ULEAD Pilipinas

05/09/2026

𝐎𝐮𝐫 𝐧𝐞𝐰𝐥𝐲 𝐥𝐢𝐜𝐞𝐧𝐬𝐞𝐝 𝐌𝐚𝐬𝐭𝐞𝐫 𝐏𝐥𝐮𝐦𝐛𝐞𝐫! 👏🏻

Congratulations sa ating Social Development Program Head, 𝐊𝐲𝐥𝐚 𝐌𝐚𝐫𝐢𝐞 𝐒. 𝐃𝐞𝐥𝐚 𝐂𝐫𝐮𝐳, 𝐒𝐎𝟐, 𝐑𝐌𝐏 sa pagpasa at panunumpa bilang isang lisensyadong Master Plumber!

Salamat sa galing at sipag mo. Our ULEAD Pilipinas family is very proud of you!

31/08/2026

𝐌𝐚𝐥𝐢𝐠𝐚𝐲𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐁𝐚𝐲𝐚𝐧𝐢! 🇵🇭

Nagbibigay-pugay ang ULEAD Pilipinas sa lahat ng mga bayaning Pilipino!

Mula sa mga bayaning nag-alay ng buhay para sa ating kalayaan hanggang sa mga patuloy na naglilingkod nang tapat para sa kapwa at bayan, saludo kami sa inyo!

Kinikilala natin ang mga magigiting na makabagong bayani ng iba’t-ibang sektor, anuman ang edad, kasarian, at pinagmulan. Itinataas natin ang mga ordinaryong tao sa tahanan, paaralan, lansangan, at buong pamayanan na patuloy na nagsusumikap sa buhay at lumalaban nang patas, araw-araw!

30/08/2026

𝐊𝐚𝐩𝐢𝐭-𝐁𝐢𝐬𝐢𝐠 𝐩𝐚𝐫𝐚 𝐬𝐚 𝐦𝐠𝐚 𝐁𝐮𝐥𝐚𝐤𝐞𝐧𝐲𝐨

Sa pinagsamang lakas ng mga volunteers mula ULEAD Pilipinas at sa pakikipag-ugnayan sa iba’t ibang barangay, ay nakapagpaabot tayo ng food packs at hygiene kits sa 261 pamilya o 885 indibidwal na apektado ng baha dulot ng pinaigting na Habagat, ngayong Agosto 30, 2026.

Mula sa buong araw na paghahanda at pagpunta sa pitong evacuation centers para sa siyam na barangays, napagtagumpayan ng ating pusong bolunterismo ang munting tulong sa abot ng ating makakaya.

Nagpapasalamat ang ating organisasyon sa Angat Buhay, mga pribadong indibidwal, mga volunteers mula sa mga baranggay at sa bayan, sa German Espiritu Liner Inc. para sa pagsabay sa amin sa isang daan upang malampasan ang malalim na baha, sa ibang tricycle drivers, at sa Poong Maykapal sa paggamit sa atin bilang instrumento para makapagbigay ng panandaliang suporta sa mga apektadong pamilya.

Hangga’t may mga mabubuting puso ay patuloy tayong tutulong sa kapwa, kasabay ng malawakang panawagan para sa mas matatag at mas mapag-alagang bayan para sa tao at kalikasan.

30/08/2026

𝐈𝐊𝐀-𝟏𝟕𝟔 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐊𝐀𝐏𝐀𝐍𝐆𝐀𝐍𝐀𝐊𝐀𝐍 𝐍𝐈 𝐆𝐀𝐓 𝐌𝐀𝐑𝐂𝐄𝐋𝐎 𝐇. 𝐃𝐄𝐋 𝐏𝐈𝐋𝐀𝐑

Nakikiisa ang ULEAD Pilipinas sa paggunita ng ika-176 na Anibersaryo ng Kapanganakan ng dakilang manunulat, mamamahayag, at bayaning Bulakenyo na si G*t Marcelo H. del Pilar ngayong araw, Agosto 30, 2026.

