SK Santa Rita Karsada

19/08/2026

Happy Birthday, 𝐇𝐨𝐧. 𝐀𝐬𝐡𝐥𝐞𝐲 𝐍𝐢𝐜𝐨𝐥𝐞 𝐄. 𝐁𝐚𝐮𝐚𝐥!

Palaging nakikita ang iyong dedikasyon, sipag, at malasakit sa bawat gawaing para sa ating kabataan. Salamat sa pagiging maaasahang katuwang sa serbisyo at sa patuloy na pagbibigay ng iyong oras at effort para sa ating komunidad.

Nawa’y maging puno ng blessings, happiness, good health, at success ang bagong taon ng iyong buhay. Patuloy kang maging inspirasyon at halimbawa ng isang kabataang may puso para sa serbisyo.

Keep serving with passion and purpose!
Happy Birthday, Hon. Ashley!🩷

17/08/2026

Isang taos-pusong pagbati sa ating kabarangay na napiling kalahok sa Lakan at Lakambini ng Kabataang Batangueño 2026.

Ipinagmamalaki ka ng ating buong barangay. Patuloy kang magningning at ipakita ang husay ng kabataang Batangueño! 💚👑

DWAYNE MICHAEL P. PERCULEZA
Santa Rita Karsada

13/08/2026

📢 Makinig. Makilahok. Magpahayag ng saloobin!

Live na ang Pulso, ang sentiment monitor ng ating ToLIts!

Subaybayan ang real-time na datos mula sa 5 social media platforms at alamin kung ano ang pulso ng mamamayan sa iba't ibang isyu.

🔗 Bisitahin ang:
https://pulso.socratechlab.io
https://pulso.socratechlab.io
https://pulso.socratechlab.io

Hinihikayat namin ang lahat na gamitin ang portal upang maipahayag ang inyong mga opinyon at saloobin. Makilahok at hikayatin din ang inyong mga kaibigan at kakilala na maging bahagi ng usapan.

10/08/2026

🏀 TINGNI | SRK SK CUP 2026 SEASON 8 – BASKETBALL CHAMPIONSHIP GAME

Huling Buzzer. Huling Bola. Huling Liga.

Sa pagtatapos ng SRK SK CUP 2026 Season 8 – Basketball Tournament, ating binabalikan ang mga natatanging sandali ng championship game—mga larawang sumasalamin sa husay, determinasyon, disiplina, at sportsmanship ng ating mga kabataang manlalaro.

Higit sa isang paligsahan, ang liga ay naging isang mahalagang programa para sa kabataan ng Santa Rita Karsada. Sa pamamagitan nito, nabigyan sila ng pagkakataong maipamalas ang kanilang talento, mapalawak ang kanilang pakikipagkaibigan, matuto ng teamwork at disiplina, at higit sa lahat, magkaroon ng makabuluhang aktibidad na nagbubuklod sa ating komunidad.

Batid natin na ang pagpapatupad ng isang liga ay hindi isang madaling gawain. Ito ay nangangailangan ng mahabang panahon ng pagpaplano, koordinasyon, paghahanda, at pagtutulungan. Kasama rito ang pagbuo ng iskedyul, pakikipag-ugnayan sa mga koponan at game officials, paghahanda ng venue, pagtugon sa iba't ibang concerns, at pagharap sa mga hamon na maaaring lumitaw sa kabuuan ng torneo.

Bilang isang proyekto, ang liga ay isa sa mga pinakamalaking responsibilidad at pinakamasinsing gawain ng Sangguniang Kabataan. May mga pagkakataong naging mahirap, nakakapagod, at nangangailangan ng agarang desisyon. Gayunpaman, sa kabila ng mga hamon, pinili nating ipagpatuloy ito sapagkat higit nating nakikita ang magandang layunin at kapakinabangan nito para sa ating mga kabataan at sa buong pamayanan.

Ang bawat pagod ay naging makabuluhan sa tuwing nakikita nating aktibong nakikilahok ang ating mga kabataan. Ang bawat oras na inilaan ay naging sulit sa tuwing nagkakaroon sila ng pagkakataong matuto, makipagkaibigan, makipagkumpetensya nang may respeto, at maging bahagi ng isang programang para sa kanilang kapakanan.

