Lnmfep-Olalia-Kmu

01/05/2026

Matagumpay na nailunsad ng Lakas ng Nagkakaisang Manggagawa ng Fuji Electric Phils. Inc - Olalia-Kmu kasama ang Ebarra Workers Union ang 123 taon na Pandaigdigang Araw ng Manggagawa.

Mula umaga ay naglunsad ng Motorcade at Programa ang mga manggagawa sa ibat ibang lugar sa Calamba -->(Asia 1 Canlubang, Petron Mayapa, DPWH-Mayapa at sa Checkpoint Paciano).

Ito ay nagpatuloy hanggang sa pinaka Main Program sa Crossing Calamba, kasama ang mga manggagawa ng Timog Katagalugan at ibat ibang Sektor.

Hindi alintana ng manggagawa ang init ng panahon upang maisagawa ang programa, at mairehistro sa estado ang galit at disgusto sa kasalukuyang kinakaharap na krisis ng bansa. --> (Korapsyon, pagtaas ng presyo ng produktong petrolyo at pangunahing bilihin, pagtanggal ng VAT sa langis, pagkundina sa pamamaslang sa mga Lider manggagawa, ATBP).

Kaya tagumpay ang araw na ito na nailunsad ang isa na namang Makasaysayang Araw ng Mayo Uno.

Maraming salamat sa lahat ng mga manggagawa na dumalo at nakiisa sa Araw nating mga Manggagawa.

Tuloy tuloy lang ang laban.
Makibaka, wag matakot! ✊🏼✊🏼✊🏼

25/04/2026

MGA MANGGAGAWA, MGA KABABAYAN SA TK!

Anim na araw na lang, Mayo Uno na!

Busy na busy ang mga manggagawa at mamamayan sa paghahanda upang ipakita ang ating lakas at nagkakaisang hanay para ipaglaban ang ating sahod, trabaho, at karapatan kasama ang pagwawakas sa gerang agresyon ng US at katiwalian sa pamahalaan.

Tara sumama tayo sa mga workshops at paghahanda, lalo na sa Mayo Uno 2026.

📅 MAYO UNO
🕑 2:00 PM
📍 Crossing, Calamba

28/03/2026

Matagumpay na nairaos kanina ang ika 5-taong anibersaryo ng brutal na pagkakapaslang kay Pangulong Dandy Miguel.

Siya ay pinaslang noong Marso 28, 2021 sa Asia 1 sa Canlubang Laguna, habang siya ay papauwi sa kanilang tahanan, galing sa pagawaan.

Si Pang Dandy ay kilala bilang matulungin at walang ibang hinangad kundi ang maging maayos ang kalagayan ng mga manggagawa hindi lang sa kanyang Lokal kundi pati na rin sa mga manggagawa sa Timog-Katagalugan.

5 taon na ang nakakalipas, hindi pa din nakakamit ang hustisya. Maaga mang kinitil ang kanyang buhay ng mga berdugo, libu-libo naman ang nakakaalam na siya ay tunay na bayani at martir ng kilusang paggawa. Buhay lamang ni Pang Dandy ang nawala, marami pa din ang magpapatuloy ng mga naiwan niyang pinaglalaban.
Hanggang sa huling sandali ng kanyang buhay, suot nya ang damit na p**a ng siya ay mapaslang, bitbit ang panawagan "Sahod, Trabaho, Karapatan, Ipaglaban"

Taas kamao kaming nagpupugay sa iyong kadakilaan at kabayanihan Pang.Dandy, hindi matatawaran ang iyong husay at tapang. Patuloy naming hahanapin ang hustisya para sayo.

Pang Dandy, isa kang bayani at Martir ng Sambayanang Pilipino ✊🏼✊🏼✊🏼

Hustisya para kay Pangulong Dandy Miguel!
Hustisya sa lahat ng biktima ng EJK!
Makibaka, Wag Matakot!