Gaya ni Plaridel, manatili nawa tayong may pag-ibig sa bayan at malasakit sa kapwa sa anumang pagsubok at panahon.

| Manatili pa rin po tayong alerto at ligtas sa banta ng bagyo at pinaigting na Habagat, mga Bulakenyo!

📷Harvey

15/08/2026

𝐁𝐚𝐲𝐚𝐧𝐢𝐡𝐚𝐧 𝐢𝐧 𝐁𝐮𝐥𝐚𝐤𝐚𝐧:
𝐔𝐋𝐄𝐀𝐃 𝐏𝐢𝐥𝐢𝐩𝐢𝐧𝐚𝐬 𝐑𝐞𝐥𝐢𝐞𝐟 𝐎𝐩𝐞𝐫𝐚𝐭𝐢𝐨𝐧𝐬

Nagpapasalamat po tayo sa lahat ng suporta na natatanggap ng ULEAD Pilipinas para sa ating komunidad. Dahil dito ay naipaparating natin ang mga munting tulong sa ating mga kababayan.

Tuloy-tuloy ang ating pagkatok sa mabubuting loob upang makapagbigay ambag sa pagbangon ng mga apektado ng sunud-sunod na pag-ulan at malawakang pagbaha. Nakikipagtulungan din tayo sa ibang samahan upang mas mapalawak ang mga naaabot nating lugar.

Kasabay ng ating pagkakapit-bisig sa kasalukuyan, patuloy at paulit-ulit din tayong susuporta sa mga hakbang na para sa pangmatagalang solusyon sa sitwasyon at suliranin ng ating pamayanan.

15/08/2026

𝐕𝐢𝐯𝐚 𝐀𝐬𝐮𝐧𝐜𝐢𝐨𝐧!

𝐃𝐚𝐤𝐢𝐥𝐚𝐧𝐠 𝐤𝐚𝐩𝐢𝐬𝐭𝐚𝐡𝐚𝐧 𝐧𝐠 𝐩𝐚𝐠-𝐚𝐚𝐤𝐲𝐚𝐭 𝐬𝐚 𝐥𝐚𝐧𝐠𝐢𝐭 𝐧𝐠 𝐌𝐚𝐡𝐚𝐥 𝐧𝐚 𝐁𝐢𝐫𝐡𝐞𝐧𝐠 𝐌𝐚𝐫𝐢𝐚

Pagbati sa ika-448 taong Pistang Bayan sa karangalan ng Mahal na Birheng Iniakyat sa Kalangitan!

𝗗𝗔𝗞𝗜𝗟𝗔𝗡𝗚 𝗞𝗔𝗣𝗜𝗦𝗧𝗔𝗛𝗔𝗡 𝗡𝗚 𝗣𝗔𝗚-𝗔𝗔𝗞𝗬𝗔𝗧 𝗦𝗔 𝗟𝗔𝗡𝗚𝗜𝗧 𝗦𝗔 𝗠𝗔𝗛𝗔𝗟 𝗡𝗔 𝗕𝗜𝗥𝗛𝗘𝗡𝗚 𝗠𝗔𝗥𝗜𝗔

Agosto 15, 2026 | Ngayon ay ipinagdiriwang natin ang ika-448 Taong Pistang Bayan sa karangalan ng ating pintakasi, ang Mahal na Birheng Iniakyat sa Kalangitan!

Mabuhay ang Ina ng Bayan ng Bulakan, ang unang tiningalang Patrona ng Lalawigan ng Bulacan, Reyna ng mga Lakan at Lakambini ng Katagalugan, Mutya ng mga Maharlika at Malalayang Mamamayan, Inspirasyon ng mga Makata ng Bayan, Lakas at Sandigan ng mga Bayani ng Bulakan!

Viva Asuncion! Viva la Virgen!

