SFNHS - Barkada Kontra Droga

01/04/2026

01/04/2026

𝗠𝗴𝗮 𝗧𝗮𝗺𝗽𝗼𝗸 𝘀𝗮 𝗶𝗸𝗮-9 𝗻𝗮 𝘁𝗮𝗼𝗻𝗴 𝗽𝗮𝗴𝘁𝗮𝘁𝗮𝗽𝗼𝘀

Bilang pangalawa sa kanilang batch, inilahad ni Jimnier R. Benito sa kanyang talumpati ang tungkol sa mga hamon na pinagdaanan ng kanilang klase. Ibinahagi niya kung paano ang bawat deadline, proyekto, pagsusulit, at pagkakamaling naranasan ay naging pundasyon ng kanilang katatagan at determinasyon, at kung paano ang mga karanasang ito humubog sa kanila upang maging handa sa mga susunod na yugto ng buhay.

Pahayag ni Benito, "Ang ating pinagdaanan sa Senior High School ay hindi naging madali. Puno ito ng mga hamon—mga deadline,
proyekto, reporting, exam, mga pag-iyak dahil sa mababang marka, at mga pagsubok na minsan ay tila lampas sa ating kakayahan. Ngunit sa bawat hamon na ating nalampasan, mas lalo tayong naging matatag.

Maging ang ating mga pagkakamali ay nagsilbing aral, at ang ating pagsisikap sa kabila ng kakulangan sa oras at hirap ang humubog sa ating kakayahan bilang mga magsisipagtapos.

Ang lahat ng ito ang nagsilbing pundasyon ng ating pagkatao—isang matibay na haligi na hindi basta matitinag ng panahon, bagkus ay lalo pang titibay sa pagharap natin sa mga susunod na hamon ng buhay."

01/04/2026

𝗠𝗴𝗮 𝗧𝗮𝗺𝗽𝗼𝗸 𝘀𝗮 𝗶𝗸𝗮-9 𝗻𝗮 𝗧𝗮𝗼𝗻𝗴 𝗣𝗮𝗴𝘁𝗮𝘁𝗮𝗽𝗼𝘀

Bilang nanguna sa mga nagsipagtapos, nagpaabot ng mensahe si Andrea Lynn Frances F. Bebita sa kanyang talumpati, kung saan kanyang binigyang-diin ang kabuuang karanasan ng kanilang batch mula sa mga hamong sumubok sa kanilang katatagan, hanggang sa mga tagumpay na kanilang pinaghirapan.

Aniya, “Tayo napanday sa gitna ng mga balitang puno ng pangamba: mga nagsisiklabang gyera, mga krisis na patuloy na bumabagabag sa ekonomiya, at mga usapin ng korupsiyon na tila paulit-ulit na sumisira sa tiwala. Ang mga ito’y hindi lamang balita sa telebisyon; ito’y naging bahagi ng ating kamalayan at pag-unawa sa realidad ng buhay. Ngayong suot na natin ang togang ito, bawat hibla ng tela ay nakapaloob ang mga sakripisyo, nagbabadyang luha, at hindi matatawarang determinasyon. Patunay ito na tayo’y hinubog ng pinakamalalakas na unos, ngunit kailanman ay hindi nabuwal. Tayo’y hinulma ng mga karanasang sumasalamin sa katangian ng isang tunay na pinunong hindi basta-bastang napapatibag. Sa kabila ng magkakaibang landas na ating tatahakin, nawa’y hindi kumupas ang pagkakaibigang minsang nagbuklod sa atin.”

Ang kanyang talumpati ay nag-iwan ng malalim na inspirasyon bilang paalala ng katatagan, at halaga ng samahan sa kabila ng mga pagsubok.

Nag-iwan din siya ng malalim na bakas sa puso ng bawat isa sa gitna ng kanilang paglisan sa pamilyar na silid-aralan at pagtahak sa iba't ibang landas ng buhay.

17/11/2023

Embrace the power of change during our 𝐃𝐀𝐏𝐂 𝐌𝐨𝐧𝐭𝐡 𝐂𝐞𝐥𝐞𝐛𝐫𝐚𝐭𝐢𝐨𝐧! Our talented contestants have poured their creativity into impactful slogans and eye-catching posters. Your role? Cast a meaningful vote by expressing your support with a heartfelt 𝒉𝒆𝒂𝒓𝒕 (❤️) or 𝒄𝒂𝒓𝒆 react. Each reaction is a step towards a drug-free future.

𝐀𝐬 𝐭𝐡𝐞 𝐜𝐥𝐨𝐜𝐤 𝐭𝐢𝐜𝐤𝐬, 𝐬𝐞𝐢𝐳𝐞 𝐭𝐡𝐞 𝐨𝐩𝐩𝐮𝐫𝐭𝐮𝐧𝐢𝐭𝐲– 𝐯𝐨𝐭𝐢𝐧𝐠 𝐢𝐬 𝐨𝐩𝐞𝐧 𝐮𝐧𝐭𝐢𝐥 𝑴𝒐𝒏𝒅𝒂𝒚! 𝐁𝐞 𝐩𝐚𝐫𝐭 𝐨𝐟 𝐭𝐡𝐞 𝐦𝐨𝐯𝐞𝐦𝐞𝐧𝐭, 𝐥𝐞𝐭 𝐲𝐨𝐮 𝐯𝐨𝐢𝐜𝐞 𝐛𝐞 𝐡𝐞𝐚𝐫𝐝, 𝐚𝐧𝐝 𝐜𝐨𝐧𝐭𝐫𝐢𝐛𝐮𝐭𝐞 𝐭𝐨 𝐬𝐡𝐚𝐩𝐢𝐧𝐠 𝐚 𝐜𝐨𝐦𝐦𝐮𝐧𝐢𝐭𝐲 𝐜𝐨𝐦𝐦𝐢𝐭𝐭𝐞𝐝 𝐭𝐨 𝐩𝐫𝐞𝐯𝐞𝐧𝐭𝐢𝐨𝐧. 𝐓𝐨𝐠𝐞𝐭𝐡𝐞𝐫, 𝐰𝐞 𝐜𝐚𝐧 𝐦𝐚𝐤𝐞 𝐚 𝐝𝐢𝐟𝐟𝐞𝐫𝐞𝐧𝐜𝐞!🌟