28/06/2026
COMMUNITY NEWS UPDATE:
Bandang 9:57 ng umaga noong June 27, 2026, dulot ng malakas na hangin, natumba ang isang puno ng mangga sa park na matatagpuan sa Austine St.
Sa tulong ng isang residente na agad nagpadala ng ulat sa Messenger, mabilis na naiparating ang insidente sa ating Security Team. Wala namang naitalang malaking pinsala sa paligid maliban sa isang poste na may CCTV camera at bahagi ng bakod ng park.
Sa isinagawang inspeksyon, napag-alaman na ang puno ng mangga ay wala na palang laman sa gitnang bahagi ng katawan (trunk), na pinaniniwalaang naging dahilan kung bakit ito bumigay sa lakas ng hangin.
Sa pangunguna ng ating BOD Officers, katuwang ang OIC Security at Maintenance Team, agad na naisagawa ang pagresponde at pag-secure sa lugar. Naglagay rin ng paalala upang maiwasan ang paglapit ng mga residente habang hindi pa ganap na ligtas ang lugar.
Kung may mapansin po kayong katulad na insidente o anumang panganib sa inyong lugar, mangyari lamang na agad itong ipagbigay-alam sa Admin Office o sa ating Security Personnel upang agad itong maaksyunan.
Hinihikayat din po ang lahat na iwasan muna ang lugar hanggang sa ito ay tuluyang ma-clear at ideklarang ligtas.
Maraming salamat sa inyong pakikiisa at patuloy na pag-iingat.
ORHOA
