MACEC Youth Marinduque

22/04/2026

🌍 "Earth Day 2026"

“We are not just living on Earth—we are living because of it.” 🌱

Sa bawat hangin na ating nilalanghap, sa bawat punong nagbibigay-lilim, at sa bawat patak ng tubig na nagbibigay-buhay—naroon ang paalala na ang mundo ay hindi lamang tirahan, kundi pinagkukunan ng ating pag-asa, buhay at kabuhayan.

Guided by our vision of “A Clean, Bountiful and Life-Giving Environment in the Island-Province of Marinduque which benefits the present and future generation,” patuloy nating isinusulong ang pangangalaga at pagmamahal sa kalikasan.

Ang pangangalaga sa kalikasan ay hindi lang para sa ngayon, kundi para sa mga susunod na henerasyon.

🌿 *Sama-sama, alagaan natin ang ating tahanan.*

Pubmat by: Kobe Ricafranca
Caption by: Leodemar Frias

22/04/2026

“𝐋𝐨𝐨𝐤 𝐝𝐞𝐞𝐩 𝐢𝐧𝐭𝐨 𝐧𝐚𝐭𝐮𝐫𝐞, 𝐚𝐧𝐝 𝐭𝐡𝐞𝐧 𝐲𝐨𝐮 𝐰𝐢𝐥𝐥 𝐮𝐧𝐝𝐞𝐫𝐬𝐭𝐚𝐧𝐝 𝐞𝐯𝐞𝐫𝐲𝐭𝐡𝐢𝐧𝐠 𝐛𝐞𝐭𝐭𝐞𝐫.” — 𝐀𝐥𝐛𝐞𝐫𝐭 𝐄𝐢𝐧𝐬𝐭𝐞𝐢𝐧

Sa paggunita ng Earth Day, hindi lamang ito simpleng selebrasyon—isa itong paalala ng sakit na matagal nang dinadala ng ating kalikasan. Sa Marinduque, ang lupaing minsang sagana at payapa ay patuloy na dumadaing sa bigat ng nakaraan at sa bantang maaaring maulit muli. Hanggang ngayon, sariwa pa rin ang alaala ng Marcopper mining disaster—ang pagguho ng lupa, ang pagkalason ng ilog, at ang pag-iyak ng kalikasang hindi na maibalik sa dati.

Ngunit sa kabila ng mapait na karanasang iyon, tila may mga kamay pa ring handang ipagsapalaran ang natitirang buhay ng ating isla kapalit ng pansariling pakinabang. Sa bawat usapin ng muling pagmimina, hindi lamang lupa ang hinuhukay—pati ang kinabukasan ng bawat Marinduqueño ay unti-unting ibinabaon. Paano natin hahayaang maulit ang trahedya kung malinaw na ang aral ng nakaraan? Ang kalikasan ay hindi isang bagay na maaaring palitan kapag nasira; ito ang mismong pinagmumulan ng ating buhay, kultura, at pagkakakilanlan.

Ngayong Earth Day, nawa’y hindi lamang tayo magtanim ng puno o maglinis ng kapaligiran—nawa’y magising din ang ating konsensya. Ipaglaban natin ang Marinduque na ligtas, malinis, at buhay. Dahil kapag pinili nating manahimik, tayo rin ang magiging saksi sa unti-unting pagkamatay ng ating sariling tahanan. At sa huli, ang tanong ay hindi na kung kailan tayo kikilos—kundi kung may maililigtas pa ba tayo kapag huli na ang lahat.🍃

21/04/2026

17/04/2026

29/03/2026

𝐅𝐫𝐨𝐦 𝐒𝐮𝐧𝐫𝐢𝐬𝐞 𝐭𝐨 𝐒𝐡𝐨𝐫𝐞𝐥𝐢𝐧𝐞, 𝐌𝐚𝐤𝐢𝐧𝐠 𝐖𝐚𝐯𝐞𝐬 𝐟𝐨𝐫 𝐚 𝐂𝐥𝐞𝐚𝐧𝐞𝐫 𝐓𝐨𝐦𝐨𝐫𝐫𝐨𝐰 🌊💚

What a powerful way to end this weekend! Early this morning, the MACEC Youth together with the regular members of MACEC proved that caring for the environment knows no rest day.

Shore It Up! Weekend 2026 along Laylay Beach in Boac kicked off, joining the global movement for Earth Hour by turning our passion into action. Equipped with garbage bags and a shared love for our island, volunteers scanned the coastline, collected trash, and segregated waste for analysis.

A huge thank you to the Provincial Government of Marinduque, to the Office of the Vice Governor, Metro Pacific Investments Foundation, and Kaluppâ Foundation for facilitating this collective effort! Volunteers from various government agencies, institutions, and people’s organizations also participated in the clean-up effort.

The fight for cleaner seas and oceans doesn’t end here. This initiative is a movement we must continue, and should originate from the source through proper waste management.
For the seas, for the earth, and for our future. 🌏

via Argee Hirondo
Pubmat by Alkimar Guitang

28/03/2026

Isang oras na ilalaan. Simpleng aksyon para sa kalikasan. Para sa iisang tahanan. 💡🔌

Ngayong gabi, mula 8:30 hanggang 9:30 PM, halina't ating patayin ang ating mga ilaw at iba pang mga kagamitan na hindi ganoon kailangan. Ito ay isinasagawa bilang pag-alala, bilang pagpapakita ng pagmamahal. Sa gitna ng digmaan sa Kanlurang Asya at ang higit na lumalalang krisis ng ating klima at kapaligiran, huminga tayo ng malalim at hayaan ang ating mga sarili na magnilay nilay at huminto. Hayaan nating huminga ang ating daigdig, ang mga nilikha ng Diyos, kahit sa isang oras lamang.

Paggunita na rin sa nalalapit na mahal na araw, ipakita rin natin sa ating mundo ang pagmamahal na ipinakita Niya sa ating lahat. 🌿 🍃

13/03/2026

Ang mina’y baha ng kasakiman, ang barikada’y ilog ng paninindigan. Tatlong dekada ng paghihintay, hustisya’y patuloy naming isinisigaw.

Ang kabataang Marinduqueño'y nananawagan, ang bawat isa'y may karapatan, mapa-tao o kalikasan.

Hindi minahan ang sagot sa kahirapan,
dahil walang responsableng pagmimina.
Ang karapatan ay kayamanan.
Ang kayamanan ay kalikasan.
Ang kalikasan ay buhay.
IPAMANA, HUWAG IPAMINA!

𝐃𝐄𝐂𝐋𝐀𝐑𝐄 𝐌𝐀𝐑𝐈𝐍𝐃𝐔𝐐𝐔𝐄 𝐀𝐒 𝐀 "𝐌𝐈𝐍𝐈𝐍𝐆 𝐅𝐑𝐄𝐄" 𝐙𝐎𝐍𝐄

09/03/2026

09/03/2026