Mapúa MCL Bantay Halalan 2025

Mapúa MCL Bantay Halalan 2025 Bantay ng bayan. Tinig ng katotohanan.

📧: [email protected]

SALAMAT, MAPÚA MALAYANS!Dito na po nagtatapos ang Halalan 2025. Maraming salamat sa bawat boses na tumindig at sa bawat ...
12/05/2025

SALAMAT, MAPÚA MALAYANS!

Dito na po nagtatapos ang Halalan 2025. Maraming salamat sa bawat boses na tumindig at sa bawat boto na itinaya para sa pagbabago. Hindi rito nagtatapos ang ating papel bilang mamamayan, bagkus ay patuloy tayong makikialam, makikinig, at maninindigan.

Para sa bayan. Para sa kinabukasan. Para sa katotohanan.



SAN PEDRO, LAGUNA- Ang kwento o salaysay na nais ipakita ng nagsumite sa larawang ito ay ang implikasyon ng impluwensiya...
12/05/2025

SAN PEDRO, LAGUNA- Ang kwento o salaysay na nais ipakita ng nagsumite sa larawang ito ay ang implikasyon ng impluwensiya ni Jose Rizal sa ating kalayaan bilang Pilipino. Naniniwala siya na ang kalayaan natin ay hindi dapat ginagamit sa basta-bastang pagpili , kundi dapt maging mapanuri sa ating mga desisyon. Bilang mga mamamayan, ito ay dapat nating gawin, lalo na pagdating sa mga mahahalagang kaganapan tulad ng eleksyon.

Dahil nakapag-aral at nagkaroon ng malawak na pag-unawa si Jose Rizal, nabuksan ang kaniyang kamalayan sa pang-aabuso at katiwalian na dinanas ng kaniyang mga kababayan, na siyang ginamit niya upang ipaglaban ang bayan. Ngayon, bilang mga edukadong mamamayan, tungkulin nating maging mapanuri at responsable sa pagpili ng mga pinunong iluluklok sa puwesto, sapagkat sa kanilang mga kamay nakasalalay ang direksyon at kinabukasan ng ating bansa.




SAN PEDRO, LAGUNA — Nagsilbing pagkakataon para sa dagdag na kita ang araw ng halalan para sa mga lokal na food vendor s...
12/05/2025

SAN PEDRO, LAGUNA — Nagsilbing pagkakataon para sa dagdag na kita ang araw ng halalan para sa mga lokal na food vendor sa San Antonio Elementary School, San Pedro, Lalawigan ng Laguna.

Iba’t ibang stalls ang matiyagang naglatag ng kanilang paninda sa paligid ng mga presinto, handang maglingkod sa mga botanteng naghintay sa mahabang pila sa gitna ng mainit na panahon.




SAN PEDRO, LAGUNA – Bukod sa mahabang pila at pabago-bagong panahon ngayong Halalan ng ika-12 ng Mayo sa Barangay Cuyab ...
12/05/2025

SAN PEDRO, LAGUNA – Bukod sa mahabang pila at pabago-bagong panahon ngayong Halalan ng ika-12 ng Mayo sa Barangay Cuyab Public School, mga isyung kakulangan ng sistematikong daloy ng pila at gabay sa senior citizens ay kasalukuyan nilang hinaharap.

Bagama't may mga ganitong isyu, itinatampok pa rin ang kahalagahan ng pagtutulungan ng mga komunidad upang maisaayos ang proseso sa mga sumusunod na halalan.

Bukas ang aming inbox para sa paglalahad ng inyong karanasan hinggil sa eleksyon. Maging mapagmatyag at mapanuri ngayong Eleksyon 2025.




CABUYAO, LAGUNA — Makikita sa larawan ang basang sahig sa covered court ng San Isidro Elementary School na sanhi ng mala...
12/05/2025

CABUYAO, LAGUNA — Makikita sa larawan ang basang sahig sa covered court ng San Isidro Elementary School na sanhi ng malakas na pagbuhos ng ulan kaninang tanghali sa Barangay San Isidro, Cabuyao City, Laguna.

Sa kabila ng pabago-bagong panahon, nakapila pa rin ang mga botante upang gampanan ang kanilang karapatang pumili ng mga pinunong mamumuno sa bayan.

Bukas ang aming inbox para sa paglalahad ng inyong karanasan hinggil sa eleksyon. Maging mapagmatyag at mapanuri ngayong Eleksyon 2025.




CABUYAO, LAGUNA—Isang botanteng ang tinulungan ng dalawang poll watchers habang siya ay nakasakay sa wheelchair upang ma...
12/05/2025

CABUYAO, LAGUNA—Isang botanteng ang tinulungan ng dalawang poll watchers habang siya ay nakasakay sa wheelchair upang makaboto sa Banlic Elementary School bandang alas-10 kaninang umaga.

Sa kabila ng kahinaan ng katawan, hindi niya pinalampas ang pagkakataong bumoto.

Isang simpleng tagpo na nagsilbing paalala na ang tunay na lakas ng demokrasya ay nasa pagkakaisa at malasakit ng bawat isa–para sa masa, mula sa masa, tungo sa masa.

Bukas ang aming inbox para sa paglalahad ng inyong karanasan hinggil sa eleksyon. Maging mapagmatyag at mapanuri ngayong Eleksyon 2025.




12/05/2025

CABUYAO, LAGUNA — Mahabang pila ang tumambad sa mga botante sa Gulod Elementary School ngayong ika-12 ng Mayo. Bahagya mang umulan, mainit pa rin ang lugar na patuloy na dinadagsa ng mga botanteng humahabol.

