Nutrition Services - Calatagan

14/08/2026

11/08/2026

07/08/2026

Patuloy ang buong suporta ni 𝐇𝐨𝐧. 𝐑𝐢𝐜𝐨 𝐁 . 𝐏𝐮𝐧𝐨 sa mga programang pangnutrisyon bilang bahagi ng pagsusulong ng kalusugan at kapakanan ng bawat mamamayan.

Sa pamamagitan ng mga programang ito, patuloy na pinagtitibay ang adhikain ng lokal na pamahalaan na makamit ang isang mas malusog, mas ligtas, at mas maunlad na komunidad.

“𝐒𝐚 𝐏𝐏𝐀𝐍: 𝐒𝐚𝐦𝐚-𝐬𝐚𝐦𝐚 𝐬𝐚 𝐧𝐮𝐭𝐫𝐢𝐬𝐲𝐨𝐧𝐠 𝐬𝐚𝐩𝐚𝐭, 𝐩𝐚𝐫𝐚 𝐬𝐚 𝐥𝐚𝐡𝐚𝐭.” 🫡

07/08/2026

📢 𝐋𝐈𝐆𝐓𝐀𝐒 𝐓𝐈𝐆𝐃𝐀𝐒: 𝐒𝐚𝐦𝐚-𝐬𝐚𝐦𝐚 𝐧𝐚𝐭𝐢𝐧𝐠 𝐏𝐫𝐨𝐭𝐞𝐤𝐭𝐚𝐡𝐚𝐧 𝐚𝐧𝐠 𝐊𝐚𝐥𝐮𝐬𝐮𝐠𝐚𝐧 𝐧𝐠 𝐁𝐚𝐰𝐚𝐭 𝐁𝐚𝐭𝐚! 💉

Mula Agosto 10–28, 2026, isasagawa ang Ligtas Tigdas: Measles-Rubella Supplemental Immunization Activity (MR SIA) para sa lahat ng batang may edad 6 hanggang 59 buwan.

💉 Ligtas, mabisa, at epektibong proteksyon ang bakuna laban sa tigdas at rubella. Upang higit na maunawaan ito, panoorin ang video message ng ating Municipal Health Officer, Dr. Robert John M. Turno, na nagbibigay ng tamang impormasyon tungkol sa kahalagahan, kaligtasan, at bisa ng bakuna.

Ang bawat batang nababakunahan ay isang mahalagang hakbang tungo sa mas ligtas, mas malusog, at mas protektadong komunidad. Inaanyayahan natin ang lahat ng mga magulang at tagapag-alaga na dalhin ang kanilang mga anak sa pinakamalapit na vaccination site ayon sa iskedyul sa inyong barangay.

Sama-sama nating sugpuin ang tigdas. Magpabakuna para sa Ligtas Tigdas! 💙💛

06/08/2026

Health & Nutrition. 🫡🫡🫡

06/08/2026

🫡🫡🫡

05/08/2026

MAG-BREASTFEEDING NA!

Alam mo ba kung gaano kahalaga ang unang 6 na buwan sa buhay ni Baby?

May dalawang simpleng hakbang na malaking tulong para sa kalusugan ni Baby.

Alamin ang detalye sa baba.

05/08/2026

Ngayong 𝐍𝐚𝐭𝐢𝐨𝐧𝐚𝐥 𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡, ating isabuhay ang temang “𝐁𝐫𝐞𝐚𝐬𝐭𝐟𝐞𝐞𝐝𝐢𝐧𝐠 𝐟𝐨𝐫 𝐚 𝐒𝐮𝐬𝐭𝐚𝐢𝐧𝐚𝐛𝐥𝐞 𝐒𝐭𝐚𝐫𝐭 𝐢𝐧 𝐋𝐢𝐟𝐞: 𝐒𝐭𝐫𝐞𝐧𝐠𝐭𝐡𝐞𝐧 𝐖𝐡𝐚𝐭 𝐖𝐨𝐫𝐤𝐬.” 🩷

Ipinapaalala nito na ang matagumpay na pagpapasuso ay nakasalalay sa pagpapatibay ng mga napatunayang epektibong programa, polisiya, at suporta upang matiyak ang pinakamainam na kalusugan at nutrisyon ng bawat sanggol. 🤱🏻

Sa 𝐌𝐨𝐭𝐡𝐞𝐫-𝐁𝐚𝐛𝐲 𝐅𝐫𝐢𝐞𝐧𝐝𝐥𝐲 𝐂𝐀𝐋𝐀𝐁𝐀𝐑𝐙𝐎𝐍, bawat yakap at bawat pagpapasuso ay hakbang tungo sa mas malusog na kinabukasan. Sama-sama nating palakasin ang mga gawaing napatunayang epektibo sa pagprotekta, pagtataguyod, at pagsuporta sa breastfeeding—mula sa mga Mother-Baby Friendly health facilities hanggang sa bawat tahanan at komunidad. Sa pamamagitan ng sama-samang pagkilos, mabibigyan natin ang bawat sanggol ng ligtas, malusog, at napapanatiling simula sa buhay, habang sinusuportahan ang bawat ina sa kanilang breastfeeding journey.

04/08/2026

Sa krisis, hindi ka nag-iisa. 💚

Kung ikaw o ang isang mahal sa buhay ay nakararanas ng matinding kalungkutan, labis na pagkabalisa, o mental health crisis, tandaan na may mga taong handang makinig at umalalay sa iyo. Hindi mo kailangang harapin ito nang mag-isa.

📍 Calatagan Rural Health Unit (RHU)
🕗 Lunes–Biyernes (maliban sa mga holiday at mga itinakdang work suspension)
📱 0930 816 8485

Kung kinakailangan ng agarang suporta, maaari ring tumawag sa:

𝗡𝐚𝐭𝐢𝐨𝐧𝐚𝐥 𝗖𝐞𝐧𝐭𝐞𝐫 𝐟𝐨𝐫 𝗠𝐞𝐧𝐭𝐚𝐥 𝗛𝐞𝐚𝐥𝐭𝐡 (𝐍𝐂𝐌𝐇) 𝗖𝗿𝗶𝘀𝗶𝘀 𝗛𝗼𝘁𝗹𝗶𝗻𝗲
📞 Dial 1553 (Lahat ng landline)
📱 0919 057 1553 | 0917 899 8727
🌐 www.ncmhusaptayo.com

Mahalagang paalala:
• Humingi ng tulong kung ang iyong nararamdaman ay nakaaapekto na sa iyong pang-araw-araw na pamumuhay.
• Kung ikaw o ang isang kakilala ay may iniisip na saktan ang sarili o nasa agarang panganib, makipag-ugnayan agad sa mga numerong nasa itaas o magtungo sa pinakamalapit na health facility.

🔒 Ang lahat ng konsultasyon at impormasyong ibabahagi sa Calatagan RHU ay tatratuhing may paggalang at pagiging kumpidensyal (confidentiality), alinsunod sa umiiral na mga batas at patakaran.

Laging tandaan: Normal ang humingi ng tulong. Hindi ito tanda ng kahinaan, kundi ng katapangan. May makikinig. May handang tumulong. May pag-asa.