27/07/2026
๐ฆ๐ข๐ก๐ ๐ฎ๐ฌ๐ฎ๐ฒ | ๐๐๐ ๐๐ก๐ ๐ง๐๐ข๐ก. ๐๐๐ ๐๐ก๐ ๐ฃ๐๐ก๐๐๐๐ข. ๐๐ก๐ข ๐๐ก๐ ๐ฃ๐๐๐๐๐๐๐๐ข?
Limang ulit nang humarap si Ferdinand โBongbongโ Marcos Jr. sa SONA. Limang ulit ding nangako ng pag unlad, pag asa, at mas maayos na kinabukasan. Ngunit para sa maraming Pilipino, nananatiling mabigat ang araw araw na pamumuhay.
Habang ipinagmamalaki ang mga ulat ng pamahalaan, patuloy na pasan ng mga nasa laylayan ang bigat ng krisis. Marami pa ring manggagawa ang hindi sapat ang kinikita upang mabuhay nang may dignidad. Marami pa ring magsasaka at mangingisda ang naghihintay ng tunay na suporta. Maraming kabataan ang patuloy na lumalaban para sa dekalidad na edukasyon. Maraming pamilya ang hirap makakuha ng serbisyong pangkalusugan at araw araw na nakararanas ng mataas na halaga ng mga pangunahing bilihin.
Hindi rin dapat maisantabi ang panawagan para sa paggalang at pagtatanggol sa karapatan ng kababaihan, ng LGBTQIA+ community, ng mga manggagawa, ng mga magsasaka, ng mga katutubo, at ng iba pang sektor na patuloy na humaharap sa diskriminasyon at hindi pagkakapantay pantay.
Hindi lamang ekonomiya ang usapin. Usapin din ito ng karapatang pantao, pananagutan, at isang demokrasyang tunay na nakikinig sa boses ng mamamayan. Hindi magiging matatag ang isang lipunan kung ang mga nasa laylayan ay patuloy na naiiwan.
Para sa amin, palpak ang administrasyon nina Ferdinand โBongbongโ Marcos Jr. at Sara Duterte sa ilalim ng UniTeam kung marami pa ring Pilipino ang hindi nararamdaman ang mga pagbabagong ipinangako at patuloy na nabibigatan sa araw araw na buhay.
Naninindigan ang Tanglaw Kabataan na ang kabataan ay hindi naririto upang maging tahimik. Hinihikayat namin ang bawat kabataan na makialam, magtanong, at manindigan para sa katotohanan, katarungan, at mabuting pamamahala.
Hanggaโt may pangakong hindi natutupad at may mamamayang naiiwan, patuloy kaming maninindigan. โ๐ผ๐ฃ๏ธ