Sa pagtatapos ng liga, nais nating kilalanin at pasalamatan ang lahat ng naging bahagi ng tagumpay nito, ang mga manlalaro, coaches, referees, team officials, volunteers, supporters, Barangay Officials, at mga kabataang patuloy na nakikiisa at sumusuporta sa mga programa ng Sangguniang Kabataan.

Sa pagtatapos ng isang kabanata, dala namin ang pasasalamat sa bawat taong nagbigay ng tiwala, suporta, at pakikiisa sa aming paglilingkod.

Maaaring matapos ang liga, ngunit ang layunin nitong paglingkuran, bigyang pagkakataon, at bigyang halaga ang kabataan ay mananatiling mahalagang bahagi ng ating komunidad.

📸 GRAB YOUR PHOTOS HERE!

Para sa lahat ng manlalaro, supporters, at kabataang naging bahagi ng championship game, maaari ninyong kunin at i-save ang inyong mga larawan mula sa ating official photo album. Feel free to tag yourselves, your teammates, friends, and loved ones!

Maraming salamat sa pagiging bahagi ng SRK SK CUP 2026 Season 8. 💚🏀

Maraming salamat, Santa Rita Karsada, sa pagkakataong makapaglingkod.

🏀SRK SK CUP 2026 SEASON 8
Para sa Kabataan. Para sa Komunidad. Para sa Santa Rita Karsada.

SK Batch 2023–2026
Isang huling liga, isang makabuluhang alaala, at isang serbisyong buong pusong inialay para sa kabataan.💚

10/08/2026

🏀 TINGNI | MATAGUMPAY NA PAGTATAPOS NG SRK SK CUP 2026 SEASON 8 – BASKETBALL TOURNAMENT 🏆

Huling laro. Huling buzzer. Huling bola. 🏀💚

Matagumpay nating tinuldukan ang SRK SK CUP 2026 Season 8 – Basketball Tournament, isang liga na puno ng saya, excitement, kompetisyon, hamon, at higit sa lahat—pagkakaisa ng kabataan ng Santa Rita Karsada.

Narito ang ating mga winning teams, outstanding players, at special awardees na nagpakita ng husay, determinasyon, disiplina, at sportsmanship sa buong torneo. Taos-pusong pagbati sa inyong lahat! 🏆🥇🥈

Ngunit higit pa sa mga tropeo at medalya, ang tunay na layunin ng pagkakaroon ng paliga ay ang mabigyan ng makabuluhang espasyo ang ating kabataan upang maipakita ang kanilang talento, mapalakas ang kanilang disiplina, matutong makipagtulungan, magkaroon ng bagong kaibigan, at matutunan ang tunay na kahulugan ng sportsmanship.

Ang bawat laro ay pagkakataon upang matuto. Ang bawat pagkatalo ay pagkakataong bumangon. At ang bawat tagumpay ay paalala na mas maganda ang anumang panalo kapag ito ay pinaghirapan at pinagsikapan nang sama-sama. 🏀🤝

Sa buong Sangguniang Barangay Officials, sa pangunguna ni Pangulong Darlene Tolentino, maraming-maraming salamat po sa inyong walang sawang suporta, pang-unawa, at pakikiisa sa mga programa para sa ating kabataan.

Isang espesyal at taos-pusong pasasalamat din kay Pangulong Noel “Bilog” Aguado. Maraming salamat po sa inyong adhikain na maisakatuparan ang libreng uniporme para sa ating mga kabataan.

Ang inyong malasakit ay hindi lamang nakikita sa isang uniporme. Ito ay isang mensahe sa ating kabataan na sila ay mahalaga, pinahahalagahan, at sinusuportahan. Ang inyong paglilingkod at pagmamalasakit ay tunay na tumatak sa puso ng mga kabataan ng Barangay Santa Rita Karsada. 💚

Maraming salamat din sa ating mga Barangay Tanod at Drivers na patuloy na naging katuwang sa seguridad, kaayusan, at iba't ibang pangangailangan sa bawat laro. Ang inyong serbisyo ay malaking bahagi ng tagumpay ng ating liga. 🙏

Taos-pusong pasasalamat din sa SAKTO Officers, sa pangunguna ni President Vincent Evangelista, na tunay na naging kaagapay ng Sangguniang Kabataan sa buong liga. Salamat sa inyong oras, effort, presensya, at pakikiisa. 🤝🏀

