Caloocan Historical and Cultural Studies Association, Inc.

12/03/2026

TIGNAN: Tinanggap ng mga Kasamang Tagapagtatag at kasalukuyang Trustees ng Caloocan Historical and Cultural Studies Association, Inc., na sina G. Jeremiah J. Montejo at G. Tee Jei N. Lei ang karangalang iginawad ng Pamahalaang Lungsod ng Kalookan sa organisasyon bilang, "Outstanding Partner in Cultural and Historical Preservation," sa Outstanding Citizens Awards Night na ginanap noong ika-16 ng Pebrero 2026. Taos-puso ang pasasalamat ng Lupon sa lahat ng kasaping sumuporta upang maitaguyod ang ating nasimulan.

Gayundin, ang aming pasasalamat sa madla na sumusubaybay sa pahinang ito. Asahan ninyo na sa kabila ng ating limitasyon, ay mananatili ninyo kaming kasama sa pagtataguyod at pagsusulong ng kasaysayan at kultura sa ating pamayanan.

Nagpapasalamat din ang organisasyon sa Pamahalaang Lungsod ng Kalookan sa pangunguna ng Punonglungsod Along Malapitan at sa Caloocan Cultural Affairs and Tourism Office para sa pagkilalang ito.

24/02/2026

Nakikiisa ang Caloocan Historical and Cultural Studies Association, Inc., sa pagbati sa mga kasamang sina Prop. Rhinalou Cervantes-Salamat at Prop. Ramon Rafael Quiroz, para sa kanilang aktibong pag-oorganisa ng True ICon, isang kumperensyang inorganisa ng University of the East (UE) Caloocan noong ika-12 ng Pebrero 2026.

Gayundin, binabati ng organisasyon sina G. Wogie T. Pacala at G. Charles Darwin F. Talavera sa kanilang pagbabahagi ng mga saliksik sa nasabi ring kumperensya na magpapayabong sa Araling Kalookan. Tinalakay ni G. Pacala ang papel na may pamagat na, "A Proposal and Prospectus on the Balintawak, or Caloocan-Quezon City Studies," habang tinalakay naman ni G. Talavera ang, "From Ecclesiastical District to Bishopric: The History of the Diocese of Kalookan, 1945-2024."

16/02/2026

Ating gunitahin ang anibersaryo ng pagpanaw ni Doña Victoria Lopez de Araneta, maybahay ni Don Salvador Araneta at matagal na nangasiwa ng Gusaling Victoneta sa Monumento na kilala ngayon bilang Araneta Square.

16/02/2026

Ngayong araw ay ginugunita natin ang ika-64 na taon ng pagiging Lungsod ng Kalookan. Ang plebisitong ginanap sa pagiging lungsod ng Kalookan ay kauna-unahang ginawa sa kasaysayan ng Pilipinas.

Maligayang Araw ng Lungsod Kalookan!

11/02/2026

Bukas na po ang True ICon, isang kumperensyang inorganisa ng University of the East Caloocan.

𝟏𝟐 𝐇𝐎𝐔𝐑𝐒 𝐓𝐎 𝐆𝐎!

The most-awaited 𝗧𝗥𝗨𝗟𝗬 𝗜𝗖𝗢𝗡𝗜𝗖 event is only one sleep away.

We are looking forward to welcoming you with open arms into a 𝗙𝘂𝘁𝘂𝗿𝗲-𝗿𝗲𝗮𝗱𝘆 𝗪𝗼𝗿𝗹𝗱 𝘄𝗶𝘁𝗵 𝗔𝗜 as your guide on the side, with the 𝗜𝗖𝗢𝗡𝗦 shining their light.

𝗦𝗲𝗲 𝘆𝗼𝘂 𝘁𝗼𝗺𝗼𝗿𝗿𝗼𝘄!

Venue: 𝗠𝗣𝗛 𝟯, 𝗟𝗖𝗧. 𝗕𝗹𝗱𝗴., 𝗨𝗘 𝗖𝗮𝗹𝗼𝗼𝗰𝗮𝗻, 𝗖𝗮𝗹𝗼𝗼𝗰𝗮𝗻 𝗖𝗶𝘁𝘆, 𝗠𝗲𝘁𝗿𝗼 𝗠𝗮𝗻𝗶𝗹𝗮, 𝗣𝗵𝗶𝗹𝗶𝗽𝗽𝗶𝗻𝗲𝘀

03/02/2026

Isa sa mga matagal nang pinaplanong proyekto ng Caloocan Historical and Cultural Studies Association, Inc., ang Seminar-Workshop sa Araling Kalookan. Nilalayon nito na tipunin at palakasin ang hanay ng mga mananaliksik sa Araling Kalookan. Taunan ang pinaplanong pagsasagawa ng seminar-workshop na ito upang mapayabong ang hanay.

