15/06/2026
🌧️🎉 STREET PARTY 2026 🎉🌧️
Sa kabila ng malakas na ulan, walang nakapigil sa saya, pagkakaisa, at solid na suporta ng aming mga kabarangay! Maraming salamat sa lahat ng nakisaya, nakiindak, at sumuporta sa ating Street Party ng Sangguniang Kabataan ng Brgy. 84 sa pangunguna ni SK Chairman Allen Dino.
Hindi naging hadlang ang panahon para maipakita ninyo ang tunay na diwa ng pagkakaisa. Kahit basang-basa, tuloy ang saya! 💙
Hydro yarn?😅🌧️
Lubos din kaming nagpapasalamat sa mga karatig-barangay at sa mga kapwa SK officials na nagbigay ng suporta at nakiisa sa aming programa. Ang inyong presensya at pakikiisa ay malaking bahagi ng tagumpay ng ating selebrasyon.
At para naman sa mga nagsabing hindi ito kakayanin o imposible itong maisakatuparan—isang paalala lamang: **Hindi porket imposible sa inyo, ay imposible rin sa aming SK Brgy. 84.** Ang sipag, tiyaga, pagkakaisa, at determinasyon ay kayang gawing posible ang mga bagay na akala ng iba ay hindi magagawa.
Mas mabuti sanang mag-isip nang tama at tingnan ang kapakanan ng kabataan at komunidad kaysa puro pamumulitika. Ang tunay na serbisyo ay hindi nasusukat sa salita kundi sa gawa at resulta. Sa halip na humila pababa, mas mainam na magkaisa at magtulungan para sa ikabubuti ng lahat.
At sa mga naingayan o naapektuhan ng kasiyahan, taos-puso po kaming humihingi ng paumanhin. Minsan lang naman po ito at ngayon lamang bilang bahagi ng ating pagdiriwang ng pista. Ang layunin natin ay magbigay ng saya at pagkakaisa sa ating komunidad. Sana po ay inyong maunawaan at makiisa sa diwa ng selebrasyon, lalo na't hindi naman ito pangkaraniwang pangyayari.
Muli, maraming salamat sa lahat ng naging bahagi ng matagumpay na Street Party! Sa lahat ng sumuporta, naniwala, at nakiisa—kayo ang dahilan kung bakit naging posible ang gabing ito. ❤️💯
**Ulan man ang bumuhos, hindi ang saya. Brgy. 84 pa rin ang panalo!** 🔥
