STOP Exploitation

04/05/2026

AYUDA AT SUBSIDYO, IBIGAY SA MGA MAGSASAKA NG TABAKO!

Mahigpit na sinusuportahan ng Solidarity of Peasants Against Exploitation (STOP Exploitation) ang Alyansa dagiti Mannalon iti Ilocos Norte (AMIN) sa kanilang panawagan sa Provincial Government of Ilocos Norte na bilhin ng mga lokal na gobyerno sa makatwirang presyo ang produktong tabako at ibigay ang Php30,000 ayuda mula sa to***co excise tax ng probinsya para sa mga magsasaka.

Nitong Abril 27, inihain ng AMIN ang pormal na sulat sa tanggapan ni Gov. Cecila A. Marcos na naglalaman ng demands ng mga magsasaka ng tabako sa probinsya. Sa nasabing sulat, inilahad ng mga magsasaka ng tabako ang kanilang kasalukuyang kalagayan at nararanasang epekto ng mataas na presyo ng langis sa kanilang produksyon. Inilahad rin ng AMIN ang kahilingan ng mga magsasaka na maglabas ng resolusyon ang provincial government upang bigyan ng kapangyarihan ang mga lokal na gobyerno na bilhin ang mga produktong tabako ng magsasaka sa probinsya sa presyong hindi bababa sa Php98 kada kilo na naitakda sa huling National Tripartite To***co Conference sa NCR noong 2025. Dagdag pa ng AMIN, dapat na pagsilbihin sa magsasaka sa porma ng ayuda at production subsidy ang hati ng probinsya sa to***co excise tax (RA7171 at 8240) na aabot sa mahigit Php856M.

MAKATARUNGANG PRESYO, IPAGLABAN! AYUDA AT SUBSIDYO, IBIGAY!

Kasama ang AMIN, nanininindigan ang STOP Exploitation na dapat bilhin sa makatarungang presyo ang produktong tabako ng mga magsasaka ng Ilocos. Ang kasalukuyang krisis at mataas na presyo ng langis ay dagdag na pasanin para sa mga magsasaka. Sa pag-aaral ng STOP Exploitation, aabot sa humigit kumulang Php20,000 ang naidagdag sa kabuuang gastusin ng magsasaka ng tabako dahil sa halos tripleng pagtaas ng presyo nito simula ng giyerahin ng US ang Iran.

Naniniwala rin ang STOP Exploitation na dapat pagsilbihin ang to***co excise tax sa mga magsasaka dahil sila ang dahilan kung bakit bilyong pondo ang naisasampa sa kaban ng bayan ng mga probinsya at munisipyong nagtatanim o mayroong nagtatanim ng tabakong Virginia at Native. Sa matagal na panahon, ginawang gatasang-baka ng mga nakaupo sa lokal na gobyerno ang pondong excise tax sa tabako at tanging limos lamang ang ibinibigay sa mga magsasaka ng tabako. Sa panahon ngayon ng krisis, nararapat lamang at makatwiran na direktang ibigay ito sa mga magsasaka upang makaagapay sa araw-araw na disenteng pamumuhay at mga gastusin sa produksyon.

Nananawagan kami sa provincial government ng Ilocos Norte at sa lahat ng mga lokal na pamahalaan ng Ilocos na tugunan ang makatwirang kahilingan ng mga magsasaka ng tabako na direktang bilhin ng mga lokal na pamahalaan ang produkto upang maiwasan ang pagkalugi ng mga magsasaka at pagkakabaon pa nila sa utang. Naniniwala rin ang STOP Exploitation na dapat kagyat na magbigay ng ayuda at production subsidy ang mga lokal na pamahalaan dahil sa grabeng epekto ng nagpapatuloy na mataas na presyo ng produktong petrolyo na kinakailangan ng mga magsasaka sa araw-araw na produksyon.

TO***CO EXCISE TAX, PAGSILBIHIN SA MAGSASAKA!
PRESYO TI TABAKO, INGATO!
AYUDA AT SUBSIDYO, IBIGAY SA MAGSASAKA!

14/04/2026

TULOY-TULOY NA PAGTAAS NG PRESYO NG DIESEL, DAGDAG PAHIRAP SA MGA MAGSASAKA!

12/04/2026

NEWS | Farmers in the Ilocos Region urged the use of local government to***co excise tax shares for subsidies, as rising fuel and fertilizer costs push production expenses beyond what they can sustain.

