22/02/2026
𝐏𝐀𝐆𝐌𝐀𝐒𝐃𝐀𝐍: 𝐌𝐠𝐚 𝐒𝐚𝐧𝐝𝐚𝐥𝐢 𝐧𝐠 𝐓𝐚𝐠𝐮𝐦𝐩𝐚𝐲 𝐚𝐭 𝐃𝐞𝐝𝐢𝐤𝐚𝐬𝐲𝐨𝐧 𝐬𝐚 𝐁𝐨𝐲𝐬𝐜𝐨𝐮𝐭 𝐨𝐟 𝐭𝐡𝐞 𝐏𝐡𝐢𝐥𝐢𝐩𝐩𝐢𝐧𝐞𝐬 𝐈𝐧𝐯𝐞𝐬𝐭𝐢𝐭𝐮𝐫𝐞 𝐄𝐧𝐜𝐚𝐦𝐩𝐦𝐞𝐧𝐭 𝐚𝐭 𝐁𝐨𝐚𝐫𝐝 𝐨𝐟 𝐑𝐞𝐯𝐢𝐞𝐰 (𝐁𝐎𝐑) 𝟐𝟎𝟐𝟔 𝐧𝐠 𝐀𝐥𝐞𝐱𝐢𝐬 𝐆. 𝐒𝐚𝐧𝐭𝐨𝐬 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥
Sa bawat pagsubok na ating hinarap, muling nagniningning ang diwa ng pagkakaisa at determinasyon, na matagumpay nating nalampasan. Ang mga kuhang larawan na inyong saksihan ay hindi lamang simpleng mga imahe; ang mga ito ay repleksyon ng buong pusong dedikasyon, di-matatawarang husay, walang takot na tapang, at natatanging galing ng bawat Alexian Senior Scout.
Bawat ngiti, pawis, at bawat hakbang ay naglalarawan ng isang kwento ng paglago at pagpupunyagi. Sa bawat hamon, pinatunayan ng ating mga Senior Scouts na ang tunay na lakas ay nagmumula sa pagtutulungan at sa pananampalataya sa kakayahan ng bawat isa. Ang kanilang mga mata ay nagpapakita ng pangarap, at ang kanilang mga kilos ay nagpapakita ng matibay na paninindigan sa mga prinsipyo ng Iskawting.
Ang tagumpay na ito ay patunay na sa Iskawting, may mararating. Ito ay isang paglalakbay kung saan ang bawat isa ay lumalabas na mas matatag, mas handa, at may mas malalim na pag-unawa sa kahalagahan ng paglilingkod sa kapwa at sa bayan. Sa bawat pagsasama, sa bawat pagsuporta, at sa bawat paghikayat, tayo ay magtatagumpay ng sama-sama. Ang kanilang tagumpay ay tagumpay nating lahat, at ang bawat karanasan ay isang gintong aral na kanilang dadalhin habambuhay.