Sa ating mga aktibong kabataan na naging katuwang sa iba't ibang gawain—para sa inyo rin ang tagumpay na ito. Kayo ang patunay na kapag ang kabataan ay binigyan ng pagkakataon at tiwala, kaya nilang maging bahagi ng isang mas maayos at nagkakaisang komunidad. 💚

At higit sa lahat, isang malaking SALUDO sa buong Sangguniang Kabataan ng Santa Rita Karsada.
Kayo ang naging susi at nanguna sa pagsasakatuparan ng ligang ito. Hindi naging madali ang lahat. May mga hamon, problema, hindi pagkakaintindihan, at mga pagsubok na kinailangan nating harapin habang isinasagawa ang torneo.

Ngunit sa huli, napatunayan natin na ang pagkakaunawaan, komunikasyon, pagpapakumbaba, at pakikiisa ang tunay na susi upang malampasan ang anumang pagsubok.

Hindi naging perpekto ang liga, ngunit ginawa natin ang lahat upang maging makabuluhan ito para sa ating mga kabataan.

Sa pagtatapos ng SRK SK CUP Season 8, hindi lamang tayo nag-iiwan ng mga tropeo at medalya. Nag-iiwan tayo ng mga alaala, pagkakaibigan, karanasan, at inspirasyon na sana'y dadalhin ng ating kabataan sa mga susunod pang taon.

Para sa lahat ng manlalaro, coaches, referees, team managers, volunteers, committee members, supporters, barangay officials, SAKTO officers, at lahat ng naging bahagi ng ating liga—MARAMING, MARAMING SALAMAT. 🙏💚

Sa unang araw ng aming termino, marahil hindi namin alam kung gaano karaming tao ang makikilala namin, kung gaano karaming problema ang haharapin namin, at kung gaano karaming beses naming kailangang matutong magsimula muli.

Ngayon, habang tumutunog ang huling buzzer, napagtanto naming hindi pala ang liga ang pinakamahalagang naiwan namin. Ang pinakamahalaga ay ang mga taong nakasama namin, mga batang natutong mangarap, manlalarong natutong bumangon, kabataang natutong makiisa, kaibigang nabuo at alaala na hindi na mauulit sa parehong paraan.

Sa bawat sigaw ng suporta, bawat puntos, bawat rebound, bawat pagtatalo na nauwi sa pagkakaunawaan, bawat luha ng pagkatalo, at bawat saya ng tagumpay, salamat sa pagiging bahagi ng aming huling liga.

SRK SK CUP 2026 SEASON 8 Hindi lamang isang paliga, kundi isang alaala ng isang henerasyong nagsama-sama para sa kabataan. 🏀💚

Para sa Kabataan. Para sa Santa Rita Karsada. Para sa Serbisyo.

Huling liga. Huling buzzer. Huling bola. Ngunit hindi huling serbisyo para sa kabataan. 💚

09/08/2026

🏐 HIGHLIGHTS | THE FINAL BATTLE 🏆

Huling Pito. Huling Bola. Huling Liga.

Ang mga larawang ito ay nagsisilbing saksi sa matagumpay na pagtatapos ng SRK SK CUP 2026 Season 8 – Volleyball Tournament— isang paliga na hindi lamang nagbigay ng pagkakataon sa ating mga kabataan na maipamalas ang kanilang talento at kakayahan, kundi nagsilbing daan din upang mapalakas ang pagkakaibigan, disiplina, sportsmanship, at pagkakaisa sa ating komunidad.

Sa bawat laro, bawat puntos, at bawat laban, nasaksihan natin ang dedikasyon at determinasyon ng ating mga manlalaro. Ang championship game ay hindi lamang pagtatapos ng isang kompetisyon, kundi isang mahalagang bahagi ng mga alaala na ating dadalhin sa mga susunod na taon.

Higit sa lahat, ang larong ito ay naging isa sa mga huling yugto ng paglilingkod ng Sangguniang Kabataan Batch 2023–2026.

Sa loob ng aming termino, hinarap natin ang iba't ibang hamon at pagsubok. Hindi naging madali ang bawat programa at proyekto, ngunit sa pamamagitan ng pagkakaisa, komunikasyon, pakikipagtulungan, at malasakit sa kabataan, patuloy nating naisakatuparan ang mga gawaing naglalayong magbigay ng makabuluhang pagkakataon para sa ating mga kabataan.