Read more: https://bit.ly/4cCSRRF

Nordis file photo

10/04/2026

𝐒𝐓𝐎𝐏 𝐄𝐗𝐏𝐋𝐎𝐈𝐓𝐀𝐓𝐈𝐎𝐍: 𝐏𝐀𝐓𝐔𝐋𝐎𝐘 𝐍𝐀 𝐏𝐀𝐆𝐓𝐀𝐀𝐒 𝐍𝐆 𝐏𝐄𝐓𝐑𝐎𝐋𝐘𝐎, 𝐁𝐀𝐍𝐓𝐀 𝐒𝐀 𝐊𝐀𝐁𝐔𝐇𝐀𝐘𝐀𝐍 𝐍𝐆 𝐌𝐆𝐀 𝐌𝐀𝐆𝐒𝐀𝐒𝐀𝐊𝐀!

Paniguradong tutungo sa mas malala na krisis ang sektor ng agrikultura sa patuloy na pagtaas ng presyo ng petrolyo sa buong bansa, lalo na sa Ilocos Region; kung saan maraming magsasaka ang napipilitang anihin ang kanilang pananim kahit hindi pa sapat ang laki at hindi maganda ang kalidad ng tanim, dahil sa sobrang taas ng gastos sa pagpapatubig. Sa halos pag-triple ng presyo ng diesel mula sa dating average na Php57.60 kada litro tungong Php152.45 kada litro, tinatayang may dagdag na average na Php585.26 kada araw sa gastusin ng magsasaka sa pagpapatubig pa lamang - halagang mas mataas pa sa karaniwang Php318.39 na arawang kita ng mga magsasaka sa rehiyon.

Ayon kay Julie Balangue, Regional Spokesperson ng Solidarity of Peasants Against Exploitation (STOP Exploitation), malinaw na hindi na kayang pasanin ng mga magsasaka ang patuloy na pagtaas ng gastos sa produksyon.

“Mas gugustuhin nalang talaga namin na anihin ang mga tanim namin, kaysa ipilit namin na patubigan pa…napakalaki ng dagdag na gastos para mapaandar namin ang mga water pump, tapos kapag ibebenta mo na [ang produkto], napakababa ng presyo…wala ng babalik sa amin.” aniya.

Dagdag pa niya, ang patuloy na pagtaas ng presyo ng diesel ay hindi lamang problema sa kasalukuyan, kundi banta rin sa susunod na mga taniman.

“Kung mananatiling ganito kataas ang presyo ng diesel, maraming magsasaka ang mapipilitang wag na lang magtanim sa susunod na panahon…Dati ng nalulugi ang mga magsasaka…pinapalala pa ng kalagayan ngayon…pero nananatiling wala o mabagal ang aksyon”

Matagal nang nakabaon sa lupa ang mga magsasaka, dahil sa sunod-sunod na bagyo na sumira sa kanilang pananim, patuloy na pangbabarat sa presyo ng kanilang produkto, patuloy na pagtaas ng halaga ng farm inputs, at kakulangan ng sapat at regular na suporta sa produksyon mula sa gubyerno. Kung mayroon mang tulong, hindi ito sapat at hindi rin umaabot sa lahat ng nangangailangan.

Bagama’t inanunsyo ng Department of Agriculture (DA) ang planong pamamahagi ng Php5,000 fuel subsidy ngayong Abril, nananatiling kulang ang halagang ito kung ihahambing sa patuloy na pagtaas ng gastusin sa produksyon. Marami rin sa mga magsasaka ang nagsasabing wala pa silang natatanggap na malinaw na impormasyon hinggil dito.

“Hindi sapat ang Php5,000 fuel subsidy, kung kada linggo ay tumataas ang presyo ng diesel. Sa isang iglap lang, ubos na yan…at bakit 14,400 na magsasaka lang ang mabibigyan? Milyun-milyon ang mga magsasaka sa buong Pilipinas…Kung sasabihin nilang walang budget, milyun-milyon din o bilyun-bilyon pa nga ang allocated na budget mula sa Tabako Excise Tax kung dito lang sa Ilocos Region…pwede naman kase doon kumuha, saan ba talaga napupunta yan? May matanggap man kami dyan ay napakaliit at hindi pa lahat nabibigyan” paliwanag ni Balangue.

Sa harap ng lumalalang krisis, muling iginiit ng STOP Exploitation ang panawagan na ibasura ang Oil Deregulation Law, alisin ang excise tax sa langis at pagbabasura ng 12% VAT, magbigay ng Php50,000 production subsidy sa mga magsasaka, at tiyakin ang sapat, mabilisan, at para sa lahat na fuel subsidy. Kailangan din na tiyakin ang agarang paggamit ng pondo mula sa To***co Excise Tax upang direktang suportahan ang produksyon, irigasyon, at kabuhayan ng mga magsasaka.

Kung magpapatuloy ang kasalukuyang kalagayan, malinaw na hindi lamang kabuhayan ng mga magsasaka ang nakataya, kundi pati ang seguridad sa pagkain ng buong bansa. Habang patuloy na ipinapasa sa mga magsasaka at buong mamamayan ang bigat ng krisis sa langis, patuloy naman na kumikita mula sa paghihirap ng masa ang mga ganid na mga kartel sa langis.

