26/08/2024
Ang buong Kawanihan ng Pamatay Sunog ay nakikiisa sa selebrasyon ng Araw ng mga Bayani at sa lahat ng makabagong bayani na patuloy lumalaban sa hamon ng buhay.
Ang Araw ng mga Pambansang Bayani ay hango sa Batas Pambansa Bilang 3827 na ipinasa ng Pambansang Lehislatura noong ika-28 ng Oktubre, taong 1931.
Sa kasaysayan, maraming mga bayani ang nagtangkang ipaglaban ang bansa ayon sa kanilang nalalamang kakayahan. Isa sa mga pinakapopular ay si Dr. Jose Rizal. Siya ay idineklara ng mga Amerikano sa pangunguna ni Gobernador William Howard Taft bilang pambansang bayani. Ilan pa sa mga sikat na bayani ay sina Andres Bonifacio, Apolinario Mabini, Magat Salamat, Diego Silang, Francisco Dagohoy, Lapu-lapu, Rajah Soliman at Tamblot.
Bukod sa kanila, binibigyang karangalan din ang mga lumaban sa ngalan ng kalayaan ng Pilipinas ngunit hindi gaanong nakilala sa kasaysayan tulad nina Amam Dangat ng Batanes noong ika-18 siglo. Kasama na rin dito si Datu Akadir na siyang nakipaglaban sa mga Espanyol dahil sa pananakop sa Lanao noong huling 19 siglo at si Diego de la Viña na siyang nagbuo ng kanyang sariling hukbo sa Negros Oriental upang labanan ang mga Espanyol.
MALIGAYANG ARAW NG MGA BAYANI!