17/07/2025

Nagsagawa ang mga manggagawa ng Unyon ng Lakas ng Nagkakaisang Manggagawa ng Fuji Elelectric Phils-OLALIA-KMU nang sama samang pagkilos na matatagpuan sa Carmelray Industrial Park I sa anyo ng symposium at noise barrage sa loob ng pagawaan kaninang umaga upang kondenahin ang kapitalista sa pambabarat sa nagaganap na CBA Negotiation. Muling pinatunayan ng mga manggagawa batay narin sa aral at karanasan na ang kapitalista ay hindi kusang magbibigay kung hindi ito lalapatan ng pagkilos at pagkakaisa. Ang sama samang pagkilos lamang ang ating sandata upang itulak ang kapitalista na ibigay ang nararapat para sa mga manggagawa na nakabubuhay na sahod at mga benepisyo. Kaya naman ngayong araw, july 17, 2025 ay tuluyan nang nagtapos ang CBA negosasyon ganap na 9:45 ng umaga at napagtagumpayan ng mga manggagawa ang dagdag Sahod na 50 pesos at Seniority pay sa taong 2025, 50 pesos sa taong 2026 at 50pesos sa taong 2027,at Ilan pang mga Mayor na benepisyo kagaya ng bigas, meal allowance, leaves benefits at iba pang mahahalagang benepisyo. Isang malaking tagumpay ito sa hanay ng mga manggagawa sa CIP 1 na tanging nag iisang tunay na unyon sa engklabo, inabot na unyon ang 5 serye ng negosasyon simula ng taong 2014 hanggang kasalukuyan.
Tampok sa tagumpay ng Unyon ng Lakas ng Nagkakaisang Manggagawa ng Fuji Electric Phils. – Olalia KMU ang pag-giit ng bagong probisyon na Seniority Pay ngayong 2025. Ito ay napakahalaga sa manggagawa bilang pagkilala sa tagal na taon ng kanilang serbisyo na ang puhunan ay ang kanilang dugo at pawis. Ito ang bunga ng sama-samang pagkilos ng mga mangagawa - ang mapagtagumpayan ang malusog at makabuluhang CBA! Isang taas kamaong pagpupugay sa Lahat ng mangagawa at sa Unyon ng Lakas ng Nagkakaisang Manggagawa ng Fuji Elelectric Phils-OLALIA-KMU

MABUHAY ANG URING MANGGAGAWA!

SAHOD, TRABAHO, AT KARAPATAN IPAGLABAN!

28/03/2025

IKA-APAT NA TAON INHUSTISYA KAY PANGULO DANDY MIGUEL, KATARUNGAN ANG SIGAW NG MAMAMAYAN AT MANGGAGAWA!
Apat na taon umaalingawngaw ang galit at paghahanap ng hustisya sa pagkakapaslang kay Pang. Dandy Miguel nuong Marso 28, 2021 sa bayan ng Calamba Laguna, isa lang si Pang Dandy sa libong mga mamamayan at mga lider manggagawa ang pinaslang sa panahon ng panunungkulan ni Rodrigo Duterte kasama na rin sila Manny Asuncion at iba pang biktima ng Bloody Sunday Masaccre (BSM). Bala sa katawan ang pinakawalan ng mga berdugo naghaharing uri, sa mga nag-oorganisa sa mamamayan at manggagawa upang ipaglaban ang kanilang karapatan, nakabubuhay na sahod at serbisyong panlipunan. Kung ating matatandaan nung panahon ng pandemya ay tuloy tuloy ang paniniktik/surbeylans at panghaharas ng NTF-ELCAC sa hanay ng mga lider manggagawa at pilit na pinapasuko at mag disaffiliate sa OLALIA-KMU, isa si Pang Dandy sa mga tumindig at nakibaka upang kondenahin ang pananakot ng NTF-ELCAC, AFP at PNP.

SINO SI PANGULO DANDY MIGUEL?