11/08/2026

𝐓𝐫𝐚𝐧𝐬𝐩𝐚𝐫𝐞𝐧𝐜𝐲 𝐑𝐞𝐩𝐨𝐫𝐭
Relief Operations para sa pamilyang apektado ng Habagat

Sa nagdaang dalawang araw ng ating operasyon upang makapagbigay ng hot meals sa mga pamilyang Bulakenyong apektado ng bagyong Maymay at pinaigting na Habagat, naabot natin ang 𝟐𝟒𝟏 𝐩𝐚𝐦𝐢𝐥𝐲𝐚 𝐚𝐭 𝟕𝟖𝟗 𝐢𝐧𝐝𝐢𝐛𝐢𝐝𝐰𝐚𝐥 sa iba’t ibang bahagi ng ating bayan.

Umabot din sa Php 39,278 ang kabuuang donasyong natanggap ng ULEAD Pilipinas mula sa ating partner organizations at mga pribadong indibidwal.

Mananatili tayong kasama ng mga pamilyang Bulakenyo sa pagbabayanihan at sa malawakang panawagan para sa pangangalaga ng kalikasan at pangmatagalang hakbang sa paglutas sa mga problema ng mamamayan.

Maraming salamat po!

10/08/2026

𝐁𝐀𝐘𝐀𝐍𝐈𝐇𝐀𝐍 𝐒𝐀 𝐁𝐔𝐋𝐀𝐊𝐀𝐍

Sa pinagsamang lakas ng volunteers mula sa ULEAD Pilipinas sa pangunguna ng ating Chairman Patrick Catindig at suporta mula sa Angat Buhay, nakapagbahagi tayo ng rice meals sa iba’t ibang pamilya sa ating bayan ng Bulakan.

Bilang tugon sa mga apektado ng Tropical Storm Maymay at pinalakas na Habagat, naghanda ang organisasyon ng pandagdag na hapunan at merienda sa 241 pamilya at 789 indibidwal nitong Agosto 9 at 10, 2026.

Kasabay ng pagtugon sa pangangailangan ng ating mga kababayan sa kasalukuyan, patuloy ang ating panawagan sa panlahatang pag-iingat sa ating kalikasan at ang pagsuporta sa mga pangmatagalang hakbang para sa ikabubuti ng bayan at mamamayan.

09/08/2026

𝐂𝐀𝐋𝐋 𝐅𝐎𝐑 𝐃𝐎𝐍𝐀𝐓𝐈𝐎𝐍𝐒
Maging tulay sa pag-ahon ng ating kapwa Bulakenyo!

Nananawagan ang ULEAD Pilipinas ng tulong at suporta sa isasagawang relief operations para sa mga Bulakenyong apektado ng hagupit ng Tropical Storm Maymay at ng Habagat.

Para sa mga in-kind donations, pangunahing kailangan ang mga bottled water, food packs, at hygiene items gaya ng sabon, shampoo, toothbrush, toothpaste, sanitary pads, at alcohol. Maaaring dalhin ito sa ULEAD Pilipinas Office Pristine’s Complex Bulakan, Bulacan tabi ng Mercury Drugstore.

Samantala, para sa monetary donations, gamitin ang QR codes na makikita sa larawan sa ibaba.

Bukas ang aming Facebook messenger para sa mga karagdagang tanong at impormasyon. Maraming salamat sa inyong suporta!

21/07/2026

𝐂𝐨𝐧𝐠𝐫𝐚𝐭𝐮𝐥𝐚𝐭𝐢𝐨𝐧𝐬, 𝐔𝐋𝐄𝐀𝐃𝐄𝐑!

Maligayang pagbati, 𝐑𝐞𝐧𝐳𝐨 𝐋𝐨𝐮𝐢𝐬𝐞 𝐆. 𝐌𝐚𝐧𝐠𝐚𝐡𝐚𝐬 sa iyong pagtatapos bilang Bachelor of Science in Mechanical Engineering ng Dr. Yanga's Colleges, Inc. at pagkamit ng Safety Officer 2 certification!

Gaya ng iyong malasakit sa ating mga programang pangbayan tulad ng 𝐀𝐋𝐄𝐑𝐓𝐎, patuloy mong gamitin ang iyong kaalaman at kakayahan upang makalikha ng positibong pagbabago para sa kabataan ng Bulakan.

Continue making a difference through your skills and service!