Bogo City Environment & Natural Resources Office - CENRO

23/01/2026

📢 CENRO CLEARANCE ADVISORY
BUSINESS PERMIT REQUIREMENTS
FOR NEW AND RENEWAL‼️

12/12/2025

Malipayon ug mapasalamaton ang City Environment and Natural Resources Office (CENRO) ubos sa pagdumala ni Atty. Kenn O. Orat, sa malampusong pag-lunsad sa SWM Livelihood Training Program nga may tema nga ‘Bottle Crafting’. Kini nga kalihokan nagtinguha sa pagpalambo sa kahibalo sa komunidad bahin sa malungtarong paggamit ug pag-repurpose sa recyclable materials.

Dako usab among pasalamat sa tanang Barangay Participants nga matinud-anong miapil ug mitambong sa maong aktibidad. Ang inyong aktibong partisipasyon usa ka dakong tabang aron mapadayon ang atong paningkamot para sa limpyo, hapsay, ug responsableng pagdumala sa solid waste sa atong dakbayan.

04/12/2025

Ang City of Bogo Solid Waste Management Board ug ang Technical Working Group nagpahigayon sa usa ka pormal nga koordinasyon ug konsultatibong miting nga gipangulohan ni Atty. Kenn O. Orat uban sa CENRO Office, kauban si Hon. Mayor Maria Cielo A. Martinez ug ang tanang Department Heads.
Kini nga miting nagtumong sa paghisgot sa kasamtangang kahimtang sa kinaiyahan, mga update sa Solid Waste Management, mga prayoridad nga aksyon nga ipatuman, mga rekomendasyon sa palisiya, ug uban pang isyu nga nagkinahanglan sa tukmang giya ug pag-aprubal gikan sa Board.

Ang mga pundo sa agenda atol sa miting mao ang mosunod:
1. Presentasyon sa Report sa SWM Garbage
2. Paghisgot sa Komposisyon sa Bag-ong Executive Order
3. Paghatag og Update sa Status sa Sanitary Landfill ug Damage Structure
4. Diskusyon sa Brgy–LPC ug Dumping Area Concerns
5. Presentasyon sa Status sa Solid Waste Generation
6. Mga Rekomendasyon para sa Mas Epektibong SLF Management
7. Pag-formulate sa 10-Year Solid Waste Management Plan kauban ang WMI
8. Uban pang Importante nga Butang ug Isyu (Other Matters)

Ang maong pagtigum nagtimaan sa lig-on nga koordinasyon ug kolaborasyon tali sa lokal nga liderato ug mga departamento aron masiguro ang padayon nga paglambo sa responsableng pagdumala sa basura ug pagpalambo sa mga polisiya alang sa kaayohan sa Dakbayan sa Bogo.

24/11/2025

Bisan pa sa nagpadayon nga mga aftershock, mapasalamaton kami nga malampuson nga nakatunob ang mga representante sa Barangay ug ang CENRO Staff sa Coastal Barangays sa pagdumala ug pagtinabangay alang sa 4th Quarter Coastal Clean-up Drive niadtong Nobyembre 22, 2025. Nagpabilin ang among komitment sa pagpanalipod, pagmentinar, ug pagpauswag sa kalimpyo sa atong baybayon uban ang tinguha nga mapalig-on ang kaluwasan ug kalikupan sa atong komunidad.


-upDrive

24/09/2025

11/09/2025

Usa ka Reticulated Python (Sawa) ang giluwas ug gi-turn over dinhi sa atong buhatan sa City Environment and Natural Resources Office (CENRO) human kini nakaplagan sa Barangay Pandan. Ang maong bitin adunay gibug-aton nga 7.9kg, gitas-on nga 8ft., ug gilapdon nga 11cm.

Dako usab ang among pasalamat sa Disaster Risk Reduction and Management Office (DRRMO) staff alang sa ilang tinud-anay nga tabang sa pag-asist sa among CENRO Enforcements sa maong kalihukan.

Ang maong kalihokan nagpakita sa atong tinabangay ug kooperasyon aron maprotektahan ang kahayupan ug kalikupan.

08/09/2025

Kung adunay kamo’y namatikdan nga mga kalapasan batok sa atong kinaiyahan, gina-awhag kamo sa pagreport niini pinaagi sa among opisyal nga page — City Environment and Natural Resources Office. Aron kini mapatuman ang angayng aksyon sa hustong pamaagi, palihug ipasa ang inyong report uban sa klarong litrato sa maong kalapasan. Ginatamod pag-ayo ang inyong kooperasyon alang sa pagpanalipod ug pagpreserbar sa kinaiyahan para sa kasamtangan ug umaabot nga henerasyon.

