14/02/2026
๐๐๐ฌ๐ ๐: โ๐๐๐๐๐ ๐๐ ๐๐๐๐๐โ, ๐๐๐ฅ๐๐๐ซ๐๐ฌ๐ฒ๐จ๐ง ๐ฌ๐ ๐๐ฎ๐ ๐ฆ๐ ๐ฎ๐ ๐๐๐ง๐๐ ๐ก๐ข๐ ๐๐ฅ๐๐๐ฒ
Nagpahigayon ang Visayas State University - University Supreme Student Council kon VSU-USSC og usa ka halandumon ug romantikong kalihokan alang sa mga estudyante ug sa komunidad sa VSU atol sa โGugma sa Biska: When Stars Alignโ niadtong Pebrero 13, 2026, sa VSU Gymnatorium.
Subay sa Valentineโs Day, ang maong kalihokan naghatag og kombinasyon sa kalingawan, ug higayon sa matchmaking nga nagtumong sa pagpalambo sa makahuluganon nga koneksyon sa mga nitambong.
Gidisenyo sa mga organisador ang maong gabii isip usa ka espesyal nga kahigayunan alang sa mga Viscan aron makapahuway ug makalingaw pinaagi sa nagkalain-laing kalihokan lakip ang movie night, usa ka madasigong pasundayag sa pagkanta ug talento, ug raffle draw. Usa usab sa mga tampok sa kalihokan mao ang Date Match segment, diin ang mga partisipante boluntaryong mi-sign up og google form alang sa kahigayunan nga ipares sa usa ka โsurpriseโ nga romantikong kapikas.
Ang Date Match gipahigayon sa boluntaryong paagi ug gibase sa parehong preferences ug compatibility sa mga nagparehistro. Ang tibuok proseso sa pagpares gipangasiwaan lamang sa VSU-USSC aron masiguro ang patas, obhetibo, ug angay nga pagpares sa matag partisipante. Sumala sa event coordinator, ang maong sistema nagdugang og kahinam ug misteryo sa selebrasyon. Adunay mga mitambong nga nagparehistro daan, nagsumite sa ilang mga detalye, ug nakigkita sa ilang gitawag nga โcelestial pairingsโ sa mismong gabii sa kalihokan.
Ang VSU Gymnasium nahimong usa ka komportable ug malinawon nga lugar nga puno sa mga kalihokan nga nag-awhag sa interaksyon sa mga mitambong. Gipasalida sa movie night ang piniling mga salida gikan sa nagkalain-laing genre, kadaghanan gikan sa usa ka student film organization na Silakbo, lakip ang โAsa ang mga Salida sa Leyte,โ โKatutubong Pangarap,โ โCoffee Meet,โ ug โBunot,โ nga nakapadani sa mga tumatan-aw pinaagi sa mga sugilanon mahitungod sa gugma, pamilya, ug lokal nga kultura.
Sa laing bahin, ang Viskantahan nagpasundayag sa mga talentadong performers ug banda sama sa Opyongs, Banana Bread, ug Outcast, nga naghatag og madasigong pasundayag sa musika ug nakapalig-on sa espiritu sa panaghiusa ug kalingawan. Dugang pa, ang raffle draw naghatag og kahinam sa maong gabii pinaagi sa pag-apod-apod sa mga premyo sama sa lima ka kilo nga bugas, mga tiket sa SM City Cinema, ug usa ka dinner date alang sa duha nga nagkantidad og โฑ2,500 sa Dripwood.
Sa pagdool sa Valentineโs Day, ang โGugma sa Biskaโ napamatud-an nga usa ka talagsaon ug makahuluganon nga paagi sa pagsaulog sa gugma ug koneksyon sulod sa komunidad sa VSU. Libre ang pagtambong sa maong kalihokan ug abli alang sa tanan, apan gikinahanglan ang rehistrasyon alang lamang sa Date Match segment. Ang mga mitambong mipauli nga dala ang mga istorya sa bag-ong panaghigalaay ug posible pang nag-ugat nga romansa, nga nagpamatuod sa kalampusan sa maong selebrasyon.
๐๐ถ๐ญ๐ข๐ต ๐ฏ๐ช ๐๐ข๐ฎ๐ฆ๐ญ๐ข ๐๐ช๐ข๐ป
๐๐ถ๐ฉ๐ข ๐ฏ๐ช ๐๐ข๐บ๐ฎ๐ฆ๐ณ ๐๐ข๐ฃ๐ข๐ฏ๐ฅ๐ฐ
