09/10/2025
ANTI-DRUG AWARENESS SYMPOSIUM, GIPAHIGAYON SA MANGAGOY NATIONAL HIGH SCHOOL
Malampuson nga gipahigayon ang usa ka Anti-Drug Awareness Symposium nga adunay tema ‘Strengthening Leadership, Promoting Awareness: Inspire and Cure-KD.’ sa Mangagoy National High School, September 12, 2025.
Ang maong kalihukan gipangunahan sa BKB (Barkada Kontra Bisyo) ug sa ilang Adviser Ma'am Nicollette Joanne P. Quico nga giparticipahan sa mga Learner Formation System Officers nga gitambongan sa mga advisers sa kada departamento gikan sa YES O, RED CROSS ug SSLG.
Suportado kini pag-ayo sa ilang School Principal IV Ma'am Dodelle D. GOMEZ, ug sa ilang Head Teacher Kevin B. Espiel nga nagtuo nga ang student leadership ug awareness mao'y yawe aron mapadayon nga luwas ang eskwelahan isip usa ka lugar sa pagkat-on.
Usa sa espesyal nga bisita mao si Ms. Pat Catherene S. Espiritu, nga nagtanyag og usa ka makapadasig ug makapahigmata nga pakigpulong kabahin sa dautang epekto sa paggamit og droga. Giawhag niya ang mga estudyante nga maghimo og maayong desisyon, mosalikway sa droga, ug mahimong lider nga modelo sa uban.
Ang symposium kabahin sa duha ka importante nga programa sa tunghaan—ang Project CURE-KD ug Project INSPIRE, Ang tumong sa maong proyekto mao ang pagpakunhod sa mga dili angay nga binuhatan sa mga estudyante ug ang pagpalambo sa mga maayong batasan sama sa disiplina, respeto, ug gugma sa nasud.
Usa pa gyud ka dakong highlight sa kalihukan mao ang kusog nga suporta sa Provincial Mobile Force ug Media gikan sa buhatan sa 100.1 Infinite Radio Bislig.
Ang ilang presensya nagpahinumdom sa tanan nga ang pagpugong sa droga dili lang responsibilidad sa eskwelahan, kundi usa ka panaghiusa tali sa mga ginikanan, magtutudlo, kapulisan ug komunidad.
Tungod sa panaghiusa sa mga lider sa tunghaan, magtutudlo, estudyanteng organisasyon, media ug kapulisan, nahimong malampuson ang maong kalihukan. Napasabot sa mga estudyante nga aduna sila’y gahum nga makahatag og kausaban ug mahimong modelo alang sa usa ka drug-free ug puno sa maayong pamatasan nga komunidad sa eskwelahan.
Ang Mangagoy National Padayon sa pag pahinumdom "Buhay ingatan, Droga'y ayawan!
Sa balitang Regional, Kini si Karatsada Aaron Fernandez estudyante sa MNHS
Gikan sa 100.1 Infinite Radio, Balita!
