Kasandigan ng Kabataan - Palo Alto Chapter

25/07/2024

PAGBUBUKAS NG BRIGADA ESKWELA 2024, SINALUBONG NG PAGTUTULUNGAN!

TINGNAN | KK PALO ALTO AT KK LAGUERTA, MULING NAGSANIB P’WERSA SA PAGTULONG!

Nakiisa ang KK Palo Alto at KK Laguerta sa unang araw ng Brigada Eskwela 2024 na ginanap sa Palo Alto Integrated School sa pangunguna nina Pang. Clarenz Carl Platon, KK Palo Alto President at Pang. Jan Herante Comia, KK Laguerta President noong ika-22 ng Hulyo.

Ito ay dinaluhan din ng Palo Alto Brgy. Captain, Kap. Nelson C. Unico na nagbigay ng inspirational message at pagsuporta sa PAIS.

Patuloy tayong tutulong, patuloy tayong magyayabong, at patuloy tayong susulong!






via Clarenz Carl Platon, KK Palo Alto Chapter

21/07/2024

TINGNAN | KK PALO ALTO AT KK LAGUERTA, NAGSANIB P’WERSA SA PAGTULONG!

Nag-pack ng apat na raang (400) learning kits ang KK Palo Alto at KK Laguerta sa pangunguna nina Pang. Clarenz Carl Platon, KK Palo Alto President; Thanica Amor Tolentino, KK Palo Alto Adviser; Latifah Mae Ramos, KK Palo Alto Vice President; at Pang. Jan Herante Comia, KK Laguerta President. Ginanap ito sa Palo Alto Integrated School noong Hulyo 17 ng hapon.

Layunin nitong makatulong sa mabilis na pamimigay ng mga learning kits sa mga mag-aaral ng PAIS na siguradong malaking tulong sa darating na pasukan.

Kilos para sa mga pag-asa ng bayan!






via Clarenz Carl Platon, KK Palo Alto Chapter

21/07/2024

TINGNAN | KASANDIGAN AY SUPORTADO, KAPITAN NA MAY PUSO PARA SA TAO!

Tagumpay na nagkaroon ng magandang simula ang Kasandigan ng Kabataan (KK) Palo Alto Chapter at Barangay Palo Alto sa pamamagitan ng pagkakaroon ng pagpupulong at pagpirma ng partnership contract ng bawat panig noong Hulyo 17 ng umaga.

Pinangunahan ang pagpupulong na ito nina Pang. Clarenz Carl Platon, KK Palo Alto President; Thanica Amor Tolentino, KK Palo Alto Adviser; at Latifah Mae Ramos, KK Palo Alto Vice President kasama rito ang butihing Barangay Captain, Hon. Nelson C. Unico, at ilan pang mga miyembro ng KK Palo Alto.

Sa pagpupulong na ito ay mariing ipinadama ni Kap. Unico ang kaniyang malasakit sa kaniyang nasasakupan at buong pusong tutulong para sa ikakabuti ng Brgy. Palo Alto.

Ang suportang ito ay gagamitin ng KK Palo Alto na motibasyon para mas makatulong, mas magyabong, at mas maging boses para sa Inang Bayan!






via Clarenz Carl Platon, KK Palo Alto Chapter

20/07/2024

PAGKAKAISA NG KASANDIGAN, HANDOG PARA SA BAWAT KABATAAN

TINGNAN | KAUNA-UNAHANG PARTNERSHIP CONTRACT SIGNING: KK PALO ALTO AT PAIS

Noong Hulyo 16 ay nagkaroon ng isang masinsinang usapan sa pagitan ng Kasandigan ng Kabataan (KK) Palo Alto Chapter at ng Palo Alto Integrated School (PAIS) para masimulan ang magandang ugnayan. Ito ay sa pangunguna ni Pang. Clarenz Carl Platon, KK Palo Alto President, kasama sina; VP Latifah Mae Ramos, KK Palo Alto Vice President; Pang. Ralph Tapia, KK Calamba City President; Hon. Prince Cedrick Sanji, KK Co-founder, Gg. Mark Franz Nacu, PAIS Barkada Kontra Droga (BKD) Adviser; at punongguro ng PAIS na si Gng. Marites M. Precilla.

Napag-usapan sa pagpupulong na ito ang iba't ibang mga plano at adbokasiya ng KK Palo Alto Chapter para sa mga kabataan sa loob ng PAIS.

Ito ay isang oportunidad para mas maabot ng KK Palo Alto ang mga kabataan sa Brgy. Palo Alto na tiyak na mga pag-asa ng bayan!






via Latifah Mae Ramos, KK Palo Alto Chapter

20/07/2024

TINGNAN | BAGONG SIMULA PARA SA BAGONG KASANDIGAN, PATULOY NA KINIKILUSAN

Nagkaroon ng pagpupulong noong Hulyo 15 ang Kasandigan ng Kabataan (KK) Palo Alto Chapter sa pangunguna ni Pang. Clarenz Carl Platon, KK Palo Alto President, kasama ang kaniyang Bise Presidente na si Latifah Mae Ramos, at ang kanilang bagong layout artist na si Mc Kenzy Ventura.

