01/05/2026
๐๐๐๐๐๐๐ ๐๐ ๐๐๐๐๐๐๐
Mula sa mga Miyembro ng Batangas City Youth Development Council
[Tungkol sa Usapin ng Pag-abolish sa Sangguniang Kabataan]
Sa gitna ng patuloy na diskurso hinggil sa panukalang pagbuwag sa Sangguniang Kabataan, kami po ay buong paggalang na nakikiisa sa pambansang pag-uusap upang ipahayag ang aming saloobin bilang kinatawan ng kabataan sa Batangas City Youth Development Council.
Naniniwala po kami na may mga hamon at kakulangan sa kasalukuyang sistema ng Sangguniang Kabataan. Gayunpaman, hindi po namin nakikitang ang pagbuwag nito ang angkop na tugon. Sa halip, naninindigan kami na ang Sangguniang Kabataan ay isang mahalagang institusyon na nagsisilbing direktang tinig at representasyon ng kabataan sa antas ng lokal na pamahalaan.
Bilang mga kasapi ng Katipunan ng Kabataan, kami ay patuloy na sumusuporta sa layunin ng Sangguniang Kabataanโang mabigyan ng espasyo ang kabataan upang makilahok sa pamamahala, makapagpahayag ng kanilang pangangailangan, at maging katuwang sa pagbuo ng mga programang pangkaunlaran.
Naninindigan din kami sa paniniwala na ang kabataan ay nananatiling pag-asa ng bayan, at ang pag-alis sa kanilang opisyal na representasyon ay tila pagkitil sa kanilang mahalagang papel sa lipunan.
Dagdag pa rito, narito ang ilan pang dahilan kung bakit hindi dapat buwagin ang Sangguniang Kabataan: Ito ay nagsisilbing training ground ng susunod na lider ng bansa, kung saan nahuhubog ang kakayahan sa pamumuno at pananagutan. Nagbibigay ito ng istrukturang mekanismo ng partisipasyon ng kabataan sa mga usaping panlipunan at pampamahalaan. Nakakatulong ito sa pagpapalaganap ng civic engagement, volunteerism, at community development sa hanay ng kabataan. Ito ay nagsisilbing tulay sa pagitan ng kabataan at ng lokal na pamahalaan upang masigurong ang kanilang mga pangangailangan ay napapakinggan at natutugunan. Sa pamamagitan nito, naipapatupad ang mga programang nakatuon sa edukasyon, kalusugan, kapaligiran, at iba pang mahahalagang sektor para sa kabataan.
Sa halip na pagbuwag, iminungkahi po namin ang mga sumusunod na hakbang upang higit pang mapabuti ang sistema: Ayusin at patatagin ang umiiral na mga batas at polisiya, kabilang ang pagpapataw ng mas malinaw at mahigpit na parusa sa mga paglabag. Palakasin ang monitoring at evaluation mechanisms upang masiguro ang transparency, accountability, at epektibong implementasyon ng mga programa. Paigtingin ang votersโ education upang maging mas mulat at responsable ang kabataan sa pagpili ng kanilang mga lider. Magbigay ng mas matibay na paggabay at capacity-building programs para sa mga kabataang lider upang mas maging handa sila sa kanilang tungkulin. Isulong ang kolaborasyon sa pagitan ng lokal at pambansang pamahalaan, pati na rin ng ibaโt ibang sektor, upang mapabuti ang sistema ng pamamahala ng kabataan. Maglaan ng mas malinaw na pamantayan sa kwalipikasyon at performance assessment ng mga opisyal ng SK. Para sa pambansang pamahalaan, lalo na sa lehislatura, hinihiling namin ang mas malalim na pagrepaso at pagpapalakas ng mga batas na sumusuporta sa youth governance sa halip na tuluyang alisin ito.
Kami po ay nananawagan sa mga pinuno ng ating bansa, partikular sa lehislatura, na pagtuunan ng pansin ang reporma at pagpapalakas, hindi ang pagbuwag. Naniniwala kami na ang tunay na solusyon ay hindi ang pag-alis ng boses ng kabataan, kundi ang paghubog at pagbibigay-lakas dito.
Sa huli, ang aming paninindigan ay malinaw: Hindi solusyon ang pagbuwag sa Sangguniang Kabataan. Ang kinakailangan ay sama-samang pagkilos upang maituwid, mapabuti, at mapalakas ang sistemang nagbibigay ng boses sa kabataang Pilipino.
Maraming salamat po.
