Senate Village Phase 2 Homeowners Association Inc.

Senate Village Phase 2 Homeowners Association Inc. Registered as Kalikasan Hills HOAI | Official page for announcements, updates, and community info.

PAGTUMBA NG PUNO SA CORNER ISAROG AT MAKILING ST.Naireport bandang 9:30 ng umaga ang pagbagsak ng isang puno sa kanto ng...
04/07/2026

PAGTUMBA NG PUNO SA CORNER ISAROG AT MAKILING ST.

Naireport bandang 9:30 ng umaga ang pagbagsak ng isang puno sa kanto ng Isarog at Makiling Street, dulot ng malalakas na hangin.

Agad na nakipag-ugnayan ang samahan sa mga kinauukulang ahensya upang maalis ang natumbang puno at matiyak ang kaligtasan ng mga residente.

Sa pakikipagkoordinasyon sa Barangay 173, CEMD, DRRMO, at Meralco, matagumpay na naalis ang natumbang puno at naibalik ang suplay ng kuryente sa mga apektadong homeowners.

Maraming salamat sa lahat ng ahensya at mga residenteng tumulong sa paglilinis ng mga nahulog na dahon at sa mabilis na pagtugon sa insidente. Ang inyong pakikiisa ay malaking tulong sa pagpapanatiling ligtas at maayos ang ating komunidad.

1ST GENERAL ASSEMBLYMatagumpay na naisagawa ang 1st General Assembly bilang panimula ng panunungkulan ng bagong hanay ng...
04/07/2026

1ST GENERAL ASSEMBLY

Matagumpay na naisagawa ang 1st General Assembly bilang panimula ng panunungkulan ng bagong hanay ng mga opisyal at upang sila ay maipakilala sa mga miyembro ng samahan.

Layunin ng General Assembly na ipakilala ang bagong set of officers, magbigay ng updates tungkol sa mga priority projects ng asosasyon, pakinggan ang mga mungkahi at rekomendasyon ng mga homeowners para sa patuloy na pagpapabuti ng samahan, at magsagawa ng open forum upang talakayin ang mga posibleng proyekto at mga programang maaaring ipatupad.

Maraming salamat sa lahat ng dumalo at sa inyong patuloy na suporta at pakikiisa. Sa inyong pagtutulungan, patuloy nating maisusulong ang mga programang makabubuti para sa ating buong komunidad.

BALIK ESKWELA – DISTRIBUTION OF SCHOOL UNIFORMSSa pakikipag-ugnayan sa Barangay 173, mahigit dalawampu (20) na mga mag-a...
04/07/2026

BALIK ESKWELA – DISTRIBUTION OF SCHOOL UNIFORMS

Sa pakikipag-ugnayan sa Barangay 173, mahigit dalawampu (20) na mga mag-aaral mula kindergarten hanggang elementarya ang nabigyan ng school uniforms bilang paghahanda sa nalalapit na Balik Eskwela.

Maraming salamat sa patuloy na suporta ng Barangay 173 sa ating mga mag-aaral at sa mga programang naglalayong isulong ang edukasyon sa ating komunidad.

LIGTAS TIGDAS VACCINATION PROGRAMIsinagawa ngayong araw, Hunyo 8, 2026, sa Senate Village Phase 2 Court ang Ligtas Tigda...
08/06/2026

LIGTAS TIGDAS VACCINATION PROGRAM

Isinagawa ngayong araw, Hunyo 8, 2026, sa Senate Village Phase 2 Court ang Ligtas Tigdas vaccination program bilang bahagi ng Measles-Rubella Supplemental Immunization Activity (MR-SIA) ng Department of Health (DOH).

Isinagawa ito sa pakikipagtulungan ng Barangay 173 - Sangguniang Barangay Council at ng Caloocan City Health Department, na layuning mapalakas ang proteksiyon laban sa tigdas.

Maraming salamat sa lahat ng tumulong sa paghahanda at matagumpay na pagsasagawa ng programang ito para sa mga bata. Kabilang din sa mga nagpaabot ng suporta ang ΤΓΦ Senate Village Phase 2 Chapter sa kanilang kontribusyon sa pagbibigay ng meryenda para sa mga bata.

Patuloy po tayong makikipag-ugnayan sa Barangay 173 at Pamahalaang Lungsod ng Caloocan para sa mas marami pang programa at serbisyong pangkomunidad sa hinaharap.

JOINT INSPECTION FOR THE INSTALLATION OF STREETLIGHTS Nagsagawa ng joint inspection sina Engr. Louie Lopez (Area Enginee...
03/06/2026

JOINT INSPECTION FOR THE INSTALLATION OF STREETLIGHTS

Nagsagawa ng joint inspection sina Engr. Louie Lopez (Area Engineer) at Arch. Mhark Rivera, kasama ang mga opisyal ng Senate Village Phase 2 Homeowners Association na sina VP Wilson Borromeo, Secretary Alice Moya, PIO Marivic Valdez, at Peace and Order Officer Allan Coronel, kaugnay ng pag-install ng mga streetlight sa loob ng subdivision..

