14/10/2025
๐ฃ
WALANG PASOK
Bilang tugon sa mga naganap na lindol sa mga nakalipas na araw, at upang matiyak ang kaligtasan at katatagan ng mga gusali ng mga paaralan, SUSPENDIDO ang face-to-face classes sa lahat ng antas sa mga pampubliko at pribadong paaralan sa Lungsod ng Baliwag mula Oktubre 16 hanggang 17, 2025. Ang paglipat sa alternative learning modality ay ipinatutupad alinsunod sa umiiral na mga alituntunin at patnubay ng DepEd, TESDA, at CHED.
Ang suspensyon na ito ay ipinatutupad upang bigyang-daan ang pagsasagawa ng masusing inspeksyon sa mga pasilidad at istruktura ng mga pampublikong paralan sa pamamagitan ng pagtutulungan ng mga inhinyero mula sa Schools Division of City of Baliwag at City Engineering Office, at upang magsilbi rin bilang HEALTH BREAK para sa kapakanan ng mga mag-aaral.
Hinihikayat din ang mga pribadong paralan na magsagawa ng kani-kanilang inspeksyon sa tulong ng mga lisensyadong inhinyero upang masig**o ang kaligtasan ng kanilang mga estudyante at kawani.
Kasabay nito, magsasagawa rin ng inspeksyon ang Baliwag City Disaster Risk Reduction and Management Office (CDRRMO) at Baliwag Bureau of Fire Protection (BFP) upang suriin ang umiiral na disaster preparedness plan ng bawat paaralan.
Ang mga kawani o personnel na may kinalaman sa isasagawang structural inspection at iba pang kaugnay na gawain ay kailangang pumasok upang maisagawa ang kanilang tungkulin at matiyak ang maayos na pagsasagawa ng inspeksyon.
Ang hakbang na ito ay resulta ng isinagawang emergency meeting on structural integrity assesment of schools ng Baliwag City Disaster Risk Reduction and Management Council ngayong araw, Oktubre 14, at sa bisa ng inilabas nating memorandum circular no. 16, s. 2025.
