23/06/2023
"Panandalian"
By: Jen Villaluz
Nakakatawang isipin na yung taong pinangarap kong makasama hanggang dulo ay hanggang panandalian lang pala
Panandaliang saya habang kasama ko siya , panandaliang kilig habang binabasa ang mga mensahe na galing sa kanya at panandaliang pagmamahal na naramdaman kong inialay niya
Bakit nga ba laging sa una lang masaya? bakit ba sa tuwing may saya ay may lungkot na kapalit?
Mga katanungan na sa utak ko ay tumatakbo pa rin, mga katanungan na ang hirap hanapan ng sagot.
Pero ayoko rin itanggi na sa panandaliang iyon ako'y iyong napasaya , saya na akala ko'y magtatagal ngunit pansamantala lang pala.
Mga dating ngiti sa labi na ngayon ay hindi na magawa dahil sa iyong iniwang masasakit na alaala
Mga alaalang ang hirap ng burahin pinipilit ko namang ito'y tanggalin pero bakit ba ako nahihirapan na ito'y gawin?
Siguro sa alaalang iyon ako din ay sumaya , kahit panandalian lang diba? Pero salamat pa din sa aral na iyong iniwan , natutunan kong wag basta magtiwala at wag umasa sa mga salitang katulad ng "Hindi kita iiwan"
Dahil ngayon alam ko ng lahat ng bagay ay may katapusan , lahat ng umpisa ay may hangganan at hindi lahat nagtatagal dahil may mga bagay lang na hanggang PANANDALIAN.