Ang pagkakaroon ng paliga ay hindi lamang tungkol sa pagkakaroon ng panalo o pagkatalo. Ito ay tungkol sa paglikha ng isang ligtas at positibong espasyo kung saan ang kabataan ay maaaring matuto, makilahok, magkaroon ng kumpiyansa sa sarili, at matutong pahalagahan ang teamwork at respeto.

Sa pagtatapos ng SRK SK CUP Season 8, nais naming ipabatid ang aming taos-pusong pasasalamat sa lahat ng naging bahagi ng paligang ito, sa mga manlalaro, coaches, referees, team officials, volunteers, supporters, barangay officials, at higit sa lahat, sa bawat kabataang patuloy na nakikiisa sa mga programa ng Sangguniang Kabataan.

Ngunit ang mga alaala, karanasan, at serbisyong iniukol para sa kabataan ng Santa Rita Karsada ay mananatiling bahagi ng aming puso.

Maraming salamat, Santa Rita Karsada, sa inyong tiwala, suporta, at pakikiisa sa Sangguniang Kabataan Batch 2023–2026.

🏐 Isang huling laro. Isang huling kabanata. Isang serbisyong mananatili.

Para sa Kabataan. Para sa Santa Rita Karsada. Para sa Serbisyo.💚

09/08/2026

TINGNI | MATAGUMPAY NA PAGTATAPOS NG SRK SK CUP 2026 SEASON 8 – VOLLEYBALL TOURNAMENT 🏆

Matagumpay at puno ng saya, pagkakaisa, at sportsmanship ang naging pagtatapos ng SRK SK CUP 2026 Season 8 – Volleyball Tournament! 🎉🏐

Narito ang mga natatanging manlalaro at koponang nagpakitang-gilas, nagbigay ng kanilang buong husay, at karapat-dapat na pinarangalan sa kanilang mga natamong Championship, Runner-Up, at Special Awards. 🏆🥇🥈

Ang paliga ay hindi lamang tungkol sa panalo at pagkatalo. Ito ay isang paraan upang mapalakas ang samahan ng kabataan, mahubog ang disiplina at sportsmanship, matuklasan ang talento, at mabigyan ng pagkakataon ang bawat kabataan na maipakita ang kanilang kakayahan. Higit sa lahat, nais ng Sangguniang Kabataan na magkaroon ng ligtas at makabuluhang aktibidad ang ating mga kabataan kung saan nabubuo ang pagkakaibigan, respeto, teamwork, at pagmamahal sa sports.

Lubos ang aming pasasalamat sa buong Sangguniang Barangay Officials, sa pangunguna ni Pangulong Darlene Tolentino, sa kanilang walang sawang suporta at pakikiisa upang maging matagumpay ang ating liga. Isang taos-puso ring pasasalamat po kay Pangulong Noel “Bilog” Aguado sa inyong adhikain na maisakatuparan ang libreng uniporme para sa ating mga kabataan. Ang inyong serbisyo at paglilingkod ay tunay na tumatak sa puso ng bawat kabataan ng Santa Rita Karsada. Ang libreng uniporme ay maaaring isang bagay lamang, ngunit ang mensaheng iniwan ninyo sa ating kabataan na sila ay sinusuportahan, pinahahalagahan, at pinaniniwalaan ay mananatili sa kanilang puso. 🙏

Maraming salamat din sa ating mga Barangay Tanod at Drivers na patuloy na tumulong sa seguridad, kaayusan, at iba pang pangangailangan sa bawat laro. Malaki ang naging bahagi ninyo sa maayos na daloy ng ating paliga. 🙌

Taos-pusong pasasalamat din sa SAKTO Officers, sa pangunguna ni President Vincent Evangelista, na tunay na naging kaagapay ng Sangguniang Kabataan sa bawat hakbang. Ang inyong oras, suporta, at pakikipagtulungan ay malaking bagay upang maisakatuparan at mapagtagumpayan ang SRK SK CUP Season 8. 🤝🏐

At higit sa lahat, maraming salamat sa buong Sangguniang Kabataan ng Santa Rita Karsada na naglaan ng panahon, effort, at suporta para sa ating mga kabataan, kabilang na ang libreng volleyball uniforms para sa ating mga manlalaro. Ang inyong pagkakaisa at walang sawang pagtutulungan ang naging pundasyon ng matagumpay na paliga. 💚

Sa lahat ng manlalaro, coaches, team managers, referees, committee members, volunteers, supporters, at spectators—maraming salamat sa inyong pakikiisa!

