22/12/2025
📣
𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆
Ipinababatid po ng Iglesia Filipina Independiente – Parokya ng San Pablo Unang Ermitanyo, kasama ang buong Iglesia Filipina Independiente (IFI), na si 𝗚. 𝗔𝗻𝗱𝗿𝗲𝗶 𝗗𝗶𝗼𝗻𝗴𝗹𝗮𝘆 ay wala na pong anumang kaugnayan, ugnayan, o opisyal na koneksyon sa aming parokya at sa IFI. Siya ay hindi na kasapi ng IFI at kusang sumapi sa paksyon.
Kaugnay nito, nililinaw rin na si 𝗟𝗶𝗹𝘆 𝗗𝗲𝗹 𝗥𝗲𝘆, na nakikitang nagkokomento at nakikilahok sa mga pahina at usaping may kaugnayan sa IFI, ay wala ring anumang opisyal na koneksyon o representasyon sa IFI San Pablo at sa buong IFI.
Anumang larawan, pahayag, komento, isyu, o kontrobersiyang iniuugnay kina 𝗚. 𝗔𝗻𝗱𝗿𝗲𝗶 𝗗𝗶𝗼𝗻𝗴𝗹𝗮𝘆 at 𝗟𝗶𝗹𝘆 𝗗𝗲𝗹 𝗥𝗲𝘆 ay walang kinalaman ang IFI San Pablo at ang buong IFI, at hindi kumakatawan sa aming mga paninindigan, aral, at pagpapahalaga.
Ang patuloy na pag-uugnay ng kanilang mga pangalan at kilos sa simbahan, lalo na sa pamamagitan ng pampublikong komento sa mga pahinang may kaugnayan sa IFI, ay maaaring magdulot ng kalituhan at makasira sa integridad at imahe ng simbahan, kaya’t mahalaga ring panagutan at pangalagaan ang integridad nito, lalo na kung malinaw na may mga gawaing taliwas sa aming mga pinahahalagahan.
Ang pahayag na ito ay inilalabas upang linawin ang katotohanan, ituwid ang maling pag-uugnay, at igalang ang malinaw na hangganan sa pagitan ng simbahan at ng mga indibidwal na wala na sa aming hanay.
Maraming salamat po!
