming
Nagpa-register na an HCCC Class 2003 para han tiarabot nga 50th HCCC Grand Alumni Homecoming. Nagpa-register an Class 2003 dida han Day 1 o mismo han opening day han registration hadton November 5, 2022. Nagbayad an batch hin Php 4,500 pesos nga registration fee nga ginkuha dida han official bank account han Class 2003.
Ha pagpa-register, bumunot gihapon hin entry nga ig-aapi ngada han parade competition. An broadway musical nga "Wicked" an nabunot nga entry han Class 2003.
Didto gihap bumunot an mga nagpa-register nga klase han ira assigned barangay para han Community Outreach Program. Una na nga bumunot an Class 2003 hin assigned barangay kon diin Brgy. Rizal an nabunot hini hadton General Assembly. Dida han pagpa-register, humangyo an Class 1968 pinaagi ha ira representative nga Ms. Vicenta Lim nga kon pwede hira makipag-swap hin barangay tungod nga mga senior citizen na hira ngan kukurian na an iba ha ira kon harayo nga barangay an kakadtuan. Tumugot hini nga hangyo an representative han Class 2003, salit Brgy. Sta. Fe na an assigned barangay han Class 2003.