"Kaya naman, nananawagan kami [STOP Exploitation] sa lahat ng magsasaka...kailangan natin magkaisa upang ipaglaban ang ating kabuhayan." Pagtatapos ni Balangue.

# # #

Reference: Julie Balangue, Regional Spokesperson, STOP Exploitation-KMP Ilocos

08/04/2026

NEWS | The Solidarity of Peasants Against Exploitation stated that, despite NTA’s April 2 claim that pricing and grading issues in trading centers have been resolved, these longstanding problems remain.

Read the article: https://bit.ly/4shY4De

03/04/2026

𝐒𝐓𝐎𝐏 𝐄𝐗𝐏𝐎𝐈𝐓𝐀𝐓𝐈𝐎𝐍: 𝐍𝐓𝐀, 𝐇𝐈𝐍𝐃𝐈 𝐍𝐀𝐆𝐒𝐈𝐒𝐈𝐋𝐁𝐈 𝐒𝐀 𝐈𝐍𝐓𝐄𝐑𝐄𝐒 𝐍𝐆 𝐌𝐆𝐀 𝐌𝐀𝐆𝐒𝐀𝐒𝐀𝐊𝐀 𝐍𝐆 𝐓𝐀𝐁𝐀𝐊𝐎!

Isang kasinungalingan ang inilabas na pahayag ng National To***co Adminstration (NTA) nitong Abril 2, 2026 hinggil sa umanong “pagresolba sa usapin ng grading system sa mga trading centers sa pamamagitan ng pakikipagdiyalogo sa mga magsasaka” dahil hanggang ngayon, hindi pa rin naman nareresolba ang pangkabuuang problema hinggil sa klasipikasyon. Dekada ng ipinapanawagan ng Solidarity of Peasants Against Exploitation (STOP Exploitation) ang pagtanggal sa sistema ng klasipikasyon sa mga ibinebentang tanim na tabako ng mga magsasaka.

𝗕𝗮𝗸𝗶𝘁 𝗶𝗽𝗶𝗻𝗮𝗽𝗮𝗻𝗮𝘄𝗮𝗴𝗮𝗻 𝗻𝗴 𝗺𝗴𝗮 𝗺𝗮𝗴𝘀𝗮𝘀𝗮𝗸𝗮 𝗮𝗻𝗴 𝗽𝗮𝗴𝘁𝗮𝗻𝗴𝗴𝗮𝗹 𝘀𝗮 𝗸𝗹𝗮𝘀𝗶𝗽𝗶𝗸𝗮𝘀𝘆𝗼𝗻 𝗼 𝗴𝗿𝗮𝗱𝗶𝗻𝗴 𝘀𝘆𝘀𝘁𝗲𝗺? Ito’y dahil matagal na nilang inirereklamo na ito ay nagiging paraan lamang ng pandaraya at pambabarat sa kanila ng mga kompanya at traders. Nakabatay lamang ito sa suhetibong pagsusuri ng mga technician, kaya hindi makatarungan ang presyong ibinibigay sa kanilang ani. Sa karanasan, matapos i-grado ang tabako ay pinagsasama-sama rin naman ito sa bodega at sa mismong paggawa ng sigarilyo at iba pang produkto; pinaghahalo-halo din naman ito kahit magkakaibang klase pa ito.

Kaya kahit ilang beses pang ipagmalaki ng NTA na kanilang “niresolba” ang mga usapin sa paggrado, kahit ilang beses sila magsagawa ng mga dayalogo, kung hindi nila pakikinggan ang matagal nang panawagan na 𝗜𝗕𝗔𝗦𝗨𝗥𝗔 𝗔𝗡𝗚 𝗚𝗥𝗔𝗗𝗜𝗡𝗚 𝗦𝗬𝗦𝗧𝗘𝗠, mananatiling pasan ng mga magsasaka ang paghihirap at mas lalong nagiging malinaw na 𝐇𝐈𝐍𝐃𝐈 𝐈𝐍𝐓𝐄𝐑𝐄𝐒 𝐍𝐆 𝐌𝐆𝐀 𝐌𝐀𝐆𝐒𝐀𝐒𝐀𝐊𝐀 𝐍𝐆 𝐓𝐀𝐁𝐀𝐊𝐎 𝐀𝐍𝐆 𝐊𝐀𝐍𝐈𝐋𝐀𝐍𝐆 𝐈𝐍𝐔𝐔𝐍𝐀, 𝐊𝐔𝐍𝐆 𝐇𝐈𝐍𝐃𝐈 𝐀𝐘 𝐀𝐍𝐆 𝐈𝐍𝐓𝐄𝐑𝐄𝐒 𝐍𝐆 𝐌𝐆𝐀 𝐓𝐑𝐀𝐃𝐄𝐑𝐒 𝐀𝐓 𝐌𝐆𝐀 𝐊𝐎𝐌𝐏𝐀𝐍𝐘𝐀.

