https://www.facebook.com/152240104631184/

LAkBay - Lipong Aakay sa Bayan, Rodolfo Neri Pelaez Campus, Carmen, Cagayan de Oro (2026)

26/04/2026

𝐏𝐀𝐃𝐀𝐘𝐎𝐍 𝐒𝐀 𝐏𝐀𝐆-𝐀𝐊𝐀𝐘 𝐏𝐀𝐑𝐀 𝐒𝐀 𝐁𝐀𝐘𝐀𝐍, 𝐌𝐆𝐀 𝐊𝐀-𝐋𝐈𝐏𝐎𝐍!

Ang LAkBay - Lipong Aakay sa Bayan ay buong pagmamalaking ipinagdiriwang ang mga nagtapos nitong opisyales — mga naging haligi ng paglilingkod, pag-akay, at sama-samang paghubog ng layunin.

Hindi naging madali ang kanilang pagla-LAkBay. May mga sandaling magulo, at may mga pagsubok na humamon sa kanilang kakayahan. Ngunit sa kabila nito, nanatiling buo ang kanilang diwa, ang maglingkod nang may malasakit, mag-akay nang may layunin, at magpatuloy kahit hindi perpekto ang landas.

Ngayon, sa pagwawakas ng inyong panunungkulan, bitbit ninyo hindi lang ang mga karanasan kung hindi maging ang isang diwang hinubog ng sakripisyo, pagkakamali, at pagkatuto.

𝐏𝐚𝐝𝐚𝐲𝐨𝐧, 𝐋𝐀𝐤𝐁𝐚𝐲.
𝐏𝐚𝐝𝐚𝐲𝐨𝐧 𝐬𝐚 𝐏𝐚𝐠-𝐋𝐀𝐤𝐁𝐚𝐲.
𝐃𝐚𝐥𝐡𝐢𝐧 𝐧𝐢𝐧𝐲𝐨 𝐚𝐧𝐠 𝐝𝐢𝐰𝐚 𝐧𝐠 𝐩𝐚𝐠𝐥𝐢𝐥𝐢𝐧𝐠𝐤𝐨𝐝 𝐬𝐚𝐚𝐧 𝐦𝐚𝐧 𝐦𝐚𝐩𝐮𝐧𝐭𝐚. 𝐌𝐮𝐥𝐚 𝐬𝐚 𝐏𝐮𝐬𝐨, 𝐩𝐚𝐫𝐚 𝐬𝐚 𝐁𝐚𝐲𝐚𝐧 — 𝐍𝐠𝐚𝐲𝐨𝐧, 𝐁𝐮𝐤𝐚𝐬, 𝐚𝐭 𝐌𝐚𝐠𝐩𝐚𝐤𝐚𝐢𝐥𝐚𝐧𝐦𝐚𝐧. 💛

27/01/2026

𝐈𝐒𝐀𝐍𝐆 𝐀𝐑𝐀𝐖 𝐍𝐆 𝐏𝐀𝐆𝐊𝐀𝐓𝐔𝐓𝐎, 𝐋𝐀𝐊𝐀𝐒, 𝐀𝐓 𝐒𝐀𝐘𝐀 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐆𝐈𝐆𝐈𝐍𝐆 𝐁𝐀𝐇𝐀𝐆𝐈 𝐍𝐆 𝐋𝐈𝐏𝐎𝐍!

Nagsagawa ang Liceo de Cagayan University ng Career Guidance Activity para sa mga Grade 10 students na nagmula sa iba’t ibang paaralan. Naghanda ang LAkBay ng masasayang palaro na naglalayong gabayan ang mga Grade 10 students sa kanilang pagpili ng landas sa hinaharap, habang pinapalakas ang samahan at pagtutulungan sa bagong kapaligiran.

Sa pamamagitan ng mga palaro, naipakita sa mga G10 students ang kahalagahan ng pagsubok ng sarili, pagtuklas ng kakayahan, at pagtutulungan — mga prinsipyong kaakibat ng diwa ng LAkBay. Ang buong araw ay naging pagkakataon para sa bawat mag-aaral na magsaya, makakilala ng mga bagong kaibigan, at maranasan ang saya ng pagiging Ka-Lipon ng Liceo.