05/09/2025

Ang City Environment and Natural Resources Office (CENRO) Enforcements nagpadayon sa pagpatuman sa disiplina sa matag tindahan sa Bogo Public Market pinaagi sa istriktong pagbantay sa pag-implementar sa “Strictly No Plastic Policy.” Kini nga palisiya nagtinguha sa pagpakunhod sa paggamit sa plastik nga makadaot sa atong palibot ug pagpalig-on sa responsableng pagpaninda.

Pinaagi sa maampingong pagbantay sa atong mga enforcers, atong gihatagan ug importansya ang responsibilidad sa matag tindero ug konsumidor nga mosunod sa lagda alang sa kaayohan sa tanan. Ang pagpanalipod sa kalikupan usa ka panagbuluhaton nga nagkinahanglan sa kooperasyon sa matag usa—gikan sa nagdumala, sa magtitinabangay, ug sa matag lungsoranon nga nagmalahutayon sa pagpanalipod sa kinaiyahan.

01/09/2025

Gipahigayon ang linggohang meeting sa City Environment and Natural Resources Office (CENRO) ilawom sa panggamhanan ni Atty. Engr. Kenn Orat, Office in Charge, kauban ang mga Admin ug mga personahe sa CENRO Enforcement aron hisgutan ang kahimtang sa kalikupan, ug ipalambo ang mga estratehiya alang sa epektibong pagpatuman sa mga polisiya sa kinaiyahan ug kahapsay sa dakbayan.

29/08/2025

Ang Information Education Campaign (IEC) Team sa City Environment and Natural Resources Office (CENRO) mipahigayon og survey sa Barangay Carbon aron masuta ug masiguro kung ang basura nga gibutang sa matag tindahan sa ilang basurahan kay husto ba nga na-segregate sumala sa gipanahong polisiya ug lagda sa solid waste management. Ang maong kalihukan nagtinguha sa pagpalig-on sa disiplina sa pagdumala sa basura, pagpanghimatuod sa kahinungdanon sa hustong segregation, ug sa pagpalambo sa kalimpyo ug kahimsog sa atong palibot.

Pinaagi niini, ang CENRO nag-awhag sa tanan nga katawhan ug mga negosyante nga magpadayon sa pagpraktis sa husto ug responsable nga pagdumala sa basura isip dakong ambag alang sa usa ka mas limpyo, himsog, ug malungtarong Bogo City.

20/08/2025

Sa laing adlaw sa atong paningkamot sa pagserbisyo publiko, atong gihatagan ug dakong pagpasidungog ang atong mga masinugtanon ug matinud-anong CENRO Street Sweepers. Ang ilang padayon nga dedikasyon ug kakugi sa pagmintinar sa kalimpyo ug katawhanong kahapsay sa atong dakbayan usa ka lig-on nga timaan sa tinud-anay nga pag-alagad ug pag-atiman sa kinaiyahan. Ang ilang paningkamot naghatag inspirasyon alang sa tanang Bogohanon aron magtinabangay sa paghugpong sa mas limpyo, himsog, ug mahigalaong Bogo City.

18/08/2025

Usa ka buhing Reticulated Python (Malayopython reticulatus) nga may sukod nga 329.184 sentimetro ang gitas-on, 15 sentimetro ang gilapdon, ug 13.40 kilogramo ang gibug-aton, ang nasakpan sa Bag-ong Pampublikong Merkado sa Barangay Gairan.

Ang maong bitin gisakmit ug maampingong giturn-over ni Mr. Benedicto Reyes ngadto sa Disaster Risk Reduction and Management Office (DRRMO). Human niini, ang DRRMO mipasa sa opisyal nga kustodiya sa maong hayop ngadto sa City Environment and Natural Resources Office (CENRO) alang sa tukmang pag-atiman ug pagprotektar, subay sa mga balaod ug pamalaod sa pagpanalipod sa kinaiyahan ug sa mga hayop nga lumad sa atong dapit.

Ang CENRO nagpasalamat sa tanang niapil ug nitabang sa luwas, hapsay, ug legal nga pagproseso sa pagdakop ug pagdumala sa maong bitin. Kini nga paningkamot usa ka timaan sa lig-on nga kolaborasyon tali sa komunidad ug sa mga ahensya sa lokal nga kagamhanan alang sa pagpanalipod sa biodiversity ug sa pagmintinar sa ekolohikal nga balanse.