07/08/2026
Maulang gabi po sa ating lahat.
Dahil sa patuloy na malakas na ulan at malalakas na hangin dulot ng kasalukuyang bagyo, hinihikayat ang lahat ng mamamayan ng Barangay Iriron na maging mapagmatyag at unahin ang kaligtasan ng bawat isa.
PAALALA:
✔️ Manatili sa loob ng bahay kung wala namang mahalagang dahilan upang lumabas.
✔️ Bantayan ang lebel ng tubig, lalo na ang mga nakatira sa mabababang lugar, tabing-ilog, at mga lugar na madaling bahain o magkaroon ng pagguho ng lupa.
✔️Kung kinakailangan, agad na lumikas sa itinakdang evacuation center. Huwag nang hintaying lumala pa ang sitwasyon bago lumikas.
✔️Maghanda ng bag na may pagkain, tubig, gamot, flashlight, at mahahalagang dokumento.
✔️Patuloy na makinig at sumunod sa mga opisyal na anunsyo ng Barangay at ng mga kinauukulang ahensya.
Ang kaligtasan ng bawat pamilya ang ating pangunahing layunin. Hinihiling din namin ang pagtutulungan ng bawat isa at ang agarang pag-uulat kung may mga residenteng nangangailangan ng tulong.
✅PATULOY PO TAYONG MANALANGIN NA MATAPOS ANG BAGYONG ITO NA TAYONG LAHAT AY NASA LIGTAS NA KALAGAYAN🙏🏻