27/01/2026

𝐈𝐒𝐀𝐍𝐆 𝐀𝐑𝐀𝐖 𝐏𝐔𝐍𝐎 𝐍𝐆 𝐍𝐆𝐈𝐓𝐈, 𝐊𝐖𝐄𝐍𝐓𝐎, 𝐀𝐓 𝐒𝐀𝐌𝐀-𝐒𝐀𝐌𝐀𝐍𝐆 𝐓𝐀𝐆𝐔𝐌𝐏𝐀𝐘.

Ganito inilarawan ang LAkBayanihan 2026, kung saan nagtipon ang bawat Ka-Lipon upang ipagdiwang ang pagkakaisa, pagtutulungan, at iisang pangarap. Mula sa pagbubukas ng programa hanggang sa huling sandali, ramdam ang enerhiya at sigla ng bawat kalahok — ang bawat halakhak, palakpak, at kwento ay nagpatibay sa diwa ng bayanihan na siyang puso ng Lipong Aakay sa Bayan.

Matagumpay na isinagawa ng LAkBay – Lipong Aakay sa Bayan ang kanilang General Assembly na may temang “Isang Panibagong LAkBay, Isang Sama-samang Tagumpay” noong Enero 23, sa RNP AVR. Sa pamamagitan ng mga aktibidad, diskusyon, at pakikilahok, mas naipakita ang kahalagahan ng pagkakaisa at ang papel ng bawat Ka-Lipon sa pagtupad ng iisang layunin. Ang bawat sandali ay naging oportunidad upang palakasin ang samahan, linangin ang kakayahan, at pagtibayin ang dedikasyon para sa bayan.

Sa pagtatapos ng araw, ang LAkBayanihan ay hindi lamang isang matagumpay na pagtitipon — ito ay isang paalala na ang tunay na tagumpay ay hindi nagmumula sa isa lamang, kundi sa sama-samang pagkilos, malasakit, at pangarap. Ang karanasang ito ay nagsilbing gabay at inspirasyon sa bawat Ka-Lipon upang patuloy na maglakbay, maglingkod, at magsikap para sa mas makabuluhang bukas.

22/01/2026

𝐁𝐚𝐧𝐲𝐮𝐡𝐚𝐲! 🇵🇭

Mga Ka-Lipon, opisyal nang bubuksan ang pintuan para sa LAkBayanihan 2026 sa temang "Isang Panibagong LAkBay, Isang Sama-Samang Tagumpay!"

Ang LAkBayanihan ay hindi lamang simpleng paglalakbay—ito ay sama-samang pagkilos na nagpapatunay na ang tunay na tagumpay ay nabubuo kapag tayo ay nagkakaisa, nagbabahagi ng iisang pangarap, at nagtutulungan upang maabot ang ating mithiin.

Magaganap ito bukas, Enero 23, 2026, mula 7:30 ng umaga hanggang 12:00 ng hapon sa AVR 1, RNP Campus. Magkita-kita tayo roon, mga Ka-Lipon!

Salita ni Allan Sonza
Disenyo ni Fretzel Rei Lumba

20/01/2026

𝐓𝐚𝐭𝐥𝐨𝐧𝐠 (𝟑) 𝐚𝐫𝐚𝐰 na lamang bago tuluyang magsimula ang LAkBayanihan — isang panibagong yugto ng paglaLAkBay. Sa bawat hakbang, dala natin ang mga aral ng nakaraan at ang tapang na harapin ang mga hamon sa kinabukasan.

Ang LAkBayanihan ay hindi lamang isang simpleng lakbay, kundi isang sama-samang pagkilos. Ito ay patunay na ang tunay na tagumpay ay nabubuo kapag nagkakaisa, nagbabahagi ng pangarap, at nagtutulungan upang maabot ang iisang mithiin.

Sa nalalapit na pagsisimula, binubuksan natin ang mga pintuan ng pagbabago at paglago. Sa loob ng tatlong araw, sisimulan natin ang isang paglalakbay na hindi lang mag-iiwan ng alaala, kundi maghuhubog ng mas matibay at mas makabuluhang samahan.

Salita at Disenyo ni Gian Paderanga

08/01/2026

𝐁𝐚𝐧𝐲𝐮𝐡𝐚𝐲!