Hindi man lahat ay nag-uwi ng tropeo, ang bawat isa ay nag-iwan ng alaala, karanasan, at inspirasyon. Dahil sa bawat laro, may kabataang natututong lumaban nang may respeto, tumanggap ng pagkatalo nang may pagpapakumbaba, at magtagumpay nang hindi nakakalimot na ang tunay na panalo ay ang pagkakaisa at pagkakaibigan. 🫶🏐

SRK SK CUP 2026 SEASON 8 — isang liga para sa kabataan, isang hakbang tungo sa mas aktibo, disiplinado, at nagkakaisang komunidad.

Maraming salamat, Santa Rita Karsada! 💚

05/08/2026

TAGUMPAY NG MANLALARO NG SRK SA MAYOR’S CUP 2026 – SEASON 20! 💗🌺

Sa pagtatapos ng Mayor’s Cup 2026 Season 20, muling ipinamalas ng Team Santa Rita Karsada ang kanilang galing at determinasyon sa larangan ng basketball!

🏆 Champion – Team SRK Basketball 12 Under
🏅Most Disciplined Team - Basketball 12 Under
🏅Best 3-Point Shooter - Gabriel Bagui (Basketball 12 Under)
🏅Scoring Champ - Gabriel Bagui (Basketball 12 Under)
🏅Mythical 5 - Gabriel Bagui (Basketball 12 Under)
🏅Final’s MVP - Gabriel Bagui (Basketball 12 Under)
🏅Most Defensive Player of the Year - Lucas Sebastian Canaria (Baskteball 12 Under)
🏅Mythical 5 - Lucas Sebastian Canaria (Basketball 12 Under)
🏅Coach of the Year - Ronald Catapang (Basketball 12 Under)

Isang malaking karangalan ang naibahagi ng ating mga manlalaro sa ating barangay. Patunay ito ng kanilang dedikasyon at pagsusumikap sa bawat laro.

Ang Sangguniang Barangay at Sangguniang Kabataan ng Santa Rita Karsada ay patuloy na sumusuporta sa bawat kabataan na may pangarap at puso para sa isports. Sama-sama nating itaguyod ang mga kabataang lumalaban hindi lang para sa tropeo, kundi para sa dangal ng ating barangay! 💚

05/08/2026

Pagpupugay sa ating mga kabataang manlalaro ngayong Mayor's Cup 2026 – Season 20! Sa inyong lakas, talento, at determinasyon, kayo ay tiyak na magdadala sa tagumpay at maghuhubog ng mas matibay na kinabukasan para sa inyong sarili sa larangan ng palakasan.
Ipagpatuloy ninyo ang pagiging huwaran—para sa sarili, para sa barangay, at para sa buong lungsod.

Lubos ang aming pasasalamat kina Mayor Marvey Mariño, Congresswoman Beverley Rose Dimacuha at sa buong Team EBD, sa walang sawang pagsuporta at pagbibigay-halaga sa kabataang Batangueño.

Gayundin, taos-pusong pasasalamat sa Local Youth Development Office - Batangas City LYDO sa pamumuno ni Sir Nelberth Magbanua, at sa Panlungsod na Pederasyon ng Sangguniang Kabataan - Batangas City sa pangunguna ni Hon. Sherwin Tejada, na patuloy na katuwang sa pagtataguyod ng makabuluhang mga programa para sa kabataan.

Isang malaking pasasalamat rin sa Barangay Santa Rita Karsada, kay Punong Barangay Darlene Tolentino, sa Sangguniang Barangay Council, Sangguniang Kabataan, mga Barangay Staff, at sa ating masisipag na Barangay Tanod at Drivers para sa kanilang buong pusong suporta at dedikasyon sa tagumpay ng paligsahang ito.

Ang panalong ito ay para rin sa'yo, Pangulong Bilog. Patuloy ka naming isasama sa bawat tagumpay, bawat pangarap, at bawat hakbang ng ating mahal na barangay. Hindi man namin muli marinig ang iyong mga salita ng paggabay, ang iyong mga aral at inspirasyon ay patuloy na nabubuhay sa puso ng bawat kabataan at bawat mamamayan ng Santa Rita Karsada. Ang iyong naging paniniwala sa aming kakayahan ang nagsilbing lakas upang maabot namin ang tagumpay na ito.