Layunin ng inspeksyong ito na matiyak ang tamang lokasyon ng mga poste ng streetlights at pakikipag-ugnayan sa mga homeowners upang higit na mapalakas ang kaligtasan at seguridad sa loob ng Senate Village Phase 2.

Patuloy din ang pakikipag-ugnayan ng HOA sa mga kinauukulang tanggapan upang matiyak ang maayos at tamang implementasyon ng proyektong ito mula sa Pamahalaang Lungsod ng Caloocan.

OATH TAKING CEREMONYNgayong araw, Hunyo 1, 2026, ay isinagawa ang Oath Taking Ceremony ng mga bagong halal na opisyal ng...
01/06/2026

OATH TAKING CEREMONY

Ngayong araw, Hunyo 1, 2026, ay isinagawa ang Oath Taking Ceremony ng mga bagong halal na opisyal ng Senate Village Phase 2 Homeowners Association sa pangunguna ni Kap. Elias Bautista at Kgwd. Hector.

Ito ay magsisilbing simula ng panunungkulan ng mga bagong lider na mangunguna sa pagsasagawa ng mga programa at inisyatiba para sa kapakanan ng Senate Village Phase 2. Higit pa rito, layunin natingg palakasin ang ugnayan at pagtutulungan sa pagitan ng Senate Village Phase 2 Homeowners Association at Barangay 173 - Sangguniang Barangay Council upang makapaghatid ng mas accessible na mga proyekto at serbisyo para sa mga residente. Kasama rin dito ang pagpapatibay ng kolaborasyon at pakikipag-ugnayan sa mga kalapit na subdivision upang maisulong ang mga programang makikinabang ang mas nakararami.

Maging updated sa mga proyektong isasagawa ng HOA, mga serbisyong hatid ng barangay, at mga kolaborasyong isusulong kasama ang mga karatig na subdivision.

Sama-sama nating palakasin ang isang maayos, ligtas, at mas progresibong komunidad.

OPLAN LINIS COURTNgayong weekend ay nagsimula na ang paglilinis ng court sa pamumuno nina Allan Coronel (Peace and Order...
31/05/2026

OPLAN LINIS COURT

Ngayong weekend ay nagsimula na ang paglilinis ng court sa pamumuno nina Allan Coronel (Peace and Order Officer) at Charlie Gabriel (Business Manager). Katuwang sa gawaing ito ang mga miyembro ng ΤΓΦ Senate Village Phase 2 Chapter at mga volunteer na homeowners ng komunidad.

Lubos po kaming nagpapasalamat sa suportang natanggap mula sa mga homeowners, lalo na sa kanilang mga kontribusyon at pagbibigay ng pagkain para sa ating mga volunteers.

Asahan po ninyo ang tuloy-tuloy na pagsasaayos at pagpapaunlad ng ating komunidad. Hinihikayat din namin ang lahat ng homeowners na makiisa at makibahagi sa mga susunod pang proyekto at programa ng samahan.

Maraming salamat po sa inyong suporta at pakikiisa!

ANUNSYO: LIGTAS TIGDAS VACCINE PARA SA MGA BATAInaanyayahan po namin ang lahat na pabakunahan ang mga batang edad 6–59 b...
30/05/2026

ANUNSYO: LIGTAS TIGDAS VACCINE PARA SA MGA BATA

Inaanyayahan po namin ang lahat na pabakunahan ang mga batang edad 6–59 buwang gulang laban sa tigdas at rubella bilang bahagi ng “Ligtas Tigdas” Measles-Rubella Supplemental Immunization Activity (SIA).

📅 June 8, 2026
⏰ 2:00 PM – 4:00 PM
📍 Senate Village Phase 2 Court

✅ Kung may Baby Book ang bata, mangyari lamang pong dalhin ito sa araw ng pagbabakuna.
✅ Pakicheck din po ang listahan ng mga bata sa census ng barangay. Kung wala ang pangalan ng inyong anak, agad pong ipagbigay-alam sa mga opisyal para ma-update.

The newly elected officers of the Senate Village Phase 2 Homeowners Association Inc.
27/05/2026

The newly elected officers of the Senate Village Phase 2 Homeowners Association Inc.

Address

Barangay 173
Caloocan
1400

Website

Alerts

Be the first to know and let us send you an email when Senate Village Phase 2 Homeowners Association Inc. posts news and promotions. Your email address will not be used for any other purpose, and you can unsubscribe at any time.

Shortcuts

Share

Category