Ipinaaalam po namin sa lahat na 𝐡𝐢𝐧𝐝𝐢 𝐦𝐚𝐭𝐮𝐭𝐮𝐥𝐨𝐲 𝐚𝐧𝐠 𝐋𝐀𝐤𝐁𝐚𝐲𝐚𝐧𝐢𝐡𝐚𝐧 𝟐𝟎𝟐𝟔 𝐧𝐚 𝐧𝐚𝐤𝐚𝐭𝐚𝐤𝐝𝐚 𝐬𝐚𝐧𝐚 𝐛𝐮𝐤𝐚𝐬, 𝐄𝐧𝐞𝐫𝐨 𝟗. Alinsunod sa opisyal na Abiso na ipinalabas ng Liceo de Cagayan University.

Ito ay bunsod ng deklarasyon ng 𝐒𝐩𝐞𝐜𝐢𝐚𝐥 𝐍𝐨𝐧-𝐖𝐨𝐫𝐤𝐢𝐧𝐠 𝐇𝐨𝐥𝐢𝐝𝐚𝐲 sa Lalawigan ng Misamis Oriental kaugnay ng 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝟏𝟑𝐭𝐡 𝐊𝐮𝐲𝐚𝐦𝐢𝐬 𝐅𝐞𝐬𝐭𝐢𝐯𝐚𝐥, kung saan suspendido ang lahat ng klase at opisina ng pamantasan.

Ngunit huwag malungkot — sapagkat ang pagbabagong ito ay nagbubukas ng mas malawak na pagkakataon upang mas maging makulay at makahulugan ang ating pagsasama.

𝐒𝐚 𝐦𝐠𝐚 𝐬𝐮𝐬𝐮𝐧𝐨𝐝 𝐧𝐚 𝐚𝐫𝐚𝐰, muling magbubukas ang pintuan ng 𝐏𝐚𝐧𝐠𝐤𝐚𝐥𝐚𝐡𝐚𝐭𝐚𝐧𝐠 𝐏𝐚𝐠𝐩𝐮𝐩𝐮𝐥𝐨𝐧𝐠 𝐧𝐠 𝐋𝐢𝐩𝐨𝐧𝐠 𝐀𝐚𝐤𝐚𝐲 𝐬𝐚 𝐁𝐚𝐲𝐚𝐧 — isang pagtitipon na puno ng Pagkakaisa, Inspirasyon, Pag-asa, at Bayanihan.

✨ Kaya’t ihanda ang inyong sarili, ang inyong oras, lakas, sigasig, at puso.

𝐌𝐚𝐤𝐢𝐋𝐀𝐤𝐁𝐚𝐲. 𝐌𝐚𝐤𝐢𝐛𝐚𝐡𝐚𝐠𝐢. 𝐌𝐚𝐤𝐢𝐢𝐬𝐚.
Sa LAkBayanihan, bawat hakbang ay kwento. Bawat kwento ay lakas. At bawat lakas ay para sa komunidad.

31/12/2025

𝙈𝙖𝙞𝙣𝙜𝙖𝙮 𝙢𝙖𝙣 𝙤 𝙥𝙖𝙮𝙖𝙥𝙖, 𝙥𝙖𝙩𝙪𝙡𝙤𝙮 𝙥𝙖 𝙧𝙞𝙣 𝙖𝙣𝙜 𝙡𝙞𝙬𝙖𝙣𝙖𝙜 𝙨𝙖 𝙥𝙖𝙜𝙥𝙖𝙨𝙤𝙠 𝙣𝙜 𝘽𝙖𝙜𝙤𝙣𝙜 𝙏𝙖𝙤𝙣 ✨

Higit pa sa salu-salo at sa mga paputok, ang Bagong Taon ay paalala na may panibagong simula tayong haharapin at patuloy pa rin ang ating paglalakbay.

Sa pagpasok ng bagong taon, nawa’y matuto tayong magpatawad, magpasalamat, at patuloy na mangarap. Hindi man naging perpekto ang mga nagdaang araw, dala natin ang mga aral na magbibigay lakas para magpatuloy.

Nawa’y ang Bagong Taon ay magdala ng kapayapaan sa isip at pag-asa sa bawat hakbang. Sama-sama nating salubungin ang panibagong yugto na may pagmamahal at may liwanag.

𝑴𝒂𝒍𝒊𝒈𝒂𝒚𝒂𝒏𝒈 𝑩𝒂𝒈𝒐𝒏𝒈 𝑻𝒂𝒐𝒏 𝒔𝒂 𝒂𝒕𝒊𝒏𝒈 𝒍𝒂𝒉𝒂𝒕. 🎆

Salita ni Ashley Maputol
Disenyo ni Krystel Tabuyo

30/12/2025

"𝐂𝐨𝐧𝐬𝐮𝐦𝐦𝐚𝐭𝐮𝐦 𝐞𝐬𝐭!"—"Nat𝐚𝐩𝐨𝐬 𝐧𝐚!"

