14/06/2025
PASASALAMAT MULA SA YOUTH ASSOCIATION OF BUKAL EAST AT KAPISANAN NG BUKAL SILANGAN
Isang taos-pusong pasasalamat ang aming ipinapaabot sa lahat ng tumulong at nakiisa upang maisakatuparan ang matagumpay na selebrasyon ng aming Pasaya sa Fiesta noong ika-7 ng Hunyo, 2025. Mula sa mga palaro, musikero, Thanksgiving Mass, Larong Pinoy, TikTok Dance Competition, hanggang sa Disco Night Party — lahat ng ito ay naging posible dahil sa inyong suporta at malasakit.
Lubos po ang aming pasasalamat sa lahat ng nagbigay ng tulong, lalo na sa pinansyal, upang maisakatuparan ang kaganapang ito para sa aming minamahal na Sitio. Kung wala po kayo, hindi po namin ito magagawa. Maraming maraming salamat po!
Kami rin ay taus-pusong nagpapasalamat sa SK Bukal, Batangas City, sa pangunguna ng aming SK Chairman, SK Marcus Castillo, na naging katuwang namin sa pagpaplano at pagbibigay ng suporta, lalo na sa aspeto ng pinansyal. Napakalaking tulong po nito upang maisakatuparan ang aming mga layunin. Nawa’y lalo pa kayong pagpalain at makapagpatuloy sa pagbibigay ng makabuluhang proyekto para sa mga kabataan ng ating lugar.
Hindi rin po naming makakalimutang pasalamatan ang mga Opisyales ng ating Barangay, sa pangunguna ng mahal nating Punong Barangay, Hon. Aquilino Magnaye, sa inyong pakikiisa at presensya sa aming programa. Gayundin po sa iba pang opisyal ng barangay — maraming salamat po at mabuhay po kayo!
Makikita po sa mga larawan sa ibaba ang ilan sa mga taong nais po naming bigyang-pugay at pasalamatan.
Nakalakip din po sa ibaba ang detalyadong talaan ng pondo — mula sa natirang pondo noong nakaraang taon, mga nakalap mula sa solicitation, fundraising, at panghaharang ng sasakyan, hanggang sa mga gastusin para sa nasabing selebrasyon.
Ang natitirang pondo (money on hand) ay ilalagak po sa bangko bilang paghahanda sa darating na fiesta sa susunod na taon.
Muli, maraming maraming salamat po sa inyong lahat! Mabuhay po ang Bukal Silangan!
