05/05/2025
WAIS AT WASTO: PAANO BUMOTO SA DARATING NA ELEKSYON (IKA-12 NG MAYO, 2025)
Proyekto ng:
Nationalian Class
NU Baliwag
Disenyo ni:
Chezka Lorraine V. Reyes
Mag-aaral
Sulat ni:
Flynniel P. P. ()
Dalubguro
***
BAGO BUMOTO...
- Research: magsaliksik...
Tungkol sa mga kandidato.
Ukol sa mga importanteng isyu.
Nang may-”fact check”; nang walang “fake news”.
Sa pamamagitan ng pakikipag-usap sa ibang tao.
- Prepare: ihanda ang...
Listahan: ng iyong mga iboboto.
Precint number: kung saan ka boboto.
Oras: kung kailan ka pupunta sa presinto, sa gitna ng alas-sais ng umaga hanggang alas-siyete ng gabi. (6:00 AM – 7:00 PM)
Mga sumusunod: ballpen, voter’s ID/valid ID.
Sarili sa init: magsuot ng komportableng pananamit para sa mahabang pila.
Sarili sa bawal: huwag magdala ng campaign materials; huwag magdala ng delikadong gamit; huwag magtagal sa presinto kapag tapos nang bumoto.
Smartphone: para bisitahin ang page ng Commission on Elections (COMELEC) sa comelec.gov.ph
Sarili sa bawal: huwag magdala ng campaign materials, delikadong mga kagamitan,
*
HABANG BUMOBOTO
- Magpatulong sa Voter’s Assistance Desk (VAD) para sa precinct at sequence numbers, kung saan assigned room o clustered precinct.
- Magtungo sa iyong assigned room at lumapit sa Electoral Board (EB) upang ipakita ang iyong pangalan, precinct at sequence number.
- Kunin ang balota, ballot secrecy folder, at marking pen mula sa EB.
- Bumoto:
Basahin ang intructions o mga tagubilin sa balota.
Itiman o i-shade ang loob ng bilog katabi ang pangalan ng nais mong iboto.
Maaari mong gamitin ang iyong listahan o “kodigo”, ngunit ‘wag sisilip sa balota ng ibang botante.
Siguraduhing hindi lalagpas sa nakatalagang bilang sa bawat posisyon.
Ilagay ang balota sa automated counting machine (ACM), o makinang magbibilang ng mga boto.
Suriing mabuti ang resibo kung tama ang iyong mga ibinoto bago ihulog sa lalagyan.
Magpalagay ng di-nabuburang tinta (indelible ink) sa daliri.
Umuwi agad, matapos bumoto, upang ibalita sa mga kapamilya, kaibigan, at kakilala nang mahikayat silang gampanan ang kanilang karapatang bumoto.
*
PAALALA SA MGA BOBOTO:
- Gamitin lamang ang opisyal ng marker ng EB at mag-ingat sa paggamit nito nang hindi kukulang o lalagpas ang pagitim (pag-shade) sa loob ng bilog.
- Ingatan ang balota: iwasang matiklop, malukot, o mapunit.
Bawal kumuha ng litrato sa loob ng presinto; bawal ring itago ang resibo.
- Maging sensitibo at mapagmatyag sa mga tao sa paligid.
- Maging magalang sa mga boluntaryo at empleyado sa presinto, para mas ligtas at mas maayos na karanasan sa halalan.
***