Ito ang mga huling salita ni Dr. José Rizal, na sumisimbolo sa kabuuan ng kanyang misyon sa buhay at sa kanyang buong pagtanggap sa kamartiran.

Ngayong araw, ating binabalikan ang makasaysayang buhay at gawa ng ating pambansang bayani. Si Rizal ay isang Pilipinong nasyonalista, manunulat, at polymath na lumaban para sa kalayaan mula sa pananakop ng mga Kastila. Hinatulang may sala sa pagpapahayag ng paghihimagsik dahil sa kanyang mga sulatin na nagbunyag sa pang-aabuso ng pamahalaang Kastila at ng simbahang katoliko, kalaunan ay pinatay siya sa pamamagitan ng pagbaril sa Bagumbayan noong ika-30 ng Disyembre 1896. Ang kanyang kamatayan ay naging ilaw na nag-anyaya sa mga Pilipino na magkaisa laban sa kolonyalismo.

Ngayon, nananatili siyang pinakamataas na simbolo ng ating pagmamalaki bilang bayan, pag-ibig sa bayan, at patuloy na digmaan para sa tunay na kalayaan—na hinihikayat tayo na gawin itong gabay sa ating sariling pakikibaka laban sa mga hamon ng panahon.

Salita ni Peter Sonza
Disenyo ni Mohammedin Kuranding

24/12/2025

“𝐊𝐮𝐦𝐮𝐤𝐮𝐭𝐢𝐤𝐮𝐭𝐢𝐭𝐚𝐩 𝐛𝐮𝐦𝐮𝐛𝐮𝐬𝐢𝐛𝐮𝐬𝐢𝐥𝐚𝐤—𝐆𝐚𝐧𝐲𝐚𝐧 𝐚𝐧𝐠 𝐢𝐧𝐝𝐚𝐤 𝐧𝐠 𝐦𝐠𝐚 𝐛𝐮𝐦𝐛𝐢𝐥𝐲𝐚” 🎄

Higit pa sa kumikislap na mga ilaw at masasayang awitin, ang Pasko ay panahon ng pag-alaala sa pagsilang ni Hesukristo—ang tunay na liwanag na nagbibigay saysay sa lahat. Sa gitna ng ingay, handaan, at walang katapusang pagbabatian, pinaaalala sa atin ng araw na ito ang pag-ibig, pag-asa, at kagalakang nagmumula sa Kanya.

Habang tayo’y nagtitipon kasama ang pamilya at mga mahal sa buhay, nawa’y piliin nating huminto sandali, magnilay, at pahalagahan ang mga sandaling tunay na mahalaga. Maging ganap sa kasalukuyan, ipagdiwang ang pagkakaisa, at hayaang ang liwanag ng Pasko ay magningning hindi lamang sa paligid, kundi lalo na sa ating mga puso.

Maligayang Pasko sa ating lahat. Nawa’y mapuno ng kapayapaan, pasasalamat, at wagas na saya ang bawat tahanan. ✨

Salita ni Gian Paderanga
Disenyo ni Fretzel Rei Lumba

04/12/2025

𝐎𝐏𝐈𝐒𝐘𝐀𝐋 𝐍𝐀 𝐀𝐁𝐈𝐒𝐎

Alinsunod sa abisong inilabas ng Tanggapan ng Alkalde kaugnay ng suspensyon ng face-to-face classes sa Basic Education dahil sa paparating na Tropical Depression Wilma.

Ang LAkBayanihan ay pansamantalang ipinagpapaliban upang masiguro ang kaligtasan at kapakanan ng lahat ng miyembro at opisyal ng Lipon. Mangyaring abangan ang karagdagang anunsyo para sa itinakdang bagong petsa ng LAkBayanihan 2025.

Manatiling ligtas at handa, Mga ka-Lipon.

LAkBay - Lipong Aakay sa Bayan

26/04/2026

27/01/2026

27/01/2026

22/01/2026

20/01/2026

08/01/2026

31/12/2025

30/12/2025

24/12/2025

04/12/2025

Address

Website

Alerts

Shortcuts

Share

Category