16/04/2026
DALING TABANG ALANG SA MGA PAMILYANG NABIKTIMA SA SUNOG SA BOUNDARY SA BRGY. KATIPUNAN UG POBLACION 2, VILLANUEVA MISAMIS ORIENTAL
Usa ka subo nga balita ang mitabo kaganiyang sayo sa kadlawon, April 15, 2026, diin usa ka dakong sunog ang miulbo sa boundary sa Brgy. Katipunan ug Brgy. Poblacion 2, Villanueva, Misamis Oriental. Miresulta kini sa pagka-totally damage sa mga panimalay ug mga kabtangan sa 14 ka pamilya.
Isip dinaliang pagtubag sa maong krisis, ang kagamhanang lokal sa LGU-Villanueva ubos sa pagpanguna ni Mayor Atty. Julio T. Uy, daling mitunol og mga relief goods alang sa mga biktima. Ug lakip napod ang relief goods nga hinabang gikan sa buhatan sa DSWD Region X. Kini nga inisyatiba nahimong posible pinaagi sa pakigtambayayong sa MSWDO sa pagpanguna ni Ms. Liuxene Orditor, uban sa kooperasyon sa mga opisyales sa Brgy. Poblacion 2 ug Brgy. Katipunan Villanueva Misamis Oriental.
Atong ipaabot ang atong mga pag-ampo alang sa daling pagbangon sa mga apektadong pamilya. Magpabilin kitang mabinantayon ug magtinabangay isip usa ka komunidad.