Tinatayang inaabot ng isang oras ang pipilahin ng bawat botante, ngunit tinitiyak naman ng mga volunteer ang kaayusan at kaligtasan sa lugar.

Bukas ang aming inbox para sa paglalahad ng inyong karanasan hinggil sa eleksyon. Maging mapagmatyag at mapanuri ngayong Eleksyon 2025.




STA. ROSA, LAGUNA - Sa likod ng matagumpay na pagpapatakbo ng bawat halalan ay grupo ng mga masisipag at mapagmalasakit ...
12/05/2025

STA. ROSA, LAGUNA - Sa likod ng matagumpay na pagpapatakbo ng bawat halalan ay grupo ng mga masisipag at mapagmalasakit na poll workers. Gaya na lamang ng kaganapan kanina sa covered court ng Malitlit Elementary School, bandang 8:40 ng umaga: Isang matandang babae ang personal na inalalayan ng isang poll worker matapos mapansing nakapila siya sa hanay ng mga regular na botante.

Ayon sa nagsumite, may kyphosis ang babae. Hindi na niya naabutan pa ang espesyal na pila para sa mga PWD, senior citizen, at buntis, na bukas lamang sa takdang oras. Namataan ito ng isang poll worker na agad naman niyang tinulungang makalipat sa istasyon ng mga prayoridad na indibidwal.

Sinasalamin ng mga pagkakataong ito na bagama’t minsa’y sumasalungat ang mga opinyon at pananaw natin sa isa’t isa, nagtatagpo-tagpo pa rin tayo sa oras ng bayanihan.




CABUYAO, LAGUNA - Tuloy-tuloy ang pagdating ng mga botante sa Banay-banay Elementary School, Cabuyao City, Laguna ngayon...
12/05/2025

CABUYAO, LAGUNA - Tuloy-tuloy ang pagdating ng mga botante sa Banay-banay Elementary School, Cabuyao City, Laguna ngayong tanghali. Kabilang dito ang ilang mga senior at PWD.

Kumpara noong 2022, mas maluwag ang mga clustered precinct dahil na rin sa bagong building ng naturang elementary school. Gayon pa man, may ilan pa ring clustered precincts ang mayroong mahabang mga pila.

Ayon sa ilang poll watchers, mas marami ang tao kaninang umaga at inaasahang mas darami pa mamayang hapon. Nakatulong naman ang pag-ulan sa matinding init ng panahon ngunit nahirapan naman ang mga tao sa pagpila.

Bukas ang aming inbox para sa paglalahad ng inyong karanasan hinggil sa eleksyon. Maging mapagmatyag at mapanuri ngayong Eleksyon 2025.

Ulat ni Jonathan Cabral




STA. ROSA, LAGUNA – Kasama ang SM Sta Rosa at Robinsons Mall Sta. Rosa sa mga partner malls ng Commission on Elections (...
12/05/2025

STA. ROSA, LAGUNA – Kasama ang SM Sta Rosa at Robinsons Mall Sta. Rosa sa mga partner malls ng Commission on Elections (COMELEC) bilang Mall Voting Precincts (MVPs) ngayong ika-12 ng Mayo, kasabay ng pambansa at lokal na eleksyon.

Ayon sa mga botante, mas ligtas at komportable ang proseso ng pagboto sa mall. Isang patunay na posible ang modernisasyon ng halalan sa tulong ng public-private partnerships.

Bukas ang aming inbox para sa paglalahad ng inyong karanasan hinggil sa eleksyon. Maging mapagmatyag at mapanuri ngayong Eleksyon 2025.




STA. ROSA, LAGUNA – Sa kabila ng election silence na ipinapatupad ng COMELEC, namataan ang ilang kabataang namimigay ng ...
12/05/2025

STA. ROSA, LAGUNA – Sa kabila ng election silence na ipinapatupad ng COMELEC, namataan ang ilang kabataang namimigay ng sample ballots at flyers na may pangalan at larawan ng mga kandidato sa Sinalhan Elementary School ngayong ika-12 ng Mayo.

Bagama't pinagsabihan na ng mga pulis na nagbabantay sa lugar, patuloy ang pamimigay ng campaign paraphernalia ang mga kabataan. Paalala ng COMELEC, mahigpit na ipinagbabawal ang pangangampanya mula ika-11 hanggang ika-12 ng Mayo alinsunod sa COMELEC Resolution No. 11085.

Bukas ang aming inbox para sa inyong mga salaysay at obserbasyon. Maging mapagmatyag at mapanuri ngayong Eleksyon 2025.




POOC, SANTA ROSA LAGUNA - Ikinabahala ng marami ang mahaba at mabagal na pila para sa mga priority voters sa Don Jose Za...
12/05/2025

POOC, SANTA ROSA LAGUNA - Ikinabahala ng marami ang mahaba at mabagal na pila para sa mga priority voters sa Don Jose Zavalla Elemantary School kaninang umaga, ika-12 ng Mayo.

Ang mga botanteng may kapansanan (PWD), senior citizen, at mga buntis na dapat sana'y matutulungan sa pamamagitan ng priority polling, ay tila napabayaan dahil sa dami ng mga botante sa lugar. Dumagdag din sa pagbagal ng proseso ang mga botanteng sumisingit sa pila.

Bukas ang aming inbox para sa paglalahad ng inyong karanasan hinggil sa nagaganap na eleksyon. Maging mapagmatyag at mapanuri ngayong Eleksyon 2025.




Address

Pulo Diezmo Road
Cabuyao
4025

Website

Alerts

Be the first to know and let us send you an email when Mapúa MCL Bantay Halalan 2025 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category