Sa ating mga mahuhusay na tagapagsanay, Sir Coach Ronald Catapang, Coach Kennetheal Cortez, Coach Kevin Dimaano at Coach Benedict Cepillo, maraming salamat sa pagbibigay oras upang mahasa pa ang husay ng mga bata. Saludo kami sa inyo dedikasyon.

Patuloy tayong magkaisa para sa mas masigla, mas makabuluhan, at mas progresibong kinabukasan ng ating lungsod.

Hanggang sa susunod na Mayor’s Cup — isang paligsahang hindi lang para sa karangalan, kundi para sa pagkakaisa ng kabataan.

Muli, mabuhay ang kabataang Batangueño! 💚

Santa Rita Karsada SAKTO

04/08/2026

From to Yes! 💗🌺

Muling naibalik sa Santa Rita Karsada ang titulo ng 12U Basketball Champion sa ginanap na Mayor’s Cup 2026 Season 20!

Taos-pusong pagbati sa ating mga munting kampeon. Maraming salamat sa inyong sipag, tiyaga, disiplina, at pusong ipinakita sa bawat laro. Dahil sa inyong dedikasyon, muli ninyong naitaas ang bandera ng ating barangay at nagbigay ng karangalan sa buong Santa Rita Karsada.

Kay Coach Ronald, Coach Kenneth at Coach Kevin, taos-pusong pasasalamat sa inyong walang sawang paggabay, pagtuturo, at paniniwala sa kakayahan ng ating mga kabataan. Ang tagumpay na ito ay bunga rin ng inyong dedikasyon.

Sa mga magulang ng ating mga manlalaro, maraming salamat sa inyong walang humpay na suporta, sakripisyo, at pagtitiwala. Kayo ang unang naging inspirasyon at lakas ng ating mga batang atleta.

Taos-puso rin kaming nagpapasalamat kina Mayor Marvey Mariño at Congresswoman Beverley Rose A. Dimacuha para sa patuloy na pagsusulong ng mga proyektong humuhubog sa mga kabataang nangangarap at nagnanais na umunlad sa larangan ng palakasan. Gayundin sa ating LYDO Local Youth Development Office. Ang inyong suporta ay nagsisilbing inspirasyon upang higit pang mapaunlad ang kakayahan at kinabukasan ng ating kabataan.

Sa Sangguniang Barangay ng Santa Rita Karsada, sa pangunguna ng ating butihing Punong Barangay Darlene Tolentino, maraming salamat sa patuloy na pagsuporta sa mga programang nagbibigay ng oportunidad at pag-asa sa ating kabataan.

Sa lahat ng Barangay Tanod, Drivers at mga naging bahagi ng tagumpay na ito, taos-pusong pasasalamat sa inyong oras, sipag, at malasakit. Ang tagumpay na ito ay bunga ng sama-samang pagkilos at pagkakaisa.

At sa taong unang naniwala sa amin, Pangulong Bilog, nanalo po tayo. Nanalo po ang ating mga bata. Muli nilang ipinakita ang tapang, puso, at pagkakaisa na palagi mong itinanim sa Santa Rita Karsada. Bagama’t wala ka na sa aming piling, dama pa rin namin ang iyong presensya sa bawat laban at sa bawat tagumpay ng SRK. Ang panalong ito ay para rin sa’yo, Pangulong Bilog. Patuloy ka naming isasama sa bawat tagumpay, bawat pangarap, at bawat hakbang ng ating mahal na barangay.

Forever Team Bilog. 💚🏆

At higit sa lahat, sa Sangguniang Kabataan ng Santa Rita Karsada, muli nating pinatunayan na kapag ang kabataan ang inuuna, panalo ang buong barangay. Ang tropeong ito ay hindi lamang simbolo ng tagumpay sa basketball, kundi patunay na ang pagtutulungan, malasakit, at tunay na paglilingkod ay nagbubunga ng tagumpay.

Hanggang sa susunod na laban, muli, pagbati sa ating mga kampeon! 🏆💚

Santa Rita Karsada SAKTO