Patungkol ang pagpupulong na ito sa panibagong hakbang patungo sa kanilang rebranding at sa pagsisimula ng kanilang mga planong partnership sa pamamagitan ng pagsasagawa ng PowerPoint Presentation (PPT) na nagpapakilala sa KK Palo Alto Chapter at sa mga programang nailunsad nito.

Patuloy ang bagong KK Palo Alto Chapter na pandayin ang kanilang nasimulan sa tuloy-tuloy na pagkilos para sa bayan. Ito ay maliit na hakbang tungo sa malayong paroroonan!






via Latifah Mae Ramos, KK Palo Alto Chapter

12/07/2024

TINGNAN | NEWLY APPOINTED PRESIDENT NG KK PALO ALTO, NAGSAGAWA NG PAGPUPULONG!

Noong ika-10 ng Hulyo, Miyerkules ng hapon ay nagsagawa ng pagpupulong ang bagong itinalagang Presidente ng Kasandigan ng Kabataan Palo Alto Chapter noong Hulyo 08 na si Pang. Clarenz Carl Platon, kasama ang kaniyang Bise Presidente, Latifah Mae Ramos at ilang miyembro nito na sina Justine Harold Antonio at Frix Real.

Pinag-usapan dito ang mga iba’t ibang proyekto, aktibidad, at mga plano na inihanda para sa buwan ng Hulyo. Kasama rito ang Brigada Eskwela na gaganapin sa darating na Hulyo 22.

16/06/2024

TUMULONG SA MGA NANGANGAILANGAN, 'YAN ANG KASANDIGAN!

16/06/2024

🥳

24/05/2024

MALAPIT NA! ✊🏻

TATANGLAW NA.

Ningas at liwanag — iyan ang dalawang bagay na taglay ng isang lampara.

Gayundin ang Kasandigan ng Kabataan (KK), dala ang liwanag sa dilim at ningas ng mapagserbisyong pag-ibig.

Tunghayan ang pagtanglaw ng mga Kasandigan sa KKY2 na may temang ‘Strengthening Leadership Through Partnership’ sa darating na Hunyo 7 hanggang 9, Brgy. Hornalan, Calamba City.

06/05/2024

PAGPUPUGAY SA KASANDIGAN NG KABATAAN PALO ALTO CHAPTER!

KK PALO ALTO CHAPTER, NANGUNGUNA SA TOP PERFORMING KK CHAPTERS!

Iginawad sa KK Palo Alto Chapter ang Rank 1 sa Top Performing Chapters ng Kasandigan ng Kabataan sa buwan ng Abril 2024!

Balik-tanaw sa mga nagawang aktibidad:

1. (2) Clean-up Drive
2. Approved, Rebranding of KK Palo Alto Chapter
3. Rebranding of KK Palo Alto Page
4. Rules and Regulations, Proposal
5. Established the 1st Committee, Public Relations

Maasahan ninyong patuloy na kikilos ang KK Palo Alto para sa Inang Bayan!






via Clarenz Carl Platon, KK Palo Alto Chapter

01/05/2024

ISANG MALINIS NA PALO ALTO,
KASANDIGAN SA PAGBABAGO!

TINGNAN | IKALAWANG CLEAN-UP DRIVE NG KK PALO ALTO, NAGANAP NA.

Sa pangunguna ni Pang. Thanica Amor Tolentino, KK Chapter President, isinagawa ang pangalawang clean-up drive ng KK Palo Alto, ngayong araw, Mayo 1.

Ginanap ito sa San Vicente Ferrer Chapel na matatagpuan sa Hacienda Hill Subdivision Court, Brgy. Palo Alto. Kasama sa aktibidad na ito si Jorizel Louisse Matanguihan, pinuno ng Brgy. Punong Verdé—isang grupo ng mag-aaral mula sa University of the Philippines – Open University, at ilang volunteer.

Pasasalamat sa mga masisipag at tumutulong ng walang hinihintay na kapalit, mga pag-asa ng bayan!






Caption courtesy of Clarenz Carl Platon, KK Palo Alto Chapter
Photo courtesy of Merele Olarte

01/05/2024

PAGPUPUGAY SA MGA MANGGAGAWANG MARANGAL!

Ngayong Mayo Uno, idinaraos ang regular holiday na Labor Day o Araw ng mga Manggagawa bilang isang mahalagang pagdiriwang sa Pilipinas na nagbibigay-pugay sa mga kontribusyon ng mga manggagawa sa pag-unlad ng bansa.

Ngayong araw, kinikilala ang sipag, dedikasyon, at sakripisyo ng mga Pilipinong manggagawa! Ginaganap din ang iba't ibang aktibidad gaya ng mga parada, rally, at pagtitipon upang ipagdiwang ang lakas-paggawa at magbalik-tanaw sa kahalagahan ng karapatan ng mga manggagawa, makatarungang sahod, maayos na kondisyon sa trabaho, at kapakanan ng mga manggagawa.

Patuloy nating itaguyod ang mga prinsipyo ng pagkakaisa, pagkakabuklod, at pagsusulong sa lakas-paggawa!






Caption courtesy of Clarenz Carl Platon, KK Palo Alto Chapter
Layout courtesy of Jorizel Louisse Matanguihan, KK Palo Alto Chapter