13/05/2025
Sa bawat isa sa 22 Barangay ng Capalonga, kami po ay taus-pusong nagpapasalamat sa inyong tiwala at suporta.
Ang inyong boto ay patunay ng inyong pagmamahal at tiwala sa aming layunin na ipagpatuloy ang pagsibol, pag-unlad, at patuloy na pag-sigla ng ating mahal na bayan.
Ang inyong muling pagpili sa amin ay isang paalala na ang tunay na lakas ng pamahalaan ay nagmumula sa mga taong kanyang pinaglilingkuran. Kayo ang aming inspirasyon upang lalo naming pagbutihin ang aming trabaho at higit pang pagtibayin ang kaunlaran sa bawat barangay.
Asahan po ninyo na kami ay mananatiling tapat sa aming tungkulin, at bawat hakbang at desisyon ay laging para sa kapakanan ng nakararami.
Mabuhay ang 22 Barangay ng Capalonga!
Mabuhay ang bawat Capalongueño!
— Mayor Luz E. Ricasio