Abangan sa mga susunod na araw ang mga patakaran at detalye ng isasagawang 2026 Seminar-Workshop sa Araling Kalookan. Ang programang ito ay pakikiisa ng organisasyon sa Local Historical Committees Network ng Pambansang Komisyong Pangkasaysayan ng Pilipinas (National Historical Commission of the Philippines)

02/02/2026

𝐀𝐍𝐆 𝐓𝐀𝐋𝐀 𝐍𝐆 𝐁𝐀𝐔𝐓𝐈𝐒𝐌𝐎 𝐍𝐈 𝐅𝐑𝐀𝐘 𝐀𝐍𝐓𝐎𝐍𝐈𝐎 𝐃𝐄 𝐒𝐀𝐍 𝐏𝐑𝐎𝐒𝐏𝐄𝐑𝐎, 𝐎𝐒𝐀., 1724
ni Wogie T. Pacala

Noong Pebrero 2, 1724, ay bininyagan ang bagong-silang na si Antonio Marquez y Festaño sa Parokya ng Paranaque, na ngayo'y Katedral na. Ang kanyang naitalang mga magulang ay sina Gabriel Marquez at Feliciana Festaño. Ayon sa tala ng kanyang bautismo, ang kanilang pamilya ay nananahan sa Dongalo.

Noong 1744, ay sumapi siya sa Orden ng San Agustin (OSA), at kinuha ang pangalang pangrelihiyon na Antonio Jose de San Prospero, OSA. Bukod sa pagpapari, ay kinikilala ang kanyang talent sa pagsusulat sa kaniyang kapanahunan.

Noong 1762 ay hinirang na maging misyonero sa noo'y bagong-tatag na visita de Caloocan, at Kapilya ng San Roque si Fray San Prospero. Sa ilalim ng kanyang pangangasiwa ay pinangunahan niya ang pagpalag laban sa mga sundalong Ingles nang lusubin nito ang Maynila sa parehong taon. Naging misyonero siya sa Kalookan hanggang noong 1765 hanggang sa ilipat siya sa Bigaa. Naging misyonero in siya sa Malolos, Bulacan noong 1771 at noong 1774 ay naging misyonero sa San Pablo de los Montes, Laguna. Pumanaw siya sa San Pablo noong taong 1782.

Ito ang transkripsyon ng dokumentong itinampok sa larawan:
"En 2 del mes de Febrero de dicho año, bautise a Don Antonio Marquez, hijo legitimo de Don Gabriel Marquez y de Doña Feliciana Festaño sacazon [sacó[n] le de pila] le de Pila El Capellan Don Juan Acacio y Doña Maria Marquez = Fr. Juan Zerrano, Prior."

Malayang salin sa Filipino:
Noong ikalawa ng buwan ng Pebrero ng taong ito ay aking binautismohan si Don Antonio Marquez, lehitimong anak nina Don Gabriel Marquez at Doña Feliciana Festaño, at ang nangasiwa sa pagbendisyon ay sina Capellan Don Juan Acacio at Doña Maria Marquez = (Lagda) Fr. Juan Zarrano, Prior

Sanggunian:

Alvarez, Kerby C. AGOS: Currents of Faith in the Diocese of Kalookan. Caloocan: The Roman Catholic Bishop of Kalookan, Inc., 2024.

"Baptismal Certificate of Antonio Marquez." in FamilySearch. https://familysearch.org/ark:/61903/3:1:3Q9M-C9BF-4V9T

Catalogo de los Religiosos de N. P. S. Agustin,. Maynila: Imprenta de Ramirez y Giraudier, 1864.

Rodriguez, Isacio. The Augustinian Monastery of Intramuros: The People and the Events that Contributed to Its Grandeur, salin ni Pedro Galende. Makati: Colegio de San Agustin, 1976.

Serrano, Leopoldo. "A Brief History of Caloocan," sa Buletin ng Kapisanang Pangkasaysayan ng Pilipinas 3 (Marso 1958)

01/02/2026

BAGONG TRUSTEE NG CHCSA, KILALANIN

Noong Kapulungang ginanap noong Oktubre 2025 ay pormal nang inihalal si G. Ronnel B. Agoncillo bilang kasapi ng Lupong Tagapangalaga (Board of Trustees) ng Caloocan Historical and Cultural Studies Association, Inc. Ang ika-walong puwesto ng Lupon ay naging bakante dahil sa kakulangan ng kandidato noong Halalan ng 2024 at espesyal na halalan noong Hulyo 2025.