Ilang beses na itong napatunayan sa mga nagdaang To***co Tripartite Consultative Conference (TTCC) lalo na noong Oktubre 2025, kung saan lantarang hinayaan ng NTA na matuloy ang konsultasyon kahit naman wala at hindi pinakinggan ng mga traders at kompanya ang presentasyon ng mga magsasaka ng tabako mula sa iba’t-ibang probinsya. Sa huling araw na lamang ng konsultasyon dumalo ang mga traders, kompanya, at wala pa ang presensya ng pinakamalaking trader na Universal Leaf (ULPI), 𝐚𝐧𝐠 𝐤𝐚𝐧𝐢𝐥𝐚𝐧𝐠 𝐭𝐚𝐧𝐠𝐢𝐧𝐠 𝐧𝐚𝐢𝐩𝐚𝐧𝐠𝐚𝐤𝐨 𝐚𝐲 𝐚𝐧𝐠 𝐤𝐨𝐧𝐬𝐰𝐞𝐥𝐨 𝐝𝐞 𝐛𝐨𝐛𝐨 𝐧𝐚 𝐝𝐚𝐠𝐝𝐚𝐠 𝐏𝐈𝐒𝐎 𝐬𝐚 𝐟𝐥𝐨𝐨𝐫 𝐩𝐫𝐢𝐜𝐞 𝐧𝐠 𝐭𝐚𝐛𝐚𝐤𝐨 𝐚𝐭 𝐇𝐈𝐍𝐀𝐘𝐀𝐀𝐍 𝐈𝐓𝐎𝐍𝐆 𝐌𝐀𝐍𝐆𝐘𝐀𝐑𝐈 𝐍𝐆 𝐍𝐓𝐀.

Kaya naman nananatiling mahigpit na pinanghahawakan ng STOP EXPLOITATION ang panawagan nitong itaas ang floor price ng tabako sa minimum Php200 kada kilo, tanggalin ang sistema ng klasipikasyon, ipatupad ang makatarungang kontrata, at tiyakin na ang to***co excise tax ay tunay na nagsisilbi sa mamamayan. Hindi sobra ang panawagang Php200 kada kilo - ito ay makatarungan at nararapat upang masigurado na mabawi ng mga magsasaka ang kanilang ginastos sa produksyon at makabawi sa matagal na pagkalubog sa utang.

Sa patuloy na pambabarat sa presyo ng tabako, lalo pang pinabibigat ang kalagayan ng mga magsasaka ng tabako dahil sa sunod-sunod na pagtaas ng presyo ng petrolyo. Sa kasalukuyan, inaasahang patuloy pang tataas ang presyo ng petrolyo at maaaring umabot sa Php170 kada litro.

Bukod pa dito, hinahamon din namin ang NTA na maging tunay na representasyon ng mga magsasaka at hindi ng mga mapagsamantalang traders at kompanya.

Kaya naman nananawagan kami: 𝐌𝐀𝐆𝐒𝐀𝐒𝐀𝐊𝐀 𝐍𝐆 𝐓𝐀𝐁𝐀𝐊𝐎, 𝐌𝐀𝐆𝐊𝐀𝐈𝐒𝐀! 𝐈𝐏𝐀𝐆𝐋𝐀𝐁𝐀𝐍 𝐀𝐍𝐆 𝐌𝐀𝐊𝐀𝐓𝐀𝐑𝐔𝐍𝐆𝐀𝐍𝐆 𝐏𝐑𝐄𝐒𝐘𝐎 𝐀𝐓 𝐊𝐀𝐁𝐔𝐇𝐀𝐘𝐀𝐍!

# # #

Reference:

Julie Balangue
Regional Spokesperson
STOP Exploitation-KMP Ilocos

01/04/2026

26/03/2026

NEWS | Farmers and fishers groups in the Ilocos region said that rising fuel costs now make up about 90 percent of farmers’ average daily income, while fisherfolk face an even worse situation, with extra expenses that more than double their usual daily income.
Read the article: https://bit.ly/4suzKPf

NEWS | Farmers and fishers groups in the Ilocos region said that rising fuel costs now make up about 90 percent of farmers’ average daily income, while fisherfolk face an even worse situation, with extra expenses that more than double their usual daily income.

Read the article: https://bit.ly/4suzKPf

Photo from Kilusang Magbubukid ng Pilipinas

26/03/2026

“These increases are staggering and unjust,” said KMP. “Farmers and other producers are being crushed by rising oil prices, which directly impact irrigation and overall production costs. Without immediate and significant government intervention, many small farmers risk falling deeper into debt or forced out of farming altogether.”