San Andres Apostol Parish Youth Ministry

02/07/2026

15/02/2026

Happy 7th Presbyteral Anniversary to Rev. Fr. June N. Siccion,
Our Vicariate Youth Spiritual Director🤍

"The priesthood is the love of the heart of Jesus." — St. John Vianney

Photo by Nigel Ian Laxamana

15/12/2025

Ika, nanung kwentung Simbang Bengi mu?

Tara, simba tamu!

Misa de Aguinaldo 2025 Schedule :
https://www.facebook.com/share/p/14Sgwy7hzJJ/

Video produced by : SAAP Media Ministry

17/11/2025

lawan:

ing makuleng gayak ning Patio ning kekatamung Parokya, para king Fiestang B***n 2025.

GAYAK KING PATIO PARA KING FIESTANG B***N 2025

10/11/2025

KAPAGMASUSIAN NING FIESTANG B***N 2025 PARANGAL KANG SAN ANDRES APOSTOL, PATULUNAN NING B***N CANDABA | RING SCHEDULE DA RING AKTIBIDADES

Kaniting Giubileo ning Kapanayan 2025 at libutad da ring miaaliuang kapagsubukan a arapan ning kekatamung b***n at bansa, pagmasusian ne ning Parokya nang San Andres ing fiestang b***n a maki-temang “Magdalang Kapanayan king B***n a Miyalbugan!” Miabe-abe tamung mitipun king kasalpantayanan at kapanayan, lalam ning malugud nang pamanantabe at alimbawa ning ketamung Mal a Patrun, San Andres Apostol a mamantabe king parokya at b***n tamu karing dakal nang panaun.

Kambe ning e mabibigung kapanayan karing pusu tamu, kuma tamung sikanan kang San Andres uling balu tamung king pamaglakbe tamu king kekatamung bie kasalpantayanan, e na katamu lakuan at e na katamu paburen.

San Andres,
Apostol ning Kapanayan,
antabayanan Mu kami at saupan mu kaming misaka king albug!
Ipanalangin Mu kami!
Ilapit mu kami kang Jesus a kekang Divino Maestro!

Like and share:
facebook.com/SanAndresCandaba

Visit our official website:
https://saapcandaba.org/

09/11/2025

anting metung a balayan, abe abe tayang pangadian ing Oratio Imperata, para king pangakabus tamu king Bagyung Uwan.

ORATIO IMPERATA LABAN KARING KALAMIDAD

O lubus mayupayang Ibpa,
tatas mi la ring pusu mi keka king kapasalamatan
para karing makapagmulalang lelangan mu, kareti kayabe kami,
para king kalingapan mu a mamie kekami karing kailangan mi,
at para king kabiasnan mu
a mumugit king daralanan ning meto sikluban.
Tatanggapan mi la ring kasalanan mi laban keka
at karing sablang lelangan mu.
E kami meging mayap a katiuala ning yatu.
E mi ya pekaintindian ing kautusan mung pamangasiua king yatu.
Ing makapadurut kekami ya ngeni ing magdusa
pauli ning mali ming kararaptanan,
at ngeni pupupulan mi ing pamanabusu at kealan masabal mi.
Ing global warming atiu ne busal mi.
Ding bagyu, albug, pamamakbung ring buklan,
at aliua pang kalamidad lalu lang darakal at sisikan.
Lalapit kami keka, O malugud a Ibpa mi,
at manigapung kapatauaran para karing kasalanan mi.
Pagparalampu mi, king ding kaluguran mi at
ing pikapagalan ming atangkang pibandian
ing mikabus ibat king banta ning kalamidad, natural at gauang-tau.
Pagamu-amu mi keka
ing gauan mu kami ngan responsabling katiuala ning lelangan mu,
at maganaka ampon mapaniaup a siping-bale
karing atiu king pamangailangan.
Amen.

San Andres Apostol, Ipanalangin mu kami!
Virgen de los Remedios, ipanalangin mu kami!
Sto. Cristo del Perdon y Caridad, pakaluluan Mu kami!