31/01/2026

Narito po sa online exhibit na ito ang mga open-access na links na sanggunian tungkol sa mga sinulat ni Don Salvador Araneta.

31/01/2026

Isang paggunita ng Caloocan Historical and Cultural Studies Association, Inc. sa anibersaryo ng kapanganakan ni Don Salvador Araneta.

SALVADOR ZARAGOZA ARANETA

Ipinanganak siya noong ika-31 ng Enero, 1902 sa Quiapo, Maynila. Ang kanyang ama ay si Don Gregorio Araneta, isang tanyag na abugado at Carmen Zaragoza Roxas, isa sa mga unang Pilipinang pintor. Isa siyang abugado, negosyante, lider sibiko at konstitusyonalista.

Isa siya sa mga tagapagtatag ng Iloilo-Negros Air Express Company (INAEC) na may himpilan sa Iloilo. Ang INAEC ay pagmamay-ari ng mga Lopez, pinsan ng kanyang maybahay na si Victoria Lopez de Araneta. Nagtayo sila ng himpilan ng paliparan sa Grace Park, kasabay ng noo'y kumpanya ng Philippine Air Taxi Company (PATCO) na kilala na ngayon bilang Philippine Airlines. Matapos ang Ikalawang Digmaang Pandaigdig ay kasama siya sa muling pagtatayo ng INAEC at pinangalanang Far Eastern Air Transport, Inc. (FEATI), at ang kanilang punong himpilan ay sa Grace Park.

Siya ay naging bahagi rin ng Lupon ng mga Direktor ng Gregorio Araneta, Inc., na kilala noon sa pagdevelop bilang managing partner ng mga malalawak na lupain upang maging mga subdivisions sa paligid ng Maynila. Naging managing partner ito ng Philippine Land Improvement Company, na nagdevelop ng Sangandaan Heights, Northern Hills, Rizal Avenue Hills at Grace Park Subdivision.

Si Araneta ay isa rin sa tagapagtatag ng Araneta Institute of Agriculture (1946) at lumaon ay naging Pangulo nito sa ilalim ng Araneta University (1956-1970). Sa ilalim ng kaniyang pamamahala itinayo ang Araneta University Extension, na ngayo'y kilala bilang Araneta Square sa Monumento. Kinatawan nya ang Unang Distrito ng Rizal, na syang kinasasakupan ng Kalookan, para sa Kumbensyong Konstitusyonal ng 1971. Isa siya sa mga delegadong ipinaaaresto nang ideklara ang Martial Law kaya napilitang manirahan sa Estados Unidos at lumaon, sa Canada.

Pumanaw siya noong ika-7 ng Oktubre, 1982, isang taon matapos siyang bumalik sa Pilipinas.

Sanggunian:

Salvador Araneta (Comp.) A Molave of His Country. Malabon: Araneta Institute of Agriculture Press, 1970.

Maria Lina Araneta-Santiago. Araneta: A Love Affair with God and Country. Malabon: Sahara Heritage Foundation, 2007.

Michael D. Pante. A Capital city at the Margins: Quezon City and Urbanization in the Twentieth-century Philippines. Lungsod Quezon: Ateneo de Manila University Press, 2019.

The Tribune, XIV Anniversary Issue.

Ang mga larawan ay mula sa pribadong koleksyon ng Pamilya Araneta. Sa kaliwa ay larawan ni Don Salvador noong dekada ng 1930 at ang nasa kanan ay kuha noong dekada 1970.

(CHCSA/WTP)

09/01/2026

Isa sa mga tampok sa post na ito ay ang aktibong kasapi natin sa Secretariat na si G. Regie Quimora.

31/12/2025

Mula sa bumubuo ng Caloocan Historical and Cultural Studies Association, Inc.:

MAKASAYSAYAN AT MANIGONG BAGONG TAON!

Walang hanggan ang ating pasasalamat sa lahat ng sumuporta sa ating kapisanan ngayong taon. Narito ang ilang highlight ng ating mga gawain sa taong 2025:

✅Mga Gunitang Sampaksaan para kay Oriang
✅Caloocan Writers Workshop
✅Book Talk tampok ang Some People Need Killing
✅Caloocan History and Heritage 101 at ang mga Online Exhibits
✅Paglimbag ng Paghilom
✅Pakikiisa sa iba't ibang programa ngayong ika-150 guning anibersaryo ng kapanganakan ni Gregoria de Jesus

Hiling natin ngayong darating na 2026 na mapalakas pa ang ating kampanya para sa kasaysayan, kultura, at pamana, habang nakasandig sa inyong suporta.

Maraming salamat!