Si Dandy ang vice-chairperson ng Pagkakaisa ng Manggagawa sa Timog Katagalugan (PAMANTIK-KMU) na halos apat na dekada nang ipinaglalaban ang karapatan ng mga manggagawa sa Timog Katagalugan bago siya paslangin. Siya rin ang presidente ng lokal na unyong Lakas ng Nagkakaisang Manggagawa ng Fuji Electric Philippines-OLALIA-KMU' at miyembro ng national council ng Kilusang Mayo Uno kung saan isa sa kanilang mga napagtagumpayan ay ang Collective Bargaining Agreement na nakatulong maitaas ang sahod ng mga manggagawa mula sa Fuji Electric. Bitbit ni Pang. Dandy ang mga panawagan na benepisyo para sa mga manggagawa, minimum wage increase, at pagwakas ng kontraktwalisasyon.
MANGGAGAWA KUMILOS AT MAGKAISA!
Batid natin ang papatindi pang kalagayan ng mga manggagawa sa Timog Katagalugan, at anumang pagsisikap natin para baguhin ang ating kalagayan ay isang hakbang para sa pagbabago ng pangkabuuang kalagayan upang isulong ang nakabubuhay na sahod, karapatan mag unyon at kaseguraduhan sa trabaho.
Dito natin mababatid ang ating napakalaking tungkuling pamunuan ang paglaban: hindi lamang para sa ating mga sarili, kundi para sa ating mga pamilya, komunidad, kapwa manggagawa at sa buong sambayanang Pilipino.

Sa nakaraang mga taon, naging saksi at kabahagi tayo ng mga panimulang tagumpay sa ating laban. Sa ating pagkapilay sa mga inutang na dugo ng Estado, patuloy na bumabangon, ang mga manggagawa upang magbuo ng mga samahan at unyong magtataguyod ng kanilang kagalingan. Tumitindig parin ang mga manggagawa ng Fuji-Electric Philippines sa pagtataguyod ng kanilang Unyon at magsilbi sa kanilang kasapian, sa panahong ng takot at pangamba ay nabigwasan ang mga atake ng NTF-ELCAC, AFP, PNP at kapitalista sa ating karapatan at kabuhayan.
Ngunit hindi dapat dito matapos ang ating laban. Kailangan nating palawakin pa ang ating hanay, at kailangan nating palakasin ang ating panawagan. Pakilusin natin ang lahat ng ating makakaya paras manindigan sa ating kahilingan: sahod, trabaho, kabuhayan, karapatan at katarungan sa lahat ng mga mamamayan at lider manggagawa na pinaslang! Hustisya kay Dandy Miguel!

21/03/2025

DANDY MIGUEL
BAYANI NG URING MANGAGAWA AT MASANG ANAKPAWIS

21/03/2025

Workers Of The World Unite

22/10/2023

07/10/2023

Galit ka sa kanila, silang nasa kalsada't nagsisigaw, tinatawag mong aktibista.

Sila, ang mga nasa kalsada't nagsisigaw, tinatawag mong salot ng bansa, ay ang dahilan kung bakit natatamasa natin ang ilan sa mga karapatan at benepisyong mayroon tayo.

Sila, ang mga nasa kalsada't nagsisigaw, tinatawag mong mga walang pinag-aralan, ay ang mga taong kumakalampag para ipanawagan ang libreng edukasyon para sa lahat.

Sila, ang mga nasa kalsada't nagsisigaw, tinatawag mong tamad at panay reklamo, ay kabilang sa magsasaka at manggagawa, estudyante't empleyado, na nakitang ginigisa tayo sa sarili nating mantika ng lipunang ating ginagalawan.

Sila, ang mga nasa kalsada't nagsisigaw, tinatawag mong maiingay at puro sigaw, ay ang boses ng mga walang tinig, ng mga mahihina, ng mga pinaslang, ng mga inapi, ng mga inabuso, ng mga dinukot, ng mga tinurtyor, ng mga bakwit, ng mga katutubo, ng mga magsasaka, ng manggagawa, ng mga empleyado, ng malamang sa malamang ay kinabibilangan mo.

Wala silang sinisingil sa inyo kundi pakikiisa at pag-unawa.

Sa susunod ninyong pagkikita, sana samahan mo siyang sumigaw at humawak ng plakard.