14/02/2025
MORNING PRAYER: Amang Banal, Dios na dakila at maluwalhati magpakailanman, maraming salamat po sa pagmamahal Mo sa bansang Pilipinas. Salamat po sa wisdom at anointing na ibinigay Mo sa aming Pangulong Bongbong Marcos upang kanyang pamunuan ang Sambayanang Pilipino sa direksyon na maayos at maganda. Patawarin Mo po ang aming Bansa sa lahat ng kalikuan na iyong nakikita sa mga mamamayan. Dalangin po namin na iligtas Mo po ang aming Bansa mula sa kamay ng mga komunista, mamamatay-tao, at mga mapanirang mga elemento ng kadiliman na sumisira ng moral at spiritual fiber ng aming lipunan. Iligtas Mo po kami mula sa banta ng komunistang bansa na hindi naniniwala Sayo at sa Iyong mga Salita. Iligtas Mo rin ang mga Kristyano sa bansang China na inuusig at pinahihirapan ng mga atheistang komunista duon. Iligtas Mo rin ang mga Kristyanong inuusig sa ibat ibang mga bansang tumalikod sa Iyo. Tumawag Ka pa ng maraming mga taong maglilingkod sa Iyo at susundin ang Iyong mga banal na utos. Bilang mga patriotikong Pilipino at Kristyano, dalangin po namin na Iyong bakuran ng proteksyon ang aming Pangulo at mga namumuno sa bansa laban sa anumang masamang plano ng diablo sa kanila. Lahat po ng ito ay aming hinihiling sa dakila at matamis Mong Pangalan, sa Pangalan ng aming Panginoong Hesukristo